அலுவலக அவசரம்

Su.tha Arivalagan

Jun 01, 2026,04:15 PM IST

- சசிகலா விஸ்வநாதன்

காலை வேளை அவசரம்..

காலனும் கைகட்டி

காத்து தான் இருக்கணும்.

பிள்ளைகளை பள்ளிக்குத் தள்ளிவிட்டு,

அவரின் கோப பார்வையை தவிர்த்து,

அத்தையின் வசவுகளை விழுங்கி,

காலை உணவை மறந்து,

ஆசையாய் எடுத்து வைத்த

பருத்திப் புடவையை ஒதுக்கி,

நெளு நெளு பூனம் சேலையை உடுத்தி,

கைப்பையை தேடி

பேருந்துக்கு சில்லறை எடுத்து

வைக்கும் நேரத்தில்,

இடது கையால்

நெற்றியில் ஸ்டிக்கர்

பொட்டை அழுத்தி

ஓட்டமும் நடையுமாக ஓடி

பேருந்து நிறுத்தத்தில் நின்றதும்,

பேருந்து இன்னும் போகவில்லை;

என்ற நற்செய்தி கேட்டதும்,

நினைவில் வந்தது;

மறந்து வைத்துவிட்டு வந்த

மதிய உணவு டப்பா!

கண்ணில் பொங்கும் நீரை மறைக்க;

கை தேடுதே ,

கருப்பு கண்ணாடியை.

எதிரே வந்த

அடுத்த வீட்டுக்காரியின்

நமட்டு பார்வையிலிருந்தும்,

உதட்டு சுழிப்பிலுமிருந்தும்,

காப்பாற்றும் தெய்வமாக,

வந்து நின்றது;

என் பேருந்து 73/A

(சசிகலா விஸ்வநாதன் - தடய அறிவியல் துறையில் உதவி இயக்குநராக பணி நிறைவில் இருக்கும் முதியவள். அதிகம் அறியப்படாத நான்; இரண்டு வருடங்களாக ஓய்வு நேரத்தில் கவிதைகளும் சிறுகதைகளும் எழுதிக்கொண்டு இருக்கிறேன் . எனது கதைகளும், கவிதைகளும் ,தமிழ் நெஞ்சம்; வானமே எல்லை; கொலுசு;மலர் வனம்; சக்தி பெண்ணிதழ்; ஆகியவற்றில் வெளியாகின்றன. புஸ்தகா நிறுவனம் மூலம் இது வரை நான்கு கதை தொகுப்புகளை வெளியிட்டுள்ளேன்).

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

Deepavali Special Buses: தீபாவளி பண்டிகை - தமிழ்நாடு முழுவதும் 15,659 சிறப்பு பேருந்துகள் இயக்கம்

தமிழகத்தில் 5 தொகுதிகளுக்கு இடைத்தேர்தல்: டிசம்பர் 20-க்குள் நடத்த தேர்தல் ஆணையம் திட்டம்!

ரூ.100-க்கு 10 காய்கறிகள்! தீபாவளி பண்டிகையை முன்னிட்டு கூட்டுறவுத்துறை அதிரடி அறிவிப்பு!

எம்.ஜி.ஆருடன் உலகம் சுற்றும் வாலிபன் படத்தில் நடித்து பிரபலமான.. தாய்லாந்து நடிகை மரணம்!

சென்னையில் உச்ச நீதிமன்ற கிளை அமைக்க வேண்டும்: பிரதமர் மோடிக்கு முதல்வர் விஜய் கடிதம்!

2027 உத்திரப் பிரதேச சட்டசபை தேர்தலில் போட்டியிட மாட்டேன்: அகிலேஷ் யாதவ் அதிரடி அறிவிப்பு!

அதிரடியாக உயர்ந்த தங்கம் விலை: சவரன் ரூ.1,04,800-ஐ தொட்டது! அதிர்ச்சியில் மக்கள்

டாஸ்மாக் கடைகளில் காலி பாட்டில்களை ஒப்படைத்தால் வங்கிக் கணக்கில் ரூ.10 வரவு

அமெரிக்க நாடாளுமன்றத்தின் செனட் மற்றும் பிரதிநிதிகள் சபையை கைப்பற்றியது ஜனநாயக கட்சி!

அலுவலக அவசரம்

Comments

சமீபத்திய செய்திகள்

அதிகம் பார்க்கும் செய்திகள்