ஜி20 மாநாடு.. யார் வர்றா.. யாரெல்லாம் வரலை.. ஃபுல் லிஸ்ட்!
டெல்லி: டெல்லியில் நாளை தொடங்கி 2 நாட்கள் நடைபெறவுள்ள ஜி20 மாநாட்டுக்கு யாரெல்லாம் வருகிறார்கள் என்ற லிஸ்ட் வெளியாகியுள்ளது.
உலகின் வல்லரசு நாடுகளின் தலைவர்கள் எல்லாம் நாளைய மாநாட்டில் கலந்து கொள்ளவுள்ளதலால் உலகின் கவனம் முழுக்க டெல்லியின் பக்கம் திரும்பியுள்ளது.
அமெரிக்க அதிபர் ஜோ பைடன், இங்கிலாந்து பிரதமர் ரிஷி சுனாக் உள்ளிட்டோர் இந்த மாநாட்டில் கலந்து கொள்கின்றனர். இந்த மாநாட்டில் அமெரிக்க அதிபர், இங்கிலாந்து பிரதமர் ஆகியோர் கலந்து கொள்வது உறுதியாகி விட்டது. பைடன் கிளம்பியும் விட்டார்.
ரிஷி சுனாக்குக்கு இதுதான் பிரதமரான பிறகு முதல் இந்தியப் பயணமாகும். அவர் இந்திய வம்சாவளியைச் சேர்ந்தவர் என்பது குறிப்பிடத்தக்கது.
ஜப்பான் பிரதமர் புமியோ கிஷிடா, கனடா பிரதமர் ஜஸ்டின் ட்ரூடியோ, பிரான்ஸ் அதிபர் இமானுவேல் மேக்ரான், ஆஸ்திரேலியா பிரதமர் அந்தோணி ஆல்பனீஸ், ஜெர்மனி நாட்டு சான்சலர் ஓலப் ஸ்கால்ஸ் ஆகியோர் வருகிறார்கள்.
தென் கொரிய அதிபர் யூன் சுக் இயோல், தென் ஆப்பிரிக்க அதிபர் சிரில் ரம்போசா, துருக்கி அதிபர் ரிசெப் தய்யீப் எர்டாகன் ஆகியோரும் ஜி20 மாநாட்டுக்கு வருகிறார்கள்.
சீன அதிபர் ஜி ஜின்பிங், ரஷ்ய அதிபர் விலாடிமிர் புடின், ஸ்பெயின் அதிபர் பெட்ரோ சான்சஸ், மெக்சிகோ அதிபர் ஆண்டிரஸ் மானுவல் லோபஸ் ஓப்ராடர் ஆகியோர் இந்த மாநாட்டுக்கு வராத முக்கியத் தலைவர்கள் ஆவர்.
ஜி20 உறுப்பு நாடுகள் தவிர வங்கதேசம், நெதர்லாந்து, நைஜீரியா, எகிப்து, மொரீஷியஸ், ஓமன், சிங்கப்பூர், ஸ்பெயின், ஐக்கிய அரபு எமிரேட்ஸ் ஆகிய நாடுகளுக்கும் சிறப்பு அழைப்பாளர்களாக கலந்து கொள்ள அழைப்பு விடுக்கப்பட்டுள்ளது.
சமீபத்திய செய்திகள்
பகுதிநேர ஆசிரியர்கள் சிறப்பு மதிப்பெண் அடிப்படையில் பணி நிரந்தரம்: முதல்வர் மு.க.ஸ்டாலின் அறிவிப்பு
குற்றவாளிகளை காப்பாற்ற மட்டுமே திமுக ஆட்சி நடத்திக் கொண்டிருக்கிறது: அண்ணாமலை குற்றச்சாட்டு!
8% ஆரம்பித்து 0.17 சதவீதத்தில் வந்து நிற்கும் தேமுதிக.. எதிர்பார்க்கும் சீட்டுகள் எத்தனை?
எனக்கு போட்டியாக இந்தியாவில் எந்த கட்சியும் இல்லை..பூமிக்காக அரசியல் பேசும் ஒரே தலைவன் நான்: சீமான்
அமெரிக்காவை உலுக்கும் பெர்ன் பனிப்புயல்:. ஸ்தம்பித்த வாழ்க்கை.. காலியான சூப்பர் மார்க்கெட்டுகள்!
மக்களே தயாராக இருங்க... நாளை 9 மாவட்டங்களுக்கு மழைக்கு வாய்ப்பு..வானிலை மையம் அறிவிப்பு!
டி20 உலகக் கோப்பைத் தொடரிலிருந்து வங்கதேசம் அதிரடி நீக்கம்?.. ஸ்காட்லாந்துக்கு வாய்ப்பு!
ஓபிஎஸ் - அமைச்சர் சேகர்பாபு திடீர் சந்திப்பு: தமிழக அரசியலில் புதிய திருப்பம்?
என்னாது கேரள சட்டசபைத் தேர்தலில் நான் போட்டியிடப் போறேனா?.. பாவனா பதில்!
{{comments.comment}}