"ஹாப்பி பர்த்டே... ஐ மிஸ் யூ தங்கச்சி".. பவதாரிணி இயக்குநர் வெங்கட் பிரபு உருக்கமான டிவீட்!
சென்னை: இசைஞானி இளையராஜாவின் மகள் பவதாரணிக்கு இன்று பிறந்த நாள். சமீபத்தில் மறைந்த அவர் குறித்து அவரது சித்தப்பா மகனும், அண்ணனுமான, இயக்குநர் வெங்கட் பிரபு ஹாப்பி பர்த்டே .... ஐ மிஸ் யூ தங்கச்சி என உருக்கமாக டிவீட் போட்டுள்ளார்.
இசையமைப்பாளர் இளையராஜாவின் மகளும் பிரபல பின்னணி பாடகியுமான பவதாரிணி கடந்த 25ம் தேதி காலமானார். அவருக்கு வயது 47. கல்லீரல் புற்றுநோயால் பாதிக்கப்பட்டிருந்தவர், அதற்கான சிகிச்சை மேற்கொண்டு வந்தார். சிகிச்சை பலன் இன்றி காலமானார்.
குயில் போன்ற குரலுக்கு சொந்தக்காரர். ராசய்யா படத்தில் பின்னணி பாடகியாக அறிமுகமானவர். இவர் பாடிய மஸ்தானா மஸ்தானா பாடல் மிகப் பெரிய ஹிட்டாகியது. பலரது இசையில் பின்னணி பாடியுள்ளார். தமிழ் மட்டுமின்றி தெலுங்கு மொழியிலும் பின்னணி பாடியுள்ளார்.
இளையராஜா இசையில் பாரதி படத்தில் இவர் பாடிய மயில் போல பொண்ணு ஒன்னு என்ற பாடலுக்கு தேசிய விருதும் பெற்றுள்ளார். ஒரு சில படங்களுக்கு இசையும் அமைத்துள்ளார். பவதாரிணியின் உடல் இளையராஜாவின் சொந்த ஊரான தேனி மாவட்டம் பண்ணைப்புரம் அருகே அடக்கம் செய்யப்பட்டது.
இந்நிலையில், பவதாரிணியின் பிறந்த நாளான இன்று இயக்குனர் வெங்கட் பிரபு உருக்கமான டுவிட் ஒன்றை போட்டுள்ளார். பவதாரிணியுடன் வெங்கட் பிரபு இருக்கும் படத்தை போட்டு, இனிய பிறந்த நாள் தங்கச்சி. நீ மகிழ்ச்சியான இடத்தில் இருப்பாய் என்று நம்புகிறோம்.. ஐ மிஸ் யூ சோ மச் என்று பதிவிட்டுள்ளார். இந்த பதிவு நெட்டிசன்கள் அனைவரையும் கண்கலங்க வைத்துள்ளது.
சமீபத்திய செய்திகள்
ஓபிஎஸ் - அமைச்சர் சேகர்பாபு திடீர் சந்திப்பு: தமிழக அரசியலில் புதிய திருப்பம்?
அமெரிக்காவில் குடும்பச் சண்டையில் விபரீதம்.. 3 பேருக்கு ஏற்பட்ட கதி.. பரபரப்பு சம்பவம்!
எனக்கு போட்டியாக இந்தியாவில் எந்த கட்சியும் இல்லை..பூமிக்காக அரசியல் பேசும் ஒரே தலைவன் நான்: சீமான்
நீ தொழிலுக்காக அரசியல் பண்றவன்.. நான் அரசியலையே தொழிலா பண்றவன்...கராத்தே பாபு பட டீசர் வெளியீடு!
பகுதிநேர ஆசிரியர்கள் சிறப்பு மதிப்பெண் அடிப்படையில் பணி நிரந்தரம்: முதல்வர் மு.க.ஸ்டாலின் அறிவிப்பு
8% ஆரம்பித்து 0.17 சதவீதத்தில் வந்து நிற்கும் தேமுதிக.. எதிர்பார்க்கும் சீட்டுகள் எத்தனை?
என்னாது கேரள சட்டசபைத் தேர்தலில் நான் போட்டியிடப் போறேனா?.. பாவனா பதில்!
தொடர்ந்து மக்களை புலம்ப வைத்து வரும் தங்கம் விலை... இதோ இன்றைய விலை நிலவரம்!
சந்தோஷம்!
{{comments.comment}}