அதிர வைத்த அஸ்வின் சுழல்.. சுருண்டு போன வெஸ்ட் இண்டீஸ்.. இந்தியா அசத்தல்

Jul 15, 2023,10:16 AM IST

டொமினிகா: மேற்கு இந்தியத் தீவுகள் அணிக்கு எதிரான முதல் டெஸ்ட் போட்டியில் ஒரு இன்னிங்ஸ், 141 ரன்கள் வித்தியாசத்தில் இந்தியா வீழ்த்தி அசத்தியுள்ளது.

இந்தியா - மேற்கு இந்தியத் தீவுகள் அணிகளுக்கு இடையிலான முதல் டெஸ்ட் போட்டி டொமினிகாவில் நடந்து வந்தது. இதில் ஆரம்பத்திலிருந்தே இந்தியாவின் கை ஓங்கியிருந்தது. இந்திய அணியின் சுழற்பந்துவீச்சாளர்கள் குறிப்பாக அஸ்வினை சமாளிக்க முடியாமல் ஆடிப் போய் விட்டது மேற்கு இந்தியத் தீவுகள் அணி.

முதல் இன்னிங்ஸில் அஸ்வின் சுழலை சமாளிக்க முடியாமல் 150 ரன்களில் சுருண்டிருந்தது மேற்கு இந்தியத் தீவுகள். அந்த இன்னிங்ஸில் அஸ்வின் 5 விக்கெட்களைச் சாய்த்து பிரமிக்க வைத்தார். அடுத்து விளையாடிய இந்தியா 5 விக்கெட் இழப்புக்கு 412 ரன்களைக் குவித்து டிக்ளேர் செய்தது. இதையடுத்து ஆட வந்த மேற்கு இந்தியத் தீவுகளை மீண்டும் அஸ்வின் பதம் பார்த்து விட்டார். இதனால் 130 ரன்களிலேயே சுருண்டு பரிதாபமாக தோல்வியைத் தழுவியது மேற்கு இந்தியத் தீவுகள்.

முதல் இன்னிங்ஸில் 5 விக்கெட்களைத் தூக்கிய அஸ்வின், 2வது இன்னிங்ஸில் 7 விக்கெட்களை வீழ்த்தி அதிர வைத்தார். வெறும் 71 ரன்களை மட்டுமே அவர் விட்டுக் கொடுத்தார். முதல் இன்னிங்ஸில் 3 விக்கெட் வீழ்த்திய ஜடேஜாவுக்கு இந்த முறை 2 விக்கெட்கள் கிடைத்தன.

இந்த வெற்றி மூலம் 3 டெஸ்ட் போட்டிகள் கொண்ட தொடரில் இந்தியா 1-0 என்ற கணக்கில் முன்னிலை வகித்துள்ளது.

அஸ்வின் தற்போது 33 முறை 5 விக்கெட்களைச் சாய்த்து அசத்தியுள்ளார். இவர் எப்போதுமே மேற்கு இந்தியத் தீவுகள் அணிக்கு எதிராக சிறப்பாக பந்து வீசக் கூடியவர் என்பது குறிப்பிடத்தக்கது. மேலும் 21.3 ஓவர்களில் 71 ரன்களுக்கு 7 விக்கெட் வீழ்த்தியதே வெளிநாடுகளில் அஸ்வினின் பெஸ்ட் பந்து வீச்சாகவும் மாறியுள்ளது.

இந்தியாவின் முதல் இன்னிங்ஸில் யஷஸ்வி ஜெய்ஸ்வால் மிகச் சிறப்பாக ஆடி 171 ரன்களைக் குவித்தார். வெளிநாடு ஒன்றில் அறிமுக டெஸ்ட் போட்டியிலேயே அதிக ரன்களைக் குவித்த இந்திய வீரர் என்ற சாதனையை ஜெய்ஸ்வால் படைத்துள்ளார். விராட் கோலி 76 ரன்களைக் குவித்தார். விராட் கோலி தனது பேட்டிங்கில் பெரும் சிரமத்தையும், தடுமாற்றத்தையும் சந்தித்தது ரசிகர்களை ஏமாற்றத்தில் ஆழ்த்தியது.

2வது டெஸ்ட் போட்டி வருகிற 20ம் தேதி டிரினிடாடில் தொடங்குகிறது. 2002ம் ஆண்டுக்குப் பிறகு இந்தியா இதுவரை மேற்கு இந்தியத் தீவுகளில் எந்த டெஸ்ட் தொடரிலும் தோற்றதே இல்லை. அந்த சாதனையை இந்த முறையும் அது தக்க வைக்கும் என்று நம்பப்படுகிறது.

சமீபத்திய செய்திகள்

Backbenchers இனி கிடையாது.. வகுப்பறைகளில் ப வடிவில் இருக்கைகளை போட தமிழக அரசு உத்தரவு!

மக்கள் நீதி மய்யம் தலைவர் கமல்ஹாசன்.. ராஜ்யசபா எம்.பியாக ஜூலை 25ல் பதவியேற்கிறார்!

ஏர் இந்தியா விமான விபத்து.. விமானி வேண்டுமென்றே செய்திருக்கலாம்.. பாதுகாப்பு நிபுணர் பகீர் கருத்து

அதிமுக - பாஜக கூட்டணி மாபெரும் வெற்றி பெறும்.. விஜய்யையும் சேர்க்க முயற்சிப்போம்.. அமித்ஷா

அனுபவசாலிகள் இல்லாத கட்சி வெற்றி பெறாது.. விஜய்யை மறைமுகமாக சுட்டுகிறாரா ரஜினிகாந்த்?

அமெரிக்காவில் இருந்து இந்தியா திரும்பும் ஆசை.. ஓய்வுபெற ரூ. 25 கோடி போதுமா?.. கலகலக்கும் விவாதம்!

அகமதாபாத் விமான விபத்து .. புறப்பட்ட சில விநாடிகளிலேயே 2 என்ஜின்களும் பழுது.. அதிர்ச்சி தகவல்

அமலாக்கத்துறை பயம் முதல்வர் மு.க.ஸ்டாலினுக்குத்தான்.. எங்களுக்கு அல்ல.. எடப்பாடி பழனிச்சாமி

தொடர் உச்சத்தில் தங்கம் விலை... அதிர்ச்சியில் வாடிக்கையாளர்கள்!

அதிர வைத்த அஸ்வின் சுழல்.. சுருண்டு போன வெஸ்ட் இண்டீஸ்.. இந்தியா அசத்தல்

Comments

சமீபத்திய செய்திகள்

அதிகம் பார்க்கும் செய்திகள்