அமெரிக்காவில் மோதப் போகும் இந்தியா - பாகிஸ்தான்.. கோடிக்கணக்கில் விற்பனையாகும் டிக்கெட்கள்!

Mar 04, 2024,06:13 PM IST

வாஷிங்டன்: அமெரிக்காவில் வரும் ஜூன் 9ம் தேதி நடைபெற உள்ள இந்தியா - பாகிஸ்தான் கிரிக்கெட் அணிகளுக்கு இடையேயான டி20 உலக கோப்பை போட்டிக்கான டிக்கெட்டுகள் ரூ.1.86 கோடி வரை விற்பனை செய்யப்பட்டு வருகின்றனவாம்.

2024 டி20 உலககோப்பை கிரிக்கெட் தொடர் வெஸ்ட் இண்டீஸ் மற்றும் அமெரிக்காவில் ஜூன் மாதம் நடைபெற உள்ளது. இந்த தொடரில் மொத்தம் 20 அணிகள் கலந்து கொள்ள உள்ளன. அமெரிக்கா, ஸ்காட்லாந்து, பப்புவா நியூகினியா, கனடா, நோபாளம், ஓமன், நமீபியா, உகாண்டா, வெஸ்ட் இண்டீஸ், ஆஸ்திரேலியா, இங்கிலாந்து, இந்தியா, நெதர்லாந்து, நியூசிலாந்து, பாகிஸ்தான், தென் ஆப்பிரிக்கா, இலங்கை, ஆப்கானிஸ்தான், வங்காளதேசம், அயர்லாந்து ஆகிய அணிகள் கலந்து கொள்கின்றன.

இந்நிலையில், இந்தியா தனது முதல் ஆட்டத்தில் ஜூன் 5ம் தேதி அயர்லாந்து அணியை எதிர்கொள்கிறது. இதனை தொடர்ந்து இந்திய கிரிக்கெட் ரசிகர்கள் எதிர்பார்க்கும் இந்தயா vs பாகிஸ்தான் மோதும் போட்டி ஜூன் 9ம் தேதி நடைபெறுகிறது. இந்தியா மற்றும் பாகிஸ்தான் இடையேயான டி20 உலக கோப்பை போட்டியின் டிக்கெட் விலைக்கு கிராக்கி ஏற்பட்டுள்ளது. உலகளவில் கிரிக்கெட்டில் இந்தியா vs பாகிஸ்தான் இடையேயான எந்த போட்டியும் ரசிகர்களுக்கு திருவிழா என்று தான் கூறவேண்டும். நீண்ட கால போட்டியாளர்களாக இந்தியாவும் பாகிஸ்தானும் எங்கு சந்தித்தாலும் அந்த மைதானம் இருநாட்டு கிரிக்கெட் ரசிகர்களால் நிரம்பி வழியும்.

அப்படித்தான் ஜூன் 9ம் தேதி நடைபெற உள்ள டி20 உலக கோப்பையில் இந்தியா vs பாகிஸ்தான் அணிகள் மீண்டும் மோதுகின்றன போட்டிக்கு டிக்கெட்டுகளை ரசிகர்கள் வாங்கி வருகின்றனர். டிக்கெட்டுகளுக்கு முழு கிராக்கி ஏற்பட்டுள்ளது. டிக்கெட்டுகளை மறு விற்பனை செய்யும் தளங்கள் சாதாரண டிக்கெட்டின் விலையாக அதிகபட்ச டிக்கெட் விலை சுமார் ரூ.40,000 ஆக இருந்த நிலையில், அதை வாங்கி மறுவிற்பனை செய்யும் இணையதளங்களில் ரூ.40 லட்சம் முதல் வசூல் செய்கின்றன.

ஒரு விஐபி டிக்கெட்டின் விலை ரூபாய் 1.4 கோடியாக நிர்ணயம் செய்துள்ளது. அதுமட்டுமின்றி கூடுதல் கட்டணம் ரூபாய் 40 லட்சம் சேர்த்து மொத்தம் டிக்கெட் விலை ரூபாய் 1.86 கோடியாக நிர்ணயித்துள்ளது.இது கிரிக்கெட் ரசிகர்களிடையே அதிர்ச்சியை ஏற்படுத்தியுள்ளது.

சமீபத்திய செய்திகள்

ஏகப்பட்ட பிரச்சினை: சுறுசுறுப்பு காட்டும் தமிழக அரசியல் கட்சிகள்.. அடுத்தடுத்து போராட்டம் அறிவிப்பு

ஆண் மகனை அவனாகவே வாழ விடுங்கள்!

நாகர்கோவில் சிறையில் கைதி கொலை: CBCID விசாரணைக்கு மாற்றி தமிழ்நாடு அரசு உத்தரவு!

முதல்வரை மிரட்டிய வழக்கு: திமுக எம்எல்ஏ மார்கண்டேயனின் ஜாமீன் மனு தள்ளுபடி!

நீட் வினாத்தாள் கசிவு விவகாரம்: விரிவான விவாதம் நடத்த தயார் - மத்திய அரசு அறிவிப்பு

நீட் தேர்வு போராட்டம்.. இதைத்தான் தொடர்ந்து சொல்லி வருகிறது திமுக.. மு.க.ஸ்டாலின்

ராகுல் காந்தி கைது வன்மையாக கண்டிக்கத்தக்கது.. முதல்வர் விஜய் கண்டனம்

போதையில் கார் ஓட்டிய வழக்கு: ஆஸ்திரேலிய கிரிக்கெட் வீரர் டேவிட் வார்னருக்கு சிறை தண்டனையா?

முடிவுக்கு வந்தது பாமக விவகாரம்...அன்புமணிக்கு எதிரான வழக்கை வாபஸ் பெற்ற ராமதாஸ்

அமெரிக்காவில் மோதப் போகும் இந்தியா - பாகிஸ்தான்.. கோடிக்கணக்கில் விற்பனையாகும் டிக்கெட்கள்!

Comments

சமீபத்திய செய்திகள்

அதிகம் பார்க்கும் செய்திகள்