IPL Auction 2024: டிராவிஸ் ஹெட்.. முட்டி மோதிய சிஎஸ்கே.. தட்டிக் கொண்டு போன சன் ரைசர்ஸ்!
துபாய்: ஆஸ்திரேலியா அணி உலகக் கோப்பையை வெல்லக் காரணமான டிராவிஸ் ஹெட்டை, சன் ரைசர்ஸ் ஹைதராபாத் அணி ரூ. 7.80 கோடிக்கு ஏலத்தில் எடுத்துள்ளது.
நடந்து முடிந்த உலகக் கோப்பை போட்டித் தொடரில் ஆஸ்திரேலியா அணி கோப்பையை வென்று அசத்தியது. அந்த அணியின் முக்கிய வீரரான டிராவிஸ் ஹெட் அபாரமான சதம் அடித்து இறுதிப் போட்டியில் தனது அணிக்கு வெற்றி வாய்ப்பை ஏற்படுத்தினார்.
இன்றைய வீரர்கள் ஏலத்தில் டிராவிஸ் ஹெட்டுக்கு நல்ல கிராக்கி இருந்தது. ரூ. 2 கோடி அடிப்படை விலையுடன் டிராவிஸ் ஹெட் ஏலம் விடப்பட்டார். அவரை எடுக்க சென்னை சூப்பர் கிங்ஸும், சன்ரைசர்ஸ் ஹைதராபாத் அணியும் முட்டி மோதின.
இரு அணிகளும் டிராவிஸை எடுக்க மும்முரமாக இருந்ததால் விலை ஏறிக் கொண்டே போனது. கடைசியில் டிராவிஸ் ஹெட்டை, ரூ. 7.80 கோடிக்கு சன் ரைசர்ஸ் ஹைதராபாத் அணி தட்டிக் கொண்டு போய் விட்டது. சென்னை இவரை ஏலத்தில் எடுத்து விடும் என அனைவரும் எதிர்பார்த்த நிலையில் சன் ரைசர்ஸ் அள்ளிக் கொண்டு போய் விட்டது.
ஆஸ்திரேலிய அணியின் நடுக்கள வீரராக முக்கியமான வீரராக வலம் வருபவர் டிராவிஸ் ஹெட். மைக் ஹஸ்ஸிக்குப் பிறகு அந்த இடத்தில் சரியான வீரர் இல்லாமல் தடுமாறியது ஆஸ்திரேலியா. அதை சரி செய்ய தோதாக வந்து சேர்ந்தவர்தான் டிராவிஸ் ஹெட். 2015ம் ஆண்டுதான் அவர் அணியில் முக்கிய இடம் பிடித்தாதர். ஆனால் உலகக் கோப்பை இறுதிப் போட்டியில் அவர் அடித்த அபார சதம்தான் அவரை உலகப் புகழுக்கு உயர்த்தியது.
சமீபத்திய செய்திகள்
நவம்பர் 1-க்குள் தமிழில் கடையின் பெயர் பலகைகள்...சென்னை உயர் நீதிமன்றம் அதிரடி உத்தரவு!
"பூச்சாண்டிகளுக்கு எல்லாம் அஞ்சிட மாட்டோம்": கே.என்.நேரு வீடு ரெய்டிற்கு மு.க.ஸ்டாலின் கண்டனம்!
"ராகுல் காந்திதான் பிரதமர் வேட்பாளர்": தவெக கூட்டணி குறித்து மாணிக்கம் தாகூர் பரபரப்பு பேட்டி!
"ஸ்கிரீன் டைம் போதையாக மாறிவிட்டது" – பிரதமர் நரேந்திர மோடி எச்சரிக்கை!
பெண்களை இழிவுபடுத்தும் விளம்பரங்களை வைக்கலாமா.. மெட்ரோவுக்கு சு. வெங்கடேசன் கேள்வி
முன்னாள் காங்கிரஸ் எம்.எல்.ஏ அசன் மௌலானாவுக்கு 3 ஆண்டுகள் தேர்தலில் போட்டியிடத் தடை
திமுக முன்னாள் அமைச்சர் கே.என்.நேரு வீடுகளில் லஞ்ச ஒழிப்புத்துறை அதிரடி சோதனை
மாணவர்கள் வளர்ச்சி கண்டு பெருமைப்படும் பேரான்மாக்கள்.. ஆசிரியர்கள்!
கல்வி என்னும் நறுந்தேனை.. சுவைக்கச் செய்யும் இளங்காற்று நாமே!
{{comments.comment}}