டெல்லியில் அண்ணாமலை.. அமைச்சர் நிர்மலா சீதாராமனுடன் அவசர சந்திப்பு
சென்னை: தமிழ்நாடு பாஜக தலைவர் அண்ணாமலை டெல்லி சென்றுள்ளார். அங்கு மத்திய நிதியமைச்சர் நிர்மலா சீதாராமனை அவர் சந்தித்து ஆலோசனை நடத்தினார்.
தமிழ்நாட்டில் அதிமுக பாஜக இடையிலான கூட்டணி பெரும் சிதிலமடைந்துள்ளது. பாஜக சொன்னதையெல்லாம் தட்டாமல் கேட்டு வந்த அதிமுக சமீப காலமாக கடும் கொதிப்புடன் காணப்பட்டது. காரணம், மாநில பாஜக தலைவர் அண்ணாமலையின் பேச்சும், செயல்பாடும். முன்னாள் முதல்வர் ஜெயலலிதா, மறைந்த திமுக தலைவர் பேரறிஞர் அண்ணா ஆகியோர் குறித்து அண்ணாமலை குறித்து பேசிய கருத்துக்கள் அதிமுகவினரை கொதிப்படைய வைத்து விட்டது.
இந்த நிலையில் அதிரடியாக தனது நிர்வாகிகள் கூட்டத்தைக் கூட்டிய அதிமுக, பாஜக கூட்டணியிலிருந்து விலகுவதாக கூறி அதிர்ச்சி வைத்தியம் அளித்தது. இதை பாஜக தரப்பு எதிர்பார்க்கவில்லை. அதை விட முக்கியமாக, எடுத்த முடிவிலிருந்து அதிமுக பல்டி அடிக்கும் என்று அனைவருமே எதிர்பார்த்தனர். ஆனால் அதிமுகவோ எடுத்த முடிவு உறுதியானது, இறுதியானது என்று கூறி மேலும் அதிர்ச்சியைக் கூட்டியது.
இந்த நிலையில்தான் தமிழ்நாடு பாஜக தலைவர் அண்ணாமலையை கட்சி மேலிடம் டெல்லிக்கு அழைத்தது. அவரும் கிளம்பிச் சென்றார். டெல்லி சென்ற அண்ணாமலை, மத்திய நிதியமைச்சர் நிர்மலா சீதாராமனை சந்தித்து பேசினார். அதிமுக விவகாரம் தொடர்பாக ஏற்கனவே கட்சித் தலைமைக்கு நிர்மலா சீதாராமன் அறிக்கை கொடுத்ததாக செய்திகள் வெளியான நிலையில் தற்போது அண்ணாமலை அவரை சந்தித்துப் பேசியுள்ளது குறிப்பிடத்தக்கது.
அதிமுகவுடன் ஒத்துப் போகுமாறும், இறங்கிப் போகுமாறும், அடக்கி வாசிக்குமாறும் அண்ணாமலை அறிவுறுத்தப்படுவாரா அல்லது தலைவர் பதவியிலிருந்து மாற்றப்படுவாரா என்ற எதிர்பார்ப்பு எழுந்துள்ளது.
சமீபத்திய செய்திகள்
பட்டாசு வெடித்து.. உயிரிழந்தவர் குடும்பத்திற்கு தலா 3 லட்சம் நிதி உதவி.. முதல்வர் மு க ஸ்டாலின்!
இந்தியாவுக்கும், பாகிஸ்தானுக்கும் இடையே முழு அளவிலான போர் மூண்டால் என்னாகும்?
தவெகவின் பூத் கமிட்டி மாநாட்டில்.. கலந்து கொள்வதற்காக சென்னையிலிருந்து புறப்பட்டார்.. விஜய்!
முட்டி மோதிய சென்னை சூப்பர் கிங்ஸ்.. மீண்டும் தோல்வி.. தட்டித் தூக்கிய ஹைதராபாத்!
ஆளுநர் ஆர். என். ரவி.. பாஜக தலைவராக வந்து அரசியல் செய்யலாமே.. அமைச்சர் கோவி. செழியன்
துணைவேந்தர்களுக்கு மிரட்டல்.. முதல்வர் ஸ்டாலின் அச்சப்படுகிறாரா.. ஆளுநர் ஆர். என். ரவி கேள்வி
ஏ.ஆர்.ரஹ்மான் மீது காப்புரிமை வழக்கு... ரூ.2 கோடி செலுத்த டெல்லி உயர்நீதிமன்றம் உத்தரவு!
பாகிஸ்தானியர்களை வெளியேற்றுங்கள்.. மாநில அரசுகளுக்கு மத்திய அமைச்சர் அமித்ஷா அறிவுறுத்தல்!
ஒரு வருஷத்துக்கு முன்பு என்னைப் புகழ்ந்தவர்களா இவர்கள்??.. ஒலிம்பியன் நீரஜ்சோப்ரா பெரும் வேதனை!
{{comments.comment}}