மெகா ஸ்டார் மோகன்லாலின் ரூ. 421 கோடி சாம்ராஜ்ஜியம்.. என்னெல்லாம் இருக்கு பாருங்க!
கொச்சி: மலையாள சினிமாவின் சூப்பர் ஸ்டார் மோகன்லால், கடந்த நாற்பது ஆண்டுகளாக திரையுலகில் ஈட்டிய வருமானம் மற்றும் புத்திசாலித்தனமான முதலீடுகள் மூலம் சுமார் 421 கோடி ரூபாய் மதிப்பிலான பிரம்மாண்ட சாம்ராஜ்யத்தை உருவாக்கியுள்ளார்.
இவரது சொத்துக்களில் முதன்மையானது துபாயில் உள்ள உலகின் மிக உயரமான கட்டிடமான பூர்ஜ் கலிஃபாவின் 29-வது மாடியில் அமைந்துள்ள 35 கோடி ரூபாய் மதிப்பிலான சொகுசு அபார்ட்மெண்ட் ஆகும்.
இது தவிர, துபாயின் ஆர்பி ஹைட்ஸ் பகுதியிலும், கொச்சியில் 9,000 சதுர அடி பரப்பளவில் அதிநவீன வசதிகள் கொண்ட ஒரு பிரம்மாண்ட டூப்ளக்ஸ் வீட்டையும் அவர் சொந்தமாக வைத்துள்ளார்.
இயற்கையை ரசிக்கும் விதமாக ஊட்டியில் அவர் வைத்துள்ள பங்களா தற்போது சுற்றுலாப் பயணிகளுக்காக ஒரு சொகுசு தங்குமிடமாக மாற்றப்பட்டுள்ளது, அங்கு ஒரு இரவு தங்குவதற்கு 35,000 ரூபாய் வசூலிக்கப்படுகிறது.
வாகனங்கள் மற்றும் கைக்கடிகாரங்கள் மீது மிகுந்த ஆர்வம் கொண்ட மோகன்லால், 4 கோடி ரூபாய் மதிப்பிலான லம்போர்கினி உருஸ் மற்றும் 5 கோடி ரூபாய் மதிப்பிலான ரேஞ்ச் ரோவர் ஆட்டோபயோகிராபி உள்ளிட்ட பல விலையுயர்ந்த கார்களைத் தனது சேகரிப்பில் வைத்துள்ளார்.
அதேபோல், 80 லட்சம் ரூபாய் மதிப்புள்ள பாடெக் பிலிப் மற்றும் 45 லட்சம் ரூபாய் தொடக்க விலை கொண்ட ரிச்சர்ட் மில் போன்ற உலகத்தரம் வாய்ந்த கைக்கடிகாரங்களையும் அவர் விரும்பி அணிகிறார்.
அவரது வருமானத்தைப் பொறுத்தவரை, ஒரு திரைப்படத்திற்கு 8 முதல் 20 கோடி ரூபாய் வரையிலும், பிக் பாஸ் போன்ற நிகழ்ச்சிகளைத் தொகுத்து வழங்க சுமார் 18 கோடி ரூபாயும் ஊதியமாகப் பெறுகிறார்.
இவை தவிர விஸ்மயாஸ் மேக்ஸ் ஸ்டுடியோ, திரையரங்குகள், உணவகங்கள் மற்றும் மருத்துவமனைகள் எனப் பல்வேறு தொழில்களில் அவர் செய்துள்ள முதலீடுகள் அவரது பொருளாதார பலத்தை மேலும் அதிகரித்துள்ளன.
சமீபத்திய செய்திகள்
அதிமுக - பாஜக கூட்டணி: யார் யாருக்கு எத்தனை சீட்.. தொகுதிப் பங்கீடு பேச்சுவார்த்தை தொடங்கியது!
கால் வைக்கிற இடமெல்லாம் கன்னிவெடியா இருக்கே...மலேசியாவில் அரசியல் பேச விஜய்க்கு தடை!
புத்தகப் பிரியர்களின் கவனத்திற்கு.. 49-வது சென்னை புத்தகத் திருவிழா தேதி மாற்றம்!
சார்பு ஆய்வாளர் தேர்வில்... தமிழ் கேள்விகளை நீக்கியுள்ள திமுக அரசிற்கு கண்டனம்: அண்ணாமலை
மாணவர்களுக்கு ஓர் அரிய வாய்ப்பு... விஜய் மெரிட் ஸ்காலர்ஷிப் திட்டம்...பிப்.28 வரை விண்ணப்பிக்கலாம்!
பொங்கல் பரிசுடன் ரூ.5000 வழங்க வேண்டும்...எடப்பாடி பழனிச்சாமி வலியுறுத்தல்
உதயநிதியை முதல்வராக்குவதே திமுக.,வின் முக்கிய நோக்கம்...நயினார் நாகேந்திரன் குற்றச்சாட்டு
வி..யில் தொடங்கும் தொகுதியில் போட்டியிடுவாரா விஜய்??.. பரபரக்கும் புதிய தகவல்!
பெங்களூருவின் அழகிய கலைப் பொக்கிஷம்.. பனசங்கரி சிற்பப் பூங்கா
{{comments.comment}}