சென்னை:   சிறுத்தை சிவா இயக்கத்தில் சூர்யா நடித்த கங்குவா திரைப்படத்தின் டிரெய்லர் வெளியானது. டிரெய்லரே இப்படி இருக்கு என்றால் படம் எப்படி இருக்குமோ என்று ரசிகர்கள் வியந்து வருகின்றனர்.

சிறுத்தை சிவா இயக்கத்தில் நடிகர் சூர்யா நடிப்பில் பிரம்மாண்ட பொருட் செலவில் உருவாகி வரும் திரைப்படம் கங்குவா. இந்த படத்தை ஸ்டுடியோ கிரீன் மற்றும் யுவி கிரியேஷன்ஸ் தயாரிக்கிறது. சூர்யாவிற்கு ஜோடியாக பாலிவுட் நடிகை திஷா பதானி நடிக்கிறார். இப்படத்தில் வில்லனாக பாபி தியோல் நடித்துள்ளார். நடராஜன் சுப்ரமணியம், ஜெகபதி பாபு, யோகிபாபு, ரெடின் கிங்ஸ்லி, கோவை சரளா, ஆனந்த்ராஜ், ரவி ராகவேந்திர மற்றும் கே.எஸ். ரவிக்குமார் ஆகியோர் நடித்துள்ளனர். 

இப்படத்தில் வெற்றி ஒளிப்பதிவு செய்துள்ளார். 3டி தொழில்புட்பத்தில் படமாக்கப்பட்டுள்ளது. தேவி ஸ்ரீ பிரசாத் இமையமைத்து உள்ளார். ஏற்கனவே வெளியான  ஃபயர் பாடல் ரசிகர்கள் அனைவரின் பாராட்டையும் பெற்றது. கங்குவா திரைப்படம் 2 பாகங்களாக உருவாகியிருப்பதாகவும், இரண்டு பாகங்களையும் இயக்குனர் தற்போது முடித்து விட்டதாகவும் கூறப்படுகிறது. முதல் பாகத்தை வெளியிட்ட பின்னர் ரசிகர்களின் வரவேற்பு எப்படி இருக்கிறது என்று பார்த்த பின்னர் தான் 2ம் பாகத்தை வெளியிட சிவா முடிவு செய்துள்ளதாக கூறப்படுகிறது. 

இப்படம் அக்டோபர் 10ம் தேதி ஆயுத பூஜையை முன்னிட்டு ரிலீஸ் செய்ய படக்குழுவினர் திட்டமிட்டுள்ளனர்.கங்குவா படம் சுமார் ரூ.400 கோடி பட்ஜெட்டில் உருவாகி இருக்கிறது.  தமிழ், தெலுங்கு, இந்தி, மலையாளம்,கன்னடம் உள்பட பல மொழிகளில் படத்தை ரிலீஸ் செய்ய உள்ளனர். சிறுத்தை, விஸ்வாசம்,வீரம், வேதாளம், அண்ணாத்த ஆகிய கமர்ஷியல் படங்களை இயக்கிய சிவா தற்போது பேண்டஸி கதையம்சம் கொண்ட படமாக கங்குவா படத்தை இயக்கியுள்ளார். 

இயக்குனர் சிவாவின் பிறந்த நாளான இன்று இப்படத்தின் டிரைலர் வெளியிடப்பட்டுள்ளது. பிரம்மாண்ட காட்சிகளுடன் மாஸ் என்ட்ரி கொடுத்துள்ளார் சூர்யா. இப்படத்தின் டிரைலர் படத்தின் மீதான   எதிர்பார்ப்பை  ரசிகர்களிடையே அதிகரித்துள்ளது. இப்படம் வசூலிலும் சாதனை படைக்கும் என்று ரசிர்கள் தெரிவித்துள்ளனர்.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்