140 கோடி இதயங்களின் சாம்பியன் வினேஷ்.. அசாதாரண சாதனையாளர்.. குடியரசுத் தலைவர் திரவுபதி முர்மு
பாரிஸ்: ஒலிம்பிக் மல்யுத்த போட்டியில் வினேஷ் போகத் தகுதி நீக்கம் செய்யப்பட்டதற்கு குடியரசுத் தலைவர் திரவுபதி முர்மு, உள்துறை அமைச்சர் அமித் ஷா ஆகியோர் வருத்தம் தெரிவித்துள்ளனர்.
வினேஷ் போகத் விவகாரம் நாடு முழுவதும் பேசு பொருளாக மாறியுள்ளது. பிரதமர் நரேந்திர மோடி உள்ளிட்ட பல்வேறு தலைவர்களும் வினேஷ் போகத்திற்கு ஆறுதல் கூறி வருகின்றனர். இந்நிலையில் குடியரசுத் தலைவர் திரவுபதி முர்முவும் ஆறுதல் தெரிவித்துள்ளார்.
இதுகுறித்து வெளியிடப்பட்ட அறிக்கையில், வினேஷ் போகத்தின் அசாதாரண சாதனைகள் ஒவ்வொரு இந்தியரையும் பரவசப்படுத்தியது. நாட்டிற்கு பெருமை சேர்த்துள்ளது. தகுதி நீக்கம் ஏமாற்றத்தைத் தந்தாலும் 140 கோடி இதயங்களின் சாம்பியன் வினேஷ். அவரது காவியமான மன உறுதியும் பின்னடைவும் ஏற்கனவே இந்தியாவில் இருந்து வருங்கால உலக சாம்பியன்களை ஊக்குவிக்கிறது. எதிர்காலத்தில் அவருக்கு பல விருதுகள் கிடைக்க வாழ்த்துகிறேன் என்று கூறியுள்ளார் குடியரசுத் தலைவர்.
அமைச்சர் அமித்ஷா
மத்திய உள்துறை அமைச்சர் அமித்ஷா வெளியிட்ட பதிவில், ஒலிம்பிக்கில் வினேஷ் போகத்துக்கு ஏற்பட்ட பின்னடைவு மில்லியன் கணக்கான இந்தியர்களின் நம்பிக்கையை தகர்த்துள்ளது. உலக சாம்பியனை வீழ்த்திய பெருமையுடன் அவர் பிராகசித்துக் கொண்டிருக்கிறார். விளையாட்டுத் துறையில் முன்மாதிரியாக திகழும் அவரது பயணத்தில் இது ஒரு தடை மட்டுமே. இதில் இருந்து அவர் மீண்டெழுந்து வெற்றியாளராக திகழ்வார் என்பதை உறுதியாக நம்புகிறேன். எங்கள் வாழ்த்தும், ஆதரவும் எப்போதும் அவருக்கு உண்டு என்று தெரிவித்துள்ளார்.
சமீபத்திய செய்திகள்
தீவிரமடையும் வடகிழக்குப் பருவமழை : பொது மக்களுக்குத் தமிழ்நாடு மின்வாரியம் முக்கிய அறிவுறுத்தல்!
தென்தமிழ் தலையங்கம்: பேச்சு நாகரிகத்தின் வீழ்ச்சியும் - "அல்காரிதம்" அரசியலும் - பரிதாப தமிழ்நாடு!
முக்கனிகளில் சூப்பர் பழம் பலா தான் - மாம்பழமெல்லாம் ரெண்டாவதுதான்!
வியாழக்கிழமை வந்தா மறக்க முடியாத சோலாபூரி.. பிறந்த நாள் கொண்டாட்டங்கள்.. மறையாத நினைவுகள் (2)!
வெளியில் மழை பெய்யுதா.. வீட்டுக்குள்ள மிளகாய் பஜ்ஜி சுட்டு சாப்பிடலாம் வாங்க!
மாபெரும் வரலாற்றுக்குள் புதைந்துள்ள தமிழர்கள்!
ஊரெல்லாம் ஆயுத பூஜை திருவிழா.. மிக மிக அழகான ஆயுதம்!
வான் மேகம்.. பூப்பூவாய் தூவும்.. மனதைக் கொள்ளை கொள்ளும் மழை
திருவிழா- ஒரு நிமிடக் கதை (42)
{{comments.comment}}