சென்னை:  புதிய உச்சத்தை நேற்று தொட்ட தங்கம் இன்று குறைந்துள்ளது. இன்றைய தங்கம் விலை ஒரு கிராம் ரூ.40  குறைந்து, சவரனுக்கு ரூ.320 குறைந்துள்ளது. 

தங்கத்தின் விலையில் நிலையற்ற தன்மை காணப்படுகிறது. நேற்று சவரனுக்கு ரூ.400 உயர்ந்திருந்த நிலையில், இன்று சவரனுக்கு ரூ.320 குறைந்துள்ளது. சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கம் விலை நாள்தோறும் நிர்ணயம் செய்யப்பட்டு வருகிறது. இவ்வாறு விலை நிர்ணயம் செய்யப்படுவதால் தங்கத்தின் விலை ஒரு நாள் உயர்ந்தும், மற்றொரு நாள் குறைந்தும் காணப்படுகிறது. இருப்பினும், வைகாசி மாதம் திருமணங்கள் அதிகளவில் நடைபெறும் என்பதால், இந்த விலை குறைவு விஷேசங்கள் வைத்திருப்பவர்களுக்கு மிகுந்த மகிழ்ச்சியை ஏற்படுத்தியுள்ளது. 

சென்னையில் இன்றைய தங்கம் விலை...

இன்றைய தங்கத்தின் விலையை பொருத்தவரை,  1 கிராம் 22 கேரட் ஆபரண தங்கத்தின் விலை 6,860 ரூபாயாக உள்ளது. இது நேற்றைய விலையில் இருந்து 40 ரூபாய் குறைந்து சவரனுக்கு ரூ.320 ஆக குறைந்துள்ளது. 8 கிராம் ஆபரண தங்கத்தின் விலை 54,880 ரூபாயாக உள்ளது. 

1 கிராம் 24 கேரட் தங்கத்தின் விலை 7,484 ரூபாயாக உள்ளது. 8 கிராம் 24 கேரட் தங்கத்தின் விலை ரூ.59,872 ஆக உள்ளது. ஆபரண தங்கத்தின் விலை சவரனுக்கு ரூ.320 குறைந்துள்ள நிலையில் 24 கேரட் தங்கத்தின் விலை சவரனுக்கு ரூ.352 குறைந்துள்ளது. 

சென்னையில் வெள்ளி விலை...

நேற்று உயர்ந்திருந்த வெள்ளியின் விலையும் இன்று குறைந்துள்ளது. இன்று 1 கிராம் வெள்ளி விலை  ரூ.99க்கு விற்கப்படுகிறது. 8 கிராம் வெள்ளி விலை ரூபாய் 792 ஆக உள்ளது. நேற்று ஒரு கிலோ வெள்ளியின் விலை ரூ.1,01,000 இருந்த விலை இன்று ரூ.99,000க்கு விற்கப்படுகிறது.