அவளுக்கு அவள் மட்டுமே தோழி!
- ஷீலா ராஜன்
அவள் விலகிய தருணம்
யாரோ
தங்கள் உண்மை முகத்தை
அவளின் முன்
அறியாமலே காட்டிவிட்டார்கள்.
அவள் கோபப்படவில்லை,
வாதம் செய்யவில்லை,
பொய்க்கு
புதிய நிறம் பூசவும் முயலவில்லை.
ஏனெனில்
ஒருமுறை தெரிந்த உண்மை
மறைக்க முடியாதது என்பதை
அவள் அறிந்திருந்தாள்.
சொற்கள் இனிமை பேசினாலும்,
செயல்கள் கடின உண்மை பேசின,
அந்த மௌன மொழியை
அவள் தவறாகப் புரிந்து கொள்ளவில்லை.
மாற்றுவது
அவளின் பொறுப்பு அல்ல,
தன்னை காப்பது
அவளின் உரிமை.
பொறுமையின் பெயரில்
தன்னை இழப்பது அல்ல,
அறிவின் பெயரில்
விலகுவதுதான்
அவளின் தேர்வு.
அவள் விலகியதை
பலர் பலவீனம் என்றார்கள்,
ஆனால் அவள் அறிந்திருந்தாள்—
உண்மை தெரிந்த பின்
அமைதியாக நடந்து செல்லுதல்
ஒரு பெண்ணின்
அதிகமான வலிமை.
அவள் மௌனம்
தோல்வி அல்ல,
அது அவளின்
சுயமரியாதையின் குரல்.
இழந்ததை அல்ல,
அவளின் வெற்றி.
உண்மை தெரிந்த பின்
திரும்பிப் பார்க்காமல்
நிமிர்ந்து நடக்கும்
அவள்—
யாரையும் வெல்லவில்லை,
ஆனால்
தன்னை மட்டும்
ஒருபோதும் இழக்கவில்லை
அவளுக்கு அவள் மட்டுமே தோழி!
சமீபத்திய செய்திகள்
"சோறு கண்ட இடம் சொர்க்கம்".. இந்தப் பழமொழியின் உண்மை அர்த்தம் என்ன தெரியுமா?
திருவள்ளுவர்: உலகுக்கு வாழ்வியல் கற்றுக்கொடுத்த தமிழின் மாபெரும் புலவர்!
RIP Chef Dhamu.. மணக்க மணக்க சமைத்து சாதனை படைத்த.. செஃப் தாமு மறைந்தார்
எண்ணி எண்ணி ஏங்க வைக்கும் ஒரு வாடல்!
உணவே உயிர் என உணர்த்திய ஞானி!
திசை
Short Story: இப்படியும் ஒரு மாமியார்!
வெளுத்து வாங்கும் மழை: நீலகிரிக்கு 'ரெட் அலர்ட்'...5 மாவட்டங்களுக்கு ஆரஞ்சு அலர்ட்
காங்கேயம் காளைகளின் கம்பீரம்.. நாட்டு மாட்டுப் பால்.. கொங்கு நாட்டின் பெருமைகள்!
{{comments.comment}}