ஐபிஎல் கிரிக்கெட் 2025 : ஸ்டைலா.. அசத்தலா 56 வது அரைசதத்தை எட்டிய விராட் கோலி

Mar 22, 2025,10:42 PM IST

கொல்கத்தா : ஐபிஎல் கிரிக்கெட்டில் தன்னுடைய 56 வது அரைசதத்தை அடித்து புதிய சாதனை படைத்துள்ளார் பெங்களூரு ராயல் சேலஞ்சர்ஸ் அணியின் ஸ்டார் வீரர் விராட் கோலி.

2025ம் ஆண்டிற்கான ஐபிஎல் டி-டுவென்டி கிரிக்கெட் தொடர் இன்று துவங்கி உள்ளது. இதன் முதல் போட்டி கொல்கத்தா ஈடன் கார்டன் மைதானத்தில் நடைபெற்றது. 2025ம் ஆண்டிற்கான முதல் ஐபிஎல் கிரிக்கெட் போட்டியில் பெங்களூரு ராயல் சேலஞ்சர்ஸ் அணியும், கொல்கத்தா நைட் ரைடர்ஸ் அணியும் மோதின. இதில் முதலில் பேட் செய்த கொல்கத்தா அணி 20 ஓவர்களில் 174 ரன்கள் அடித்தது. 175 ரன்கள் எடுத்தால் வெற்றி என்ற இலக்குடன் களமிறங்கியது பெங்களூரு அணி.

தொடக்க வீரராக களம் இறங்கிய விராட் கோலி அதிரடியாக ஆடி 30 பந்துகளில் 50 ரன்களைத் தாண்டி அசத்தினார். இது ஐபிஎல் கிரிக்கெட்டில் இவர் அடிக்கும் 56வது அரைசதம் ஆகும். விராட் கோலி, இதுவரை 252 ஐபிஎல் போட்டிகளில் விளையாடி 8004 ரன்கள் அடித்துள்ளார். இதுவரை 56 அரை சதம் மற்றும் 6 சதம் அடித்து புதிய சாதனை படைத்துள்ளார். அதிகபட்சமாக 2016ம் ஆண்டில் நடைபெற்ற ஐபிஎல் தொடரில் 973 ரன்கள் குவித்திருந்தார் கோலி.

இதுவரை நடைபெற்ற ஐபிஎல் தொடர்களில் 143 போட்டிகளில் பெங்களுரு அணியின் கேப்டனாக விராட் கோலி விளையாடி உள்ளார். இவர் தலைமையில் பெங்களூரு அணி விளையாடி 70 போட்டிகளில் 66 போட்டிகளில் வெற்றி பெற்றுள்ளது. 2016 ல் பைனல் வரை சென்றது. இந்த ஆண்டு ரஜத் படீதார் தலைமையலான பெங்களூரு அணி முதல் போட்டியிலேயே வெற்றியுடன் கலக்க ஆரம்பித்திருக்கிறது. குறிப்பாக விராட் கோலி முதல் போட்டியிலேயே அரை சதம் போட்டது ரசிகர்களை ஹேப்பியாக்கியுள்ளது.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

நவம்பர் 1-க்குள் தமிழில் கடையின் பெயர் பலகைகள்...சென்னை உயர் நீதிமன்றம் அதிரடி உத்தரவு!

"பூச்சாண்டிகளுக்கு எல்லாம் அஞ்சிட மாட்டோம்": கே.என்.நேரு வீடு ரெய்டிற்கு மு.க.ஸ்டாலின் கண்டனம்!

"ராகுல் காந்திதான் பிரதமர் வேட்பாளர்": தவெக கூட்டணி குறித்து மாணிக்கம் தாகூர் பரபரப்பு பேட்டி!

"ஸ்கிரீன் டைம் போதையாக மாறிவிட்டது" – பிரதமர் நரேந்திர மோடி எச்சரிக்கை!

பெண்களை இழிவுபடுத்தும் விளம்பரங்களை வைக்கலாமா.. மெட்ரோவுக்கு சு. வெங்கடேசன் கேள்வி

முன்னாள் காங்கிரஸ் எம்.எல்.ஏ அசன் மௌலானாவுக்கு 3 ஆண்டுகள் தேர்தலில் போட்டியிடத் தடை

திமுக முன்னாள் அமைச்சர் கே.என்.நேரு வீடுகளில் லஞ்ச ஒழிப்புத்துறை அதிரடி சோதனை

மாணவர்கள் வளர்ச்சி கண்டு பெருமைப்படும் பேரான்மாக்கள்.. ஆசிரியர்கள்!

கல்வி என்னும் நறுந்தேனை.. சுவைக்கச் செய்யும் இளங்காற்று நாமே!

ஐபிஎல் கிரிக்கெட் 2025 : ஸ்டைலா.. அசத்தலா 56 வது அரைசதத்தை எட்டிய விராட் கோலி

Comments

சமீபத்திய செய்திகள்

அதிகம் பார்க்கும் செய்திகள்