Leo collection: அடேங்கப்பா... ரூ.100 கோடியை கடந்த லியோ முதல் நாள் வசூல்!

Oct 20, 2023,10:33 AM IST

சென்னை : விஜய் நடித்த லியோ படம் ரிலீசான முதல் நாளிலேயே உலகம் முழுவதும் ரூ.100 கோடி வசூலை கடந்துள்ளது. இது படத்திற்கு கிடைத்துள்ள நெகடிவ் கமெண்ட்கள் அனைத்தையும் அடித்து நொறுக்கி உள்ளது.

டைரக்டர் லோகேஷ் கனகராஜ் இயக்கத்தில் விஜய், த்ரிஷா, சஞ்சய் தத், கெளதம் மேனன், அர்ஜூன் உள்ளிட்ட பலர் நடித்துள்ள படம் லியோ. இந்த படம் உலகம் முழுவதும் தமிழ், தெலுங்கு, கன்னடம் ஆகிய மொழிகளில் ரிலீஸ் செய்யப்பட்டது.

உலகம் முழுவதும் உள்ள ரசிகர்கள் இந்த படத்தை பார்ப்பதற்காக போட்டி போட்டுக் கொண்டு அதிக விலை கொடுத்து கூட டிக்கெட் வாங்கி படம் பார்த்தனர். அமெரிக்காவில் மிக அதிகமான ஸ்க்ரீன்களில் திரையிடப்பட்டுள்ள முதல் விஜய் படம் லியோ தான். எதிர்பார்ப்பை கிளப்பிய அளவிற்கு படத்திற்கு விமர்சனங்கள் கிடைக்கவில்லை. பாசிடிவ் விமர்சனங்களை விட நெகடிவ் விமர்சனங்கள் தான் அதிகம் வந்துள்ளது.

இருந்தாலும் விஜய் ரசிகர்கள் இந்த படத்தை கொண்டாடி தீர்த்து வருகின்றனர். பட்டாசு, மேள தாளம் என அதகளப்படுத்தி விட்டனர். ரசிகர்களை ஏமாற்றாத வகையில் விஜய்யும் தனது நடிப்பை கச்சிதமாக வெளிப்படுத்தி உள்ளார். லியோ பற்றி பலவிதமான விமர்சனங்கள் இன்னும் வந்து கொண்டிருக்கின்றன. இந்நிலையில் படத்தில் முதல் நாள் வசூல் குறித்த தகவல்கள் வெளிவர துவங்கி உள்ளன.

லியோ படம் ரிலீசான முதல் நாளிலேயே உலக அளவில் ரூ.145 கோடிகளை வசூல் செய்துள்ளதாம். இந்தியாவில் மட்டும் ரூ.68 கோடிகளை வசூல் செய்துள்ளதாக சொல்லப்படுகிறது. முதல் நாளிலேயே அதிக வசூலை பெற்ற விஜய் படம் இது தான் என சொல்லப்படுகிறது. 2021 ம் ஆண்டு ரிலீசான மாஸ்டர் படத்திற்கு பிறகு மிகப் பெரிய வசூலை பெற்றுள்ள படம் இது.

லியோ படம் இந்தியாவில் அனைத்து மொழிகளிலும் சேர்த்து ரூ.68 கோடிகளை வசூல் செய்துள்ளது. தமிழகத்தில் மட்டும் ரூ.32 கோடியையும், கேரளாவில் ரூ.12.50 கோடியையும், கர்நாடகாவில் ரூ.14.50 கோடியையும், ஆந்திரா மற்றும் தெலுங்கானாவில் ரூ.17 கோடியையும் வசூல் செய்துள்ளது.

அதேபோல தமிழ், தெலுங்கு, கன்னடம், மலையாளம் ஆகிய நான்கு தென்னிந்திய மொழிகளிலும் முதல் நாளிலேயே தலா ரூ 10 கோடியைத் தாண்டி வசூல் செய்த முதல் தமிழ்ப் படம் என்ற புதிய சாதனையையும் லியோ படைத்துள்ளது. இதுதவிர பல்வேறு நாடுகளில் கபாலி, ஜெயிலர் பட வசூல்களையும் லியோ முந்தியுள்ளதாக செய்திகள் வெளியாகியுள்ளன. தொடர்ந்து விடுமுறை நாட்கள் வருவதால் லியோ படம் வசூசில் பட்டையைக் கிளப்பும் என்று விஜய் தரப்பு நம்பிக்கையுடன் உள்ளது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

முதல்வர் விஜய் உரைக்கு எதிர்ப்பு தெரிவித்து திமுக எம்.எல்.ஏ-க்கள் தர்ணா... வெளிநடப்பு

அஜா ஏகாதசி.. மகா விஷ்ணுவையும்.. மகாலட்சுமி தாயாரையும் நினைத்து விரதம் இருப்போம்!

தமிழக சட்டசபையில் காரசார விவாதம்: திமுக.,வின் அமளிக்கு இடையே முதல்வர் விஜய் ஆவேச பதிலுரை

உன்னையே கதியென்று நினைக்கிறேனடி கண்ணம்மா!

Motivational Monday: மாறுபடும் மதிப்புகளும் மதிப்பீடுகளும்.. சிறுகதை!

நவம்பர் 1-க்குள் தமிழில் கடையின் பெயர் பலகைகள்...சென்னை உயர் நீதிமன்றம் அதிரடி உத்தரவு!

"பூச்சாண்டிகளுக்கு எல்லாம் அஞ்சிட மாட்டோம்": கே.என்.நேரு வீடு ரெய்டிற்கு மு.க.ஸ்டாலின் கண்டனம்!

"ராகுல் காந்திதான் பிரதமர் வேட்பாளர்": தவெக கூட்டணி குறித்து மாணிக்கம் தாகூர் பரபரப்பு பேட்டி!

"ஸ்கிரீன் டைம் போதையாக மாறிவிட்டது" – பிரதமர் நரேந்திர மோடி எச்சரிக்கை!