7வது பட்ஜெட் ஓகேதான்.. ஆனாலும், 2020 சாதனையை முறியடிக்க தவறிய நிர்மலா சீதாராமன்!
டெல்லி: மத்தியில் தொடர்ந்து 7வது முறையாக பட்ஜெட் தாக்கல் செய்து புதிய சாதனை படைத்துள்ளார் நிதியமைச்சர் நிர்மலா சீதாராமன். ஆனாலும் இன்றைய அவரது பட்ஜெட் உரையின் நீளம் சற்று குறைவுதான். 2020ம் ஆண்டுதான் அவர் நீண்ட நேரம் பேசி சாதனை படைத்திருந்தார்.
தொடர்ச்சியாக 7 முறை பட்ஜெட் தாக்கல் செய்து முன்னாள் பிரதமர் மொரார்ஜி தேசாயின் சாதனையை முறியடித்தார் நிதியமைச்சர் நிர்மலா சீதாராமன். மொரார்ஜி தேசாய் தொடர்ச்சியாக 6 முறையும், அதிகபட்சமாக 10 முறையும் பட்ஜெட்டை தாக்கல் செய்துள்ளார். இன்றுடன் தொடர்ச்சியாக 6 முறை முழு பட்ஜெட்டும், ஒரு முறை இடைக்கால பட்ஜெட்டும் நிர்மலா சீதாராமன் தாக்கல் செய்துள்ளார்.
பட்ஜெட் தாக்கலில் இதுவரையிலும் மிக நீளமான உரை என்றால் அது 2020ம் ஆண்டு நிர்மலா சீதாராமன் ஆற்றி உரை என்றே சொல்லலாம். அப்போது அவர் 2 மணி நேரம் 40 நிமிடங்களுக்கு பேசினார். இடையில் அவருக்கு சோர்வும் வந்து விட்டது நினைவிருக்கலாம்.
மொரார்ஜி தேசாய்க்கு அடுத்தபடியாக 9 முறை பட்ஜெட் தாக்கல் செய்து 2வது இடம் பிடித்துள்ளார் ப.சிதம்பரம். 3வது இடத்தில் பிரணாப் முகர்ஜி உள்ளார். அவர் 8 முறை தாக்கல் செய்துள்ளார். முன்னாள் பிரதமர் மன்மோகன் சிங் 5 முறை பட்ஜெட் தாக்கல் செய்து 4வது இடம் பிடித்துள்ளார்.
அதிக முறை பட்ஜெட் தாக்கல் செய்து முதல் நான்கு இடங்களை பிடித்தவர்களும் ஆண்கள் தான். பெண் நிதியமைசராக இருந்து 7 முறை பட்ஜெட் தாக்கல் செய்தவர் நிர்மலா சீதாராமன் மட்டுமே.
சமீபத்திய செய்திகள்
மேகதாது அணை விவகாரம்: ஆகஸ்ட் 3ம் தேதி கர்நாடக முதல்வருடன் பேச பெங்களூர் செல்கிறார் முதல்வர் விஜய்
சோனம் வாங்சுக்கின் 26 நாள் உண்ணாவிரதத்தை மத்திய அரசு முடிவுக்குக் கொண்டு வந்தது எப்படி?
'ஜனநாயகன்' படம் பார்த்தால் சுறுசுறுப்பு வரும்: சபாநாயகர் ஜே.சி.டி.பிரபாகர் தகவல்
ஆடி வெள்ளிக்கிழமையன்று.. அம்மனுக்கு மஞ்சள் காப்பு.. அம்மன் வழிபாடு சிறப்புகள்!
எம்.எஸ். தோனியின் சாதனையை முறியடித்த ஸ்ரேயஸ் ஐயர்.. டி20 போட்டிகளில் புதிய உலக சாதனை
சிங்காரத்தேனே தென்மதுர மானே !
நாங்கள் பிறந்தது யார் செய்த குற்றம்?
பாறையும் செடியும்!
கொடுப்பதற்கென்றே பிறப்பெடுத்தவள் நீ!
{{comments.comment}}