புஷ்பா 3 நிச்சயம் உண்டு.. துபாயில் வைத்து ரசிகர்களுக்கு ஹேப்பி நியூஸ் சொன்ன சுகுமார்!
அல்லு அர்ஜுனின் புஷ்பா 2 படத்திற்குப் பிறகு, ரசிகர்கள் புஷ்பா 3 எப்போது வரும் என்று ஆவலுடன் காத்திருந்தனர். இப்போது, இயக்குனர் சுகுமார் புஷ்பா 3 கண்டிப்பாக உருவாகும் என்று உறுதியளித்துள்ளார்.
துபாயில் நடந்த SIIMA விருது விழாவில், புஷ்பா குழுவினர் ஐந்து விருதுகளை வென்றனர். அப்போது, தொகுப்பாளர்கள் சுகுமாரிடம் புஷ்பா 3 பற்றி கேட்டனர். முதலில் விளையாட்டாகப் பதிலளித்த அவர், பின்னர் தயாரிப்பாளர் நவீன் யெர்னேனி மற்றும் அல்லு அர்ஜுன் ஆகியோரைப் பார்த்து, "புஷ்பா 3 நிச்சயம் உண்டு" என்று உறுதியாகக் கூறினார். மேலும், ஃபஹத் பாசில் பேசிய "பார்ட்டி லேதா புஷ்பா?" என்ற வசனத்தையும் அவர் நினைவுகூர்ந்தார்.
துபாயில் நடந்த சைமா விழாவில், புஷ்பா படத்திற்கு ஐந்து விருதுகள் கிடைத்தன. அதாவது அல்லு அர்ஜுன் - சிறந்த நடிகர், ராஷ்மிகா மந்தனா - சிறந்த நடிகை, சுகுமார் - சிறந்த இயக்குனர், தேவி ஸ்ரீ பிரசாத் - சிறந்த இசையமைப்பாளர், சங்கர் பாபு கண்டுகுரி - சிறந்த பின்னணி பாடகர் (பீலிங்ஸ் பாடல்) என ஐந்து விருதுகளை அப்படம் அள்ளியது.
தற்போது, அல்லு அர்ஜுன் இயக்குனர் அட்லியுடன் இணைந்து AA22xA6 என்ற அறிவியல் படத்தில் நடிக்கிறார். அதேபோல, சுகுமார் ராம் சரணுடன் RC17 படத்தில் வேலை செய்கிறார். இந்த இரண்டு படங்களும் முடிந்த பிறகு, அல்லு அர்ஜுனும் சுகுமாரும் மீண்டும் இணைந்து புஷ்பா 3-ஐ உருவாக்குவார்கள் என்று எதிர்பார்க்கப்படுகிறது.
இதுகுறித்த அதிகாரப்பூர்வ அறிவிப்புகள் எதுவும் இன்னும் வெளியாகவில்லை. அதனால் ரசிகர்கள் பொறுமையாக காத்திருக்க வேண்டும்.
சமீபத்திய செய்திகள்
மதுராந்தகம், தாராபுரம் இடைத்தேர்தல் முடிவுகள்.. மக்கள் ஆதரவு யாருக்கு? யார் வென்றால் என்ன நடக்கும்?
தலைமை தேர்தல் ஆணையர் ஞானேஷ் குமாருக்கு இசட் ப்ளஸ் பாதுகாப்பு: உள்துறை அமைச்சகம் உத்தரவு
தமிழகத்தில் இதுவரை 21,655 பேருக்கு டெங்கு பாதிப்பு: அமைச்சர் அருண்ராஜ் தகவல்
தென்தமிழ் தலையங்கம்: வற்றிப்போகும் பிரான்சும் வறண்டுவரும் பூமியும்!
பிரபல நடிகர் நானா படேகர் மறைவு: பிரதமர் மோடி, நடிகர் ரஜினிகாந்த், குஷ்பு இரங்கல்
Prabha's Tips: பொரித்த ரசம்.. அப்படீன்னா.. அதாவது புளி இல்லாத ரசம்!
Navajothi Arun Poem: அன்னைக்கோர் வாழ்த்து!
ரீல்ஸ் நமக்கு தேவையா?
பிரியாவிடை!
{{comments.comment}}