ஒடும் விமானத்தில் அடுத்தடுத்து ஹார்ட் அட்டாக்.. 5 மணி நேரம் போராடி உயிரை மீட்ட டாக்டர்!

Jan 06, 2023,12:38 PM IST

பிர்மிங்காம்: இங்கிலாந்தில் ஓடும் விமானத்தில் பயணி ஒருவருக்கு அடுத்தடுத்து மாரடைப்பு ஏற்பட்ட நிலையில் அவரை இந்திய வம்சாவளி டாக்டர் ஒருவர் கடுமையாக போராடி காப்பாற்றியுள்ளார்.

அந்த டாக்டரின் பெயர் விஸ்வராஜ் வெமலா. பிர்மிங்காமில் உள்ள மருத்துவமனையில் பணியாற்றி வருகிறார். இவர் இந்தியாவுக்கு பயணத்தில் இருந்தபோது விமானத்தில் இருந்த ஒரு பயணிக்கு திடீரென மாரடைப்பு ஏற்பட்டது. இதையடுத்து டாக்டர் வெமலா அவருக்கு சக பயணிகளின் உதவியோடு சிபிஆர் உள்ளிட்டவற்றை செய்து சகஜ நிலைக்குக் கொண்டு வந்தார். ஆனால் இயல்பு நிலைக்குத் திரும்பிய சிறிது நேரத்தில் அந்தப் பயணிக்கு மீண்டும் மாரடைப்பு ஏற்பட்டது. இம்முறையும் வெமலா தன்னால் முடிந்ததைச் செய்து அந்த பயணியின் உயிரைக் காத்துள்ளார்.

கிட்டத்தட்ட 5 மணி நேரத்திற்குள் அந்தப் பயணிக்கு 2 முறை மாரடைப்பு வந்து, கடுமையாக போராடி வெமலா அவரைக் காப்பாற்றியுள்ளார். மாரடைப்பு வந்த அந்த பயணிக்கு வயது 43 ஆகும். அந்த விமானத்தின் பயண நேரம் 10 மணி நேரமாகும். அதில் பாதி நேரம் அந்த விமானத்தில் ஒரு உயிர்ப் போராட்டம் நடந்துள்ளது பரபரப்பைக் கிளப்பியுள்ளது. அவசர நிலை காரணமாக பெங்களூரு வர வேண்டிய அந்த விமானம் மும்பையில் தரையிறக்கப்பட்டு அந்த பயணி மருத்துவமனைக்குக் கொண்டு செல்லப்பட்டார்.

இருமுறை மாரடைப்பு வந்தும் தன்னை போராடிக் காப்பாற்றிய டாக்டர் வெமலாவுக்கு அந்த நோயாளி நன்றி கூறிக் கொண்டார். எனது வாழ்நாள் முழுவதும் உங்களை மறக்க மாட்டேன் என்றும் நெகிழ்ச்சியுடன் கூறியுள்ளார். இத்தனைக்கும் விமானத்தில் பெரிய அளவில் உயிர் காக்கும் மருந்துகள் இல்லை. இருந்த சில மருந்துகளை மட்டும் வைத்து அந்த நோயாளியைக் காப்பாற்றியுள்ளார் டாக்டர் வெமலா.

பெங்களூரில் வெமலாவின் தாயார் வசித்து வருகிறார். அவரை தன்னுடன் பிர்மிங்காம் அழைத்து வருவதற்காக இந்தியாவுக்குப் பயணித்தார் வெமலா. வரும் வழியில் இப்படி ஒரு அனுபவம் அவருக்குக் கிடைத்துள்ளது.

சமீபத்திய செய்திகள்

இனி கூட்டணியே தேவையில்லை.. திமுக தனித்துப் போட்டியிட வேண்டும்.. தொண்டர்கள் வலியுறுத்தல்

காங்கிரஸ் அணுகுமுறையால் திமுக கூட்டணிக்குத் தோல்வி.. திருமாவளவன் குற்றச்சாட்டு

பெண் சிங்கம்.. ராத்திரி 11 மணி.. தனி ஆளாய்.. மொத்த கும்பலையும் வேரறுத்த.. ரிதி ராஜ் ஐபிஎஸ்!

மீண்டும் போர் பதற்றம்: ஈரானிலிருந்து இந்தியர்கள் வெளியேற மத்திய அரசு அறிவுறுத்தல்!

மக்களின் குறை தீர்க்கும் தமிழ்நாடு அரசு.. முக்கிய இமெயில் முகவரிகள்.. நோட் பண்ணிக்கங்க!

முதல்வர் விஜயைச் சந்தித்து.. செஸ் விளையாடி.. ஜெயித்து வாழ்த்து பெற்றார் சாம்பியன் பிரக்ஞானந்தா!

தமிழ்நாடு மின் வாரிய ஹார்டு டிஸ்க் திருட்டு வழக்கு: சிபிசிஐடி-க்கு மாற்றி டிஜிபி உத்தரவு!

பா.ஜ.க-விலிருந்து விலகிய செய்தித் தொடர்பாளர் ஸ்ரீகாந்த் கருணேஷ்.. அண்ணாமலையுடன் இணைகிறாரா?

ராஜ்யசபா தேர்தல்: வேட்புமனுத் தாக்கலுக்கு இன்று கடைசி நாள்.. தவெக ஆதரவுடன் எம்.பி ஆகும் காங்.

ஒடும் விமானத்தில் அடுத்தடுத்து ஹார்ட் அட்டாக்.. 5 மணி நேரம் போராடி உயிரை மீட்ட டாக்டர்!

Comments

சமீபத்திய செய்திகள்

அதிகம் பார்க்கும் செய்திகள்