எக்ஸ் தளத்தில் யாரு "டாப்"?: மோடிக்கு அடுத்த இடத்தில் இவரா??

Sep 05, 2023,05:04 PM IST

புதுடெல்லி: கடந்த 30 நாட்களில் ‘எக்ஸ்’ சமூக வலைதளப்பக்கத்தில் அதிக புதிய பாலோயர்களை பெற்ற இந்திய அரசியல்வாதிகளில் பிரதமர் மோடி முதலிடத்திலும், உத்தர பிரதேச முதலமைச்சர் யோகி ஆதித்யநாத் 2வது இடத்திலும் உள்ளனர்.

டுவிட்டர் சமூக வலைதள நிறுவனத்தை வாங்கிய எலான் மஸ்க், அதன் பெயரை ‘எக்ஸ்’ என சமீபத்தில் மாற்றினார். இந்த நிலையில் ‘எக்ஸ்’ சமூக வலைதளம் சார்பில் அதில் கணக்கு வைத்துள்ள தனி நபர், நிறுவனங்கள், அறக்கட்டளைகள் போன்றவைகளின் கணக்குகளில் கடந்த ஒரு மாதத்தில் (30 நாட்களில்) அதிகரித்த பாலோயர்களின் எண்ணிக்கை குறித்த புள்ளிவிவரங்கள் வெளியாகியுள்ளது.

இஸ்ரோவுக்கு மவுசு

இதில் இந்தியாவில் ஒரு மாதத்தில் அதிக பாலோயர்களை கொண்ட கணக்காக இந்திய விண்வெளி ஆராய்ச்சி மையம் எனப்படும் இஸ்ரோ உள்ளது. சுமார் 11,66,140 பாலோயர்களை இஸ்ரோ கூடுதலாக பெற்றுள்ளது.

அரசியல்வாதிகளில் முதலிடத்தில் இருக்கிறார் பிரதமர் மோடி. அவரது பாலோயர்கள் எண்ணிக்கை 6.32 லட்சம் அதிகரித்துள்ளது. அவருக்கு அடுத்த இடத்தில் இருப்பவர் உத்தர பிரதேச முதலமைச்சர் யோகி ஆதித்யநாத். இவர் ஒரு மாதத்தில் 2.67 லட்சம் பாலோயர்களை அதிகம் பெற்றுள்ளார். மூன்றாவது இடத்தில் காங்கிரஸ் எம்.பி., ராகுல் காந்தி உள்ளார்.

விராட் கோலி

இதன்மூலம் சமூக வலைதளங்களில் பிரதமர் மோடிக்கு அடுத்ததாக வேகமாக வளர்ந்துவரும் அரசியல் பிரபலமாக யோகி ஆதித்யநாத் திகழ்வது தெரிகிறது. இந்திய அளவில் இஸ்ரோ முதலிடத்திலும், பிரதமர் மோடி 2வது இடத்திலும், 4,74,011 புதிய பாலோயர்களுடன் கிரிக்கெட் வீரர் விராட் கோலி 3வது இடத்திலும், யோகி ஆதித்யநாத் 4வது இடத்திலும் உள்ளனர்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

ஏகப்பட்ட பிரச்சினை: சுறுசுறுப்பு காட்டும் தமிழக அரசியல் கட்சிகள்.. அடுத்தடுத்து போராட்டம் அறிவிப்பு

ஆண் மகனை அவனாகவே வாழ விடுங்கள்!

நாகர்கோவில் சிறையில் கைதி கொலை: CBCID விசாரணைக்கு மாற்றி தமிழ்நாடு அரசு உத்தரவு!

முதல்வரை மிரட்டிய வழக்கு: திமுக எம்எல்ஏ மார்கண்டேயனின் ஜாமீன் மனு தள்ளுபடி!

நீட் வினாத்தாள் கசிவு விவகாரம்: விரிவான விவாதம் நடத்த தயார் - மத்திய அரசு அறிவிப்பு

நீட் தேர்வு போராட்டம்.. இதைத்தான் தொடர்ந்து சொல்லி வருகிறது திமுக.. மு.க.ஸ்டாலின்

ராகுல் காந்தி கைது வன்மையாக கண்டிக்கத்தக்கது.. முதல்வர் விஜய் கண்டனம்

போதையில் கார் ஓட்டிய வழக்கு: ஆஸ்திரேலிய கிரிக்கெட் வீரர் டேவிட் வார்னருக்கு சிறை தண்டனையா?

முடிவுக்கு வந்தது பாமக விவகாரம்...அன்புமணிக்கு எதிரான வழக்கை வாபஸ் பெற்ற ராமதாஸ்