முதல் முறையாக.. நம்பர் 1 இடத்தைப் பிடித்த ஷாஹித் அப்ரிடி மருமகன்.. பவுலிங்கில்!
துபாய்: முன்னாள் பாகிஸ்தான் ஆல் ரவுண்டர் ஷாஹித் அப்ரிடியின் மருமகனும், தற்போதைய பாகிஸ்தான் அணியின் வேகப் பந்து வீச்சாளருமான ஷாஹின் அப்ரிடி, ஐசிசி பந்து வீச்சு தரவரிசையில் முதலிடத்தைப் பிடித்து அசத்தியுள்ளார். அவரது கெரியரில் ஐசிசி தரவரிசையில் முதலிடத்தைப் பிடிப்பது இதுவே முதல் முறையாகும்.
நடப்பு உலகக் கோப்பைக் கிரிக்கெட் தொடரில் சூப்பர் பார்மில் இருப்பவர் ஷாஹின் அப்ரிடி. தற்போது வெளியாகியுள்ள ஒரு நாள் கிரிக்கெட்டுக்கான ஐசிசி பந்து வீச்சு தரவரிசையில், ஷாஹின் அப்ரிடி முதலிடத்தைப் பிடித்துள்ளார்.
நடப்பு உலகக் கோப்பைத் தொடரில் ஷாஹின் அப்ரிடியும், ஆஸ்திரேலியா பந்து வீச்சாளர் ஆடம் ஜம்பாவும் ஆளுக்கு 16 விக்கெட்களை வீழ்த்தி முதலிடத்தைப் பகிர்ந்து கொண்டுள்ளனர் என்பது குறிப்பிடத்தக்கது. இடது கை வேகப்பந்து வீச்சாளரான ஷாஹின், வங்கதேசத்துக்கு எதிரான முக்கியப் போட்டியில் அதிரடியாக பந்து வீசி 3 விக்கெட்களை வீழ்த்தி அணியின் வெற்றிக்கு உதவினார். இதன் மூலம் பாகிஸ்தானின் அரை இறுதிப் போட்டி கனவு இன்னும் உயிருடன் உள்ளது.
2வது இடத்தில் ஆஸ்திரேலியாவின் ஜோஷ் ஹாசல்வுட், 3வது இடத்தில் இந்தியாவின் முகம்மது சிராஜ், 4வது இடத்தில் தென் ஆப்பிரிக்காவின் கேசவ் மகராஜ் ஆகியோர் உள்ளனர். இந்தியாவின் குல்தீப் யாதவ் 7வது இடத்தில் இருக்கிறார்.
பேட்டிங் வரிசையில் பாகிஸ்தானே முதலிடத்தில் இருக்கிறது. அந்த அணியின் கேப்டன் பாபர் ஆசம் முதலிடத்தில் நீடிக்கிறார்.
சமீபத்திய செய்திகள்
சட்டமன்ற நேரம் வீணடிப்பு...தவெக அரசு மீது எடப்பாடி பழனிசாமி சரமாரி குற்றச்சாட்டு!
காஞ்சிபுரம் பட்டு வாங்கித் தாரேன் கட்டு!
காதல் மொழி காற்றின் வழி!
எல்லாம் கூறினேனே பெண்ணே!
உன்னை நினைப்பதையே என் மனம் காதலிக்கிறது...!
லண்டனில் அஜித்தின் கார் பந்தயத்தை நேரில் பார்க்கிறாரா முதல்வர் விஜய்? இணையத்தில் தீயாய் பரவும் தகவல்
அறிவுடையார் எல்லாம் உடையார்.. சர்வதேச எழுத்தறிவு தினம் International Literacy Day 2026!
திருச்சி கிழக்கு உள்ளிட்ட 5 தொகுதிகளின் இடைத்தேர்தலுக்கான தடை நீட்டிப்பு
தவெக கூட்டணியில் பங்கேற்க மாட்டோம்: சிபிஐ(எம்) தலைவர்கள் கே.பாலகிருஷ்ணன், பெ.சண்முகம் அறிவிப்பு
{{comments.comment}}