சிஎஸ்கேன்னா சும்மாவா?.. அடுத்தடுத்து அதிரிபுதிரி வெற்றி.. முதலிடத்தில் சென்னை!

Apr 24, 2023,03:13 PM IST

கொல்கத்தா : ஐபிஎல் கிரிக்கெட் தொடரில் சென்னை சூப்பர் கிங்ஸ் அணி, தனது அடுத்த வெற்றியை பதிவு செய்துள்ளது. இதன் காரணமாக ஐபிஎல் அணி புள்ளிகள் பட்டியலில் சென்னை அணி மூன்றாவது இடத்தில் இருந்து முதலிடத்தை எட்டி பிடித்துள்ளது.

தற்போது நடைபெற்று வரும் ஐபிஎல் டுவென்டி- 20 கிரிக்கெட் தொடரில் நேற்று கொல்கத்தா ஈடன் கார்டன் மைதானத்தில் நடைபெற்ற போட்டியில் சென்னை சூப்பர் கிங்ஸ் மற்றும் கொல்கத்தா நைட் ரைடர்ஸ் அணிகள் மோதின. இதில் டாஸ் வென்ற கொல்கத்தா அணி பவுலிங்கை தேர்வு செய்தது. முதலில் களமிறங்கிய சென்னை சூப்பர் கிங்ஸ் அணி, 20 ஓவர்களில் 4 விக்கெட் இழப்பிற்கு 235 ரன்கள் எடுத்தது.

236 ரன்கள் எடுத்தால் வெற்றி என இலக்குடன் களமிறங்கிய கொல்கத்தா அணி, 20 ஓவர்களில் 8 விக்கெட்டுகளை இழந்து 186 ரன்கள் மட்டுமே எடுத்தது. இதன் மூலம் 49 ரன்கள் வித்தியாசத்தில் சென்னை அணி அபார வெற்றியை பதிவு செய்தது. சென்னை அணியின் இந்த வெற்றியை அந்த அணியின் ரசிகர்கள் விசில் போட்டு கொண்டாடி வருகின்றனர்.

இதற்கு முன் ஏப்ரல் 21 ம் தேதி சன்ரைசர்ஸ் ஐதராபாத் அணிக்கு எதிராக நடைபெற்ற போட்டியிலும் சென்னை அணி வெற்றி பெற்றது. அடுத்தடுத்த வெற்றிகளால் ஐபிஎல் 2023 அணிகளின் புள்ளி விபர பட்டியலில் சென்னை அணியின் புள்ளிகள் அதிரடியாக உயர்ந்து, முதலிடத்தை பிடித்துள்ளது. மொத்தம் 74 போட்டிகள் கொண்ட ஐபிஎல் 2023 கிரிக்கெட் தொடரில் இதுவரை 33 போட்டிகள் நிறைவடைந்துள்ளது.

இதில் 7 போட்டிகளில் விளையாடிய சென்னை அணி 5 போட்டிகளில் வெற்றியும், 2 போட்டிகளில் தோல்வியும் அடைந்து, 10 புள்ளிகளை பெற்று முதலிடத்தில் உள்ளது. ராஜஸ்தான் ராயல்ஸ் அணி 8 புள்ளிகளுடன் இரண்டாவது இடத்திலும், லக்னோ சூப்பர் ஜெயின்ட்ஸ் அணி 8 புள்ளிகளுடன் மூன்றாவது இடத்திலும் உள்ளன.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

தொடக்கப் பள்ளி மற்றும் நடுநிலைப் பள்ளியின் நிறைவு நாளை எப்படி கொண்டாடலாம்?

Chettinadu Kitchen: அடித்துத் தாக்கும் வெயிலுக்கு..அதிரடி தேங்காய் பால் கஞ்சியும்..பருப்பு துவையலும்

ஆதலால் காதல் செய்வீர்!

மீனாட்சி அம்மன் சுந்தரேஸ்வரர் திருக்கல்யாணம்.. கோலாகல ஏற்பாடுகள் தீவிரம்

சென்னை வாக்குப்பதிவில் சுவாரஸ்யம்.. சதவீதம் உயர்வு.. ஆனால் ஓட்டுப் போட்டவர்கள் குறைவுதான்!

Tamil Nadu Assembly elections: தமிழ்நாட்டில் 84.29% வாக்குப் பதிவு.. கரூர் மாவட்டத்தில்தான் உச்சம்!

தமிழ்நாடு முழுக்க வாக்குப் பதிவு விகிதம் அதிகரிக்க என்ன காரணம்.. சென்னையும் கலக்குதே!

வாக்குப்பதிவு நேரத்தை 2 மணி நேரம் அதிகரிங்க.. தேர்தல் ஆணையத்துக்கு விஜய் கோரிக்கை

முதல்வர் மு.க.ஸ்டாலின், எடப்பாடி பழனிச்சாமி, விஜய், ரஜினி, கமல், அஜீத் ஓட்டுப் போட்டாச்சு!