தமிழக ஐயப்ப பக்தர்களுக்கு சிறப்பான வசதிகள்.. முதல்வர் ஸ்டாலின் கோரிக்கை.. கேரள அரசு ஓ.கே!

Dec 14, 2023,02:52 PM IST

சென்னை: தமிழ்நாட்டு ஐயப்ப பக்தர்களுக்கு அடிப்படை வசதிகளும், பாதுகாப்பும் செய்து தர முதல்வர் மு.க.ஸ்டாலின் விடுத்த கோரிக்கையை ஏற்றுள்ள கேரள அரசு அதுதொடர்பாக ஆவண செய்யப்படும் என்று உறுதியளித்துள்ளது.

தமிழ்நாட்டிலிருந்து லட்சக்கணக்கான ஐயப்ப பக்தர்கள் கேரளாவுக்குச் சென்ற வண்ணம் உள்ளனர். எப்போதும் இல்லாத அளவிற்கு பக்தர்கள் கூட்டம் தற்பொழுது அதிகரித்துள்ளது. ஒரு நாளைக்கு 1 லட்சத்திற்கும் அதிகமானவர்கள் சாமி தரிசனம் செய்ய , ஆன்லைன் மூலமாகவும், நேரடியாகவும் புக் செய்து வருகின்றனர்.

இந்த நிலையில் தமிழகத்தில் இருந்து சபரிமலை ஐயப்பன் கோவிலுக்கு செல்லும் பக்தர்களுக்கு அடிப்படை வசதிகளும் பாதுகாப்பும் செய்து தர தமிழக முதல்வர் மு.க.ஸ்டாலின் கோரிக்கை வைத்திருந்தார். அதை ஏற்று கேரள மாநில அரசின் தலைமைச் செயலாளர் உறுதி அளித்துள்ளார்.

இது குறித்து தமிழக அரசு வெளியிட்ட அறிக்கையில்,

தமிழ்நாட்டில் இருந்து கேரள மாநிலம் சபரிமலை ஐயப்பன் கோவிலுக்கு சென்றுள்ள பக்தர்கள் அடிப்படை வசதிகளும் பாதுகாப்பும் இன்றி மிகவும் சிரமப்படுவதாக தகவல் கிடைத்துள்ளது. இதையடுத்து, தமிழக அரசின் தலைமைச் செயலாளரை, கேரள மாநில தலைமைச் செயலாளருடன் தொடர்பு கொண்டு தமிழ்நாட்டிலிருந்து வரும் ஐயப்ப பக்தர்களுக்கு போதிய அடிப்படை வசதிகள் மற்றும் பாதுகாப்புக்கான அனைத்து உதவிகளையும் ஏற்பாடு செய்து உதவிட கேட்டுக் கொள்ளுமாறு முதல்வர் மு.க.ஸ்டாலின் அறிவுறுத்தினார்.

அதன்படி தமிழ்நாடு அரசு தலைமைச் செயலாளர் சிவ் தாஸ் மீனா கேரள மாநில தலைமைச் செயலாளர் வி. வேணுவை தொலைபேசி மூலம் தொடர்பு கொண்டு இதுதொடர்பாக கோரிக்கை வைத்திருந்தார்.

தமிழ்நாடு தலைமைச் செயலர் மூலம் தமிழ்நாடு முதலமைச்சர் வைத்த கோரிக்கையை ஏற்ற கேரள மாநில தலைமைச் செயலாளர் தமிழ்நாட்டு ஐயப்ப பக்தர்களுக்கு கேரளாவில் தக்க அடிப்படை வசதிகள் செய்து கொடுக்கவும் பாதுகாப்பினை உறுதி செய்யவும் கேரள மாநில அரசு சார்பில் தகுந்த ஏற்பாடுகள் செய்யப்படும் என உறுதி அளித்துள்ளார் என்று கூறப்பட்டுள்ளது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

வரைவு வாக்காளர் பட்டியல் வந்ததும் நாம் இன்னும் தீவிரமாக பணியாற்ற வேண்டும்.: முதல்வர் மு.க.ஸ்டாலின்

ஆட்சி மாற்றம் ஏற்பட்டதும் அனைவரும் கம்பி எண்ணப்போவது உறுதி: எடப்பாடி பழனிச்சாமி

அப்பா வின் ஆட்சியில் தொடர்ந்து காணாமல் போகும் அப்பாவி குழந்தைகள்: நயினார் நாகேந்திரன்

புதுச்சேரியில் தவெக பொதுக்கூட்டம்... தவெக தொண்டர்களுக்கு வெளியாகியுள்ள அறிவிப்பு என்ன தெரியுமா?

என் திரை வாழ்வை சீர்குலைக்க நடந்த சதி செயல்: நடிகர் திலீப் பேட்டி

ஒரு வாரமாக பயணிகளைப் படுத்தி எடுத்த இண்டிகோ.. முழுக் கட்டணத்தையும் திருப்பித் தர முடிவு

பெத்லஹேமில்.. 2 ஆண்டுகளுக்குப் பிறகு.. களை கட்டிய கிறிஸ்துமஸ் கொண்டாட்டங்கள்!

திருநாவுக்கரசரால் பாடப் பெற்ற திருகொண்டீஸ்வரம் .. பசுபதீஸ்வரர் கோவிலில் ஏகாதச ருத்ர யாகம்

எந்த மாற்றமும் இன்றி இருந்து வரும் தங்கம் விலை...வெள்ளியின் விலை நிலவரம் என்ன தெரியுமா?