தமிழ்நாடு முழுவதும்.. திருத்தப்பட்ட வாக்காளர் பட்டியல் வெளியீடு.. கலெக்டர்கள் வெளியிட்டனர்
சென்னை: தமிழ்நாட்டில் புதிதாக பெயர் சேர்த்தல், நீக்குதல், முகவரி மாற்றம், உள்ளிட்ட விண்ணப்பங்கள் மீதான பரிசீலனை பணிகள் முடிந்த நிலையில், திருத்தப்பட்ட இறுதி வாக்காளர் பட்டியல் இன்று மாவட்ட வாரியாக வெளியிடப்பட்டுள்ளது. மாவட்ட ஆட்சித் தலைவர்கள் வாக்காளர் பட்டியலை வெளியிட்டனர்.
இந்திய தேர்தல் ஆணையத்தின் உத்தரவின்படி கடந்த ஆண்டு நவம்பர் 16, 17 மற்றும் 23,24 ஆகிய நான்கு நாட்கள் வாக்காளர் பட்டியலில் பெயர் சேர்க்க, நீக்க, திருத்தம் செய்ய, சிறப்பு முகாம்கள் நடைபெற்றது. இதற்காக 69 ஆயிரம் வாக்குச்சாவடிகளில் வாக்காளர் பட்டியலில் பெயர் சேர்த்தல், நீக்குதல், திருத்தம் செய்தல், போன்றவற்றிற்கான விண்ணப்பங்கள் வரவேற்கப்பட்டன.
அதேபோல் வாக்காளர் பட்டியல் பதிவு அதிகாரிகளிடம் நேரிலும் ஆன்லைன் மூலமாகவும் விண்ணப்பங்கள் பெறப்பட்டன. இதனையடுத்து வாக்காளர் பட்டியலில் புதிதாக பெயர் சேர்த்தல், முகவரி மாற்றம், இறந்தவர்களின் பெயர் நீக்குதல் என பெறப்பட்ட விண்ணப்பங்கள் சரி செய்யும் பணியை நடைபெற்று வந்தது. இந்தப் பணி கடந்த ஆண்டு டிசம்பர் 24ஆம் தேதியுடன் நிறைவடைந்த நிலையில் திருத்தப்பட்ட இறுதி வாக்காளர் பட்டியல் தயாரானது.
இந்த திருத்தப்பட்ட இறுதி வாக்காளர் பட்டியல் இன்று வெளியானது. வாக்காளர் பட்டியலை ஒவ்வொரு மாவட்டத்திலும் உள்ள மாவட்ட ஆட்சியர்கள் முன்னிலையில் வாக்காளர் பட்டியல் இன்று வெளியானது.
தமிழ்நாட்டில் மொத்த வாக்காளர்கள் எண்ணிக்கை - 6.36 கோடி
பெண் வாக்காளர்கள் - 3.24 கோடி
ஆண் வாக்காளர்கள் - 3.11 கோடி
3ம் பாலின வாக்காளர்கள் - 9120
அதிக வாக்காளர்கள் உள்ள தொகுதி - சோழிங்கநல்லூர்
குறைந்த வாக்காளர்கள் உள்ள தொகுதி- கீழ் வேளூர்
செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்
சமீபத்திய செய்திகள்
பகுதிநேர ஆசிரியர்கள் சிறப்பு மதிப்பெண் அடிப்படையில் பணி நிரந்தரம்: முதல்வர் மு.க.ஸ்டாலின் அறிவிப்பு
குற்றவாளிகளை காப்பாற்ற மட்டுமே திமுக ஆட்சி நடத்திக் கொண்டிருக்கிறது: அண்ணாமலை குற்றச்சாட்டு!
8% ஆரம்பித்து 0.17 சதவீதத்தில் வந்து நிற்கும் தேமுதிக.. எதிர்பார்க்கும் சீட்டுகள் எத்தனை?
எனக்கு போட்டியாக இந்தியாவில் எந்த கட்சியும் இல்லை..பூமிக்காக அரசியல் பேசும் ஒரே தலைவன் நான்: சீமான்
அமெரிக்காவை உலுக்கும் பெர்ன் பனிப்புயல்:. ஸ்தம்பித்த வாழ்க்கை.. காலியான சூப்பர் மார்க்கெட்டுகள்!
மக்களே தயாராக இருங்க... நாளை 9 மாவட்டங்களுக்கு மழைக்கு வாய்ப்பு..வானிலை மையம் அறிவிப்பு!
டி20 உலகக் கோப்பைத் தொடரிலிருந்து வங்கதேசம் அதிரடி நீக்கம்?.. ஸ்காட்லாந்துக்கு வாய்ப்பு!
ஓபிஎஸ் - அமைச்சர் சேகர்பாபு திடீர் சந்திப்பு: தமிழக அரசியலில் புதிய திருப்பம்?
என்னாது கேரள சட்டசபைத் தேர்தலில் நான் போட்டியிடப் போறேனா?.. பாவனா பதில்!
{{comments.comment}}