மிளகு பொங்கல் வாசம் மிடுக்காய் பரவி வீசும் பலகாய்கறி சாம்பார் படக்கென பசி தூண்டும்!
- கவிஞர் செ.வெண்ணிலா
பெயர் என்பது அறிவதற்கு மட்டுமல்ல
அர்த்தத்திற்கும் தான்
பெருந்தலைவர் காமராசர்
காலை உணவுத்திட்டம் என்ற பெயர்
அந்த அர்த்தத்தை அள்ளித் தந்தது.
காலை உணவு மாணவர்களுக்கு
புன்னகையோடு உந்திச்சென்று
உள்ளென்று பசியாறும் பேருணர்வு
மனதிற்கும் உடலுக்குமான
நல்பரிந்துணர்வு ஒப்பந்தம்
கண்களை சிமிட்டி பேசி
கைகளால் உணவை எடுத்து
கண நேரத்தில் கரைசேரும் தென்றல் போல
பசியாற்றும் காலை உணவு
தினந்தோறும் மாணவர்களின்
முகங்களில் மலர்ச்சி காணும்
எனது கண்கள் தவம் கோடி
நிச்சயம் செய்திருக்கும்
அம்மா ஆறு மணிக்கே வேலைக்குச் சென்றார்
அப்பா வாரம் கழித்துத்தான் வருவார்
உணவு .....சமைத்து கொடுக்க யார்?
இருக்கிறதே நம் பெருந்தலைவர்
காமராசர் காலை உணவுத்திட்டம்
அந்த அன்னையின் கைமணம்
என் அன்னையை நினைக்கத் தோன்றுமே
என்கிறது பிள்ளைகள் மனம்
மிளகு பொங்கல் வாசம்
மிடுக்காய் பரவி வீசும்
பலகாய்கறி சாம்பார்
படக்கென பசி தூண்டும்
மஞ்சள் நிற கிச்சடி
மங்களமாய் பசியாற்றும்
அரிசி உப்புமாவோ
அள்ளி அள்ளி ருசிக்கத் தூண்டும்
தித்திப்பு கேசரி
என் வெள்ளிக்கிழமை சகோதரி
ஆஹா.... எத்தனை ருசி
என் அம்மா சொல்கிறாள்
ம்ம்...நாங்கெல்லாம் படிக்கும்போது
எங்கே இப்படி உணவு கிடைத்தது
நீ பாக்கியசாலி என்று
ஆம் அம்மா
நான் கொடுத்து வைத்தவள்தான்
தமிழக அரசின் இந்த அருமையான திட்டங்களால்
பள்ளிக் குழந்தைகளின் உள்ளங்கள்...
(கவிஞர் செ வெண்ணிலா B.Sc .,M.A., B.Ed. இடைநிலை ஆசிரியர், ஆவடி மாநகராட்சி தொடக்கப்பள்ளி, ஆவடி)
சமீபத்திய செய்திகள்
Deepavali Special Buses: தீபாவளி பண்டிகை - தமிழ்நாடு முழுவதும் 15,659 சிறப்பு பேருந்துகள் இயக்கம்
தமிழகத்தில் 5 தொகுதிகளுக்கு இடைத்தேர்தல்: டிசம்பர் 20-க்குள் நடத்த தேர்தல் ஆணையம் திட்டம்!
ரூ.100-க்கு 10 காய்கறிகள்! தீபாவளி பண்டிகையை முன்னிட்டு கூட்டுறவுத்துறை அதிரடி அறிவிப்பு!
எம்.ஜி.ஆருடன் உலகம் சுற்றும் வாலிபன் படத்தில் நடித்து பிரபலமான.. தாய்லாந்து நடிகை மரணம்!
சென்னையில் உச்ச நீதிமன்ற கிளை அமைக்க வேண்டும்: பிரதமர் மோடிக்கு முதல்வர் விஜய் கடிதம்!
2027 உத்திரப் பிரதேச சட்டசபை தேர்தலில் போட்டியிட மாட்டேன்: அகிலேஷ் யாதவ் அதிரடி அறிவிப்பு!
அதிரடியாக உயர்ந்த தங்கம் விலை: சவரன் ரூ.1,04,800-ஐ தொட்டது! அதிர்ச்சியில் மக்கள்
டாஸ்மாக் கடைகளில் காலி பாட்டில்களை ஒப்படைத்தால் வங்கிக் கணக்கில் ரூ.10 வரவு
அமெரிக்க நாடாளுமன்றத்தின் செனட் மற்றும் பிரதிநிதிகள் சபையை கைப்பற்றியது ஜனநாயக கட்சி!
{{comments.comment}}