துல்கர் சல்மானின் பிறந்தநாளை முன்னிட்டு காந்தா படத்தின் டீசர் வெளியீடு!

Jul 28, 2025,04:29 PM IST

சென்னை: துல்கர் சல்மான், சமுத்திரக்கனி உள்ளிட்டோர் நடிக்கும் காந்தா படத்தின் டீசர் வெளியானது.

மலையாள சினிமா முன்னணி நடிகர்களுள் ஒருவர் துல்கர் சல்மான். அவர் நடித்த லக்கி பாஸ்கர் திரைப்படம் ரூ.100 கோடிக்கு மேல் வசூல் சாதனை படைத்தது. அதனைத்தொடர்ந்து துல்கர் சல்மான் நடிக்கும் திரைப்படம் தான் காந்தா. தமிழ் சினிமாவின் முதல் சூப்பர் ஸ்டார் நடிகரான எம்.கே.தியாகராஜ பாகவதரின் வாழ்க்கை வரலாற்றுத் திரைப்படமாக இது உருவாகி வருகிறது. துல்கரும் ராணா டக்குபதியும் இணைந்து இப்படத்தை தயாரித்துள்ளனர்.

செல்வமணி செல்வராஜ் இயக்கத்தில் உருவாகும் இப்படத்தில் நாயகியாக மிஸ்டர் பச்சன் திரைப்பட புகழ் பாக்யஸ்ரீ துல்கர் சல்மானுக்கு ஜோடியாக நடிக்கிறார். இப்படம் தமிழ், தெலுங்கு, மலையாளம் மற்றும் கன்னடம் மொழிகளில் வெளியாகவுள்ளது. இப்படத்தின் முக்கிய காதாபாத்திரத்தில் சமுத்திரக்கனி நடித்துள்ளார்.

இந்நிலையில், இப்படத்தில் டீசர் காட்சிகள் வெளியாகியுள்ளன. துல்கர் சல்மானின் பிறந்த நாளை முன்னிட்டு இப்படத்தின் டீசர் வெளியாகியுள்ளது. டீசர் காட்சிகள் ரசிகர்களிடையே நல்ல வரவேற்பை பெற்றதுடன் படத்தின் மீதான எதிர்பார்ப்பையும் அதிகரித்துள்ளது.