மணிலா: பிலிப்பைன்ஸின் மின்தானாவோ பகுதியில் சக்திவாய்ந்த நிலநடுக்கம் ஏற்பட்டது. வெள்ளிக்கிழமை அன்று 7.6 ரிக்டர் அளவில் இந்த நிலநடுக்கம் பதிவானது. இதனால், அருகிலுள்ள கடலோரப் பகுதிகளுக்கு சுனாமி எச்சரிக்கை விடுக்கப்பட்டது. 

ஐரோப்பிய-மத்திய தரைக்கடல் நில அதிர்வு மையம் இந்த தகவலை வெளியிட்டுள்ளது. இந்த நிலநடுக்கம் பூமியின் மேற்பரப்பிலிருந்து 58 கிலோமீட்டர் ஆழத்தில் ஏற்பட்டது. முதலில் 7.2 ரிக்டர் என தெரிவிக்கப்பட்டிருந்தாலும், பின்னர் அது 7.6 ஆக திருத்தப்பட்டது.

அமெரிக்க சுனாமி எச்சரிக்கை அமைப்பு, நிலநடுக்க மையத்திலிருந்து 300 கிலோமீட்டர் தொலைவில் உள்ள கடலோரப் பகுதிகளில் ஆபத்தான சுனாமி அலைகள் ஏற்படக்கூடும் என எச்சரித்துள்ளது. இந்தோனேசியாவின் புவியியல் ஆய்வு மையம், தெற்கு பிலிப்பைன்ஸில் ஏற்பட்ட இந்த வலுவான நிலநடுக்கத்தைத் தொடர்ந்து வடக்கு சுலாவேசி மற்றும் பப்புவா பகுதிகளுக்கும் சுனாமி எச்சரிக்கை விடுத்துள்ளது. இந்தோனேசியாவின் கடற்கரைகளில் 50 சென்டிமீட்டர் உயரத்திற்கு சுனாமி அலைகள் வரக்கூடும் என அவர்களின் கணிப்பு தெரிவிக்கிறது.

பிலிப்பைன்ஸ் நாடு, பசிபிக் "ரிங் ஆஃப் ஃபயர்" எனப்படும் எரிமலை மற்றும் நில அதிர்வுப் பகுதிகளில் அமைந்துள்ளது. இதனால், இங்கு அடிக்கடி நிலநடுக்கங்களும் எரிமலை வெடிப்புகளும் ஏற்படுகின்றன. இந்தோனேசியாவின் புவியியல் ஆய்வு மையம், "இந்தோனேசியாவின் கடற்கரைகளில் 50 சென்டிமீட்டர் உயரத்திற்கு சுனாமி அலைகள் வரக்கூடும்" என்று ஒரு அறிக்கையில் தெரிவித்துள்ளது.

இந்த நிலநடுக்கத்திற்கு வெறும் 10 நாட்களுக்கு முன்பு, செப்டம்பர் 30 அன்று 6.9 ரிக்டர் அளவில் மற்றொரு நிலநடுக்கம் ஏற்பட்டது. அதில் 74 பேர் உயிரிழந்தனர். ஆயிரக்கணக்கானோர் வெளியேற்றப்பட்டனர். குறிப்பாக செபு மாகாணத்தில் உள்ள போகோ நகரம் மற்றும் அதைச் சுற்றியுள்ள பகுதிகள் கடுமையாக பாதிக்கப்பட்டன.