பாக்ஸ் ஆபீஸை புரட்டிப் போட்ட கோட்.. முதல் நாளில் ரூ. 126 கோடி வசூல்.. அறிவித்தார் அர்ச்சனா கல்பாத்தி
சென்னை: 2024ம் ஆண்டின் மிகப் பெரிய பிளாக்பஸ்டர் படமாக உருவெடுத்துள்ளது விஜய் நடித்த கோட். முதல் நாளிலேயே இப்படம் உலகளவில் ரூ. 126.32 கோடி வசூல் செய்துள்ளதாக தயாரிப்பாளர் அர்ச்சனா கல்பாத்தி அதிகாரப்பூர்வமாக அறிவித்துள்ளார். அதேசமயம், விஜய்யின் முந்தைய லியோ பட முதல் நாள் வசூல் சாதனையை முறியடிக்க தவறி விட்டது கோட்.
தமிழ், தெலுங்கு மற்றும் இந்தியில் வெளியாகியுள்ள கோட் படம் கலவையான விமர்சனத்தைப் பெற்றாலும் கூட மிகப் பெரிய ஓப்பனிங்கைக் கொடுத்துள்ளது. முதல் நாளில் 99 சதவீத இருக்கைகள் நிரம்பிய நிலையில் மிகப் பெரிய பிளாக்பஸ்டராக மாறியுள்ளது. முதல் நாளிலேயே இப்படம் உலக அளவில் ரூ. 126.32 கோடியை அள்ளியுள்ளது. லியோ படத்தின் முதல் நாள் வசூல் ரூ. 148 கோடியாகும். அந்த வகையில் கோட், லியோவுக்கு அடுத்த இடத்தையே பிடித்துள்ளது.
மிகப் பெரும் எதிர்பார்ப்புக்கு மத்தியில் வெளியான படம் கோட். வித்தியாசமான கதைக்களத்துடன் விஜய் இரு வேடங்களில் நடித்துள்ள கோட், தமிழ், தெலுங்கு, இந்தி மொழிகளில் வெளியாகியுள்ளது. அதிக அளவிலான திரைகளிலும் கோட் படம் திரையிடப்பட்டது. கோட் படத்திற்கு, சென்னையில் 1003 ஷோக்கள் முதல் நாளில் இடம் பெற்றிருந்தது. பெங்களூரில் 1140 ஷோக்கள் காட்டப்பட்டுள்ளன. இது சென்னையை விட அதிகம் என்பது குறிப்பிடத்தக்கது.
இந்த ஆண்டின் மிகப் பெரிய பிளாக்பஸ்டர் படமாக கோட் உருவெடுத்துள்ளது. தற்போது உள்ள அதே அளவிலான கூட்டம் தொடர்ந்து நீடித்தால் இன்னும் சில நாட்களில் இப்படத்தின் வசூல் ரூ. 500 கோடியைத் தொடும் என்று எதிர்பார்க்கப்படுகிறது. லியோ படம் உலக அளவில் ரூ. 618 கோடியை வசூல் செய்தது. அந்த சாதனையை கோட் முறியடிக்குமா என்ற எதிர்பார்ப்பு எழுந்துள்ளது.
கோட் படம் முதல் நாளில் ரூ. 126 கோடியை வசூல் செய்ததை தற்போது ரசிகர்கள் தடபுடலாக சமூக வலைதளங்களில் கொண்டாடி வருகின்றனர்.
சமீபத்திய செய்திகள்
பகுதிநேர ஆசிரியர்கள் சிறப்பு மதிப்பெண் அடிப்படையில் பணி நிரந்தரம்: முதல்வர் மு.க.ஸ்டாலின் அறிவிப்பு
குற்றவாளிகளை காப்பாற்ற மட்டுமே திமுக ஆட்சி நடத்திக் கொண்டிருக்கிறது: அண்ணாமலை குற்றச்சாட்டு!
8% ஆரம்பித்து 0.17 சதவீதத்தில் வந்து நிற்கும் தேமுதிக.. எதிர்பார்க்கும் சீட்டுகள் எத்தனை?
எனக்கு போட்டியாக இந்தியாவில் எந்த கட்சியும் இல்லை..பூமிக்காக அரசியல் பேசும் ஒரே தலைவன் நான்: சீமான்
அமெரிக்காவை உலுக்கும் பெர்ன் பனிப்புயல்:. ஸ்தம்பித்த வாழ்க்கை.. காலியான சூப்பர் மார்க்கெட்டுகள்!
மக்களே தயாராக இருங்க... நாளை 9 மாவட்டங்களுக்கு மழைக்கு வாய்ப்பு..வானிலை மையம் அறிவிப்பு!
டி20 உலகக் கோப்பைத் தொடரிலிருந்து வங்கதேசம் அதிரடி நீக்கம்?.. ஸ்காட்லாந்துக்கு வாய்ப்பு!
ஓபிஎஸ் - அமைச்சர் சேகர்பாபு திடீர் சந்திப்பு: தமிழக அரசியலில் புதிய திருப்பம்?
என்னாது கேரள சட்டசபைத் தேர்தலில் நான் போட்டியிடப் போறேனா?.. பாவனா பதில்!
{{comments.comment}}