மும்பை: அந்தக் காலத்து ரஜினிகாந்த் ரசிகர்களுக்கு மறக்க முடியாத ஒரு படம் தாய்வீடு. ரஜினியின் தங்கையாக அதில் சுஹாசினி நடித்திருப்பார். ரஜினியின் ஜோடியாக நடித்தவர் அனிதா ராஜ். படம் சரியாக போகாவிட்டாலும் கூட பாடல்கள் அப்போது பேசப்பட்டன. அந்த அனிதா ராஜ் இப்ப எப்படி இருக்கார் தெரியுமா?

62 வயதாகிறதாம் அனிதா ராஜுக்கு. ஆனாலும் செம ஃ பிட்டாக நல்ல ஹெல்த்துடன், பார்க்க பளிச்சென இருக்கிறார் அனிதா ராஜ். தாய் வீடு அனிதா ராஜா இது என்று ஆச்சரியப்படும் அளவுக்கு அவர் இன்னும் இளமை மாறாமல் இருப்பது பலரையும் ஆச்சரியத்தில் ஆழ்த்தியுள்ளது. அதற்குக் காரணம் அவர் தொடர்ந்து உடற்பயிற்சிகளை முறையாக செய்து உடல் நலத்தைப் பார்த்துக் கொள்வதுதான்.

சுவரில் தொங்கும் கோலங்கள், ஒரு நாற்காலியில் அமர்ந்திருக்கும் போது கால்களை மேலே தூக்குதல், ஒற்றைக் காலில் சமநிலை செய்தல், பாயில் தலைகீழாக நிற்பது போன்ற வீடியோக்களை நடிகர் அனிதா ராஜ் தனது இன்ஸ்டாகிராம் பக்கத்தில் பகிர்ந்துள்ளார்.

62 வயதாகும் அனிதா ராஜ், தனது உடல்தகுதியால் இளைய தலைமுறையினரை ஆச்சரியப்படுத்துவதோடு, உடற்பயிற்சியை இளம் வயதில்தான் தொடங்க வேண்டும் , செய்ய வேண்டும் என்று இல்லை..  எந்த வயதிலும் தொடங்கலாம் என்பதை அழுத்தம் திருத்தமாக சொல்கிறார். 

உலக மக்கள் தொகையில் 60 வயதுக்கு மேற்பட்டோரின் எண்ணிக்கை அதிகரித்து வருகிறது. 2021 ஆம் ஆண்டில் 1.4 பில்லியனாக இருந்த இந்த எண்ணிக்கை, 2050 ஆம் ஆண்டில் 2.1 பில்லியனாக உயரும் என மதிப்பிடப்பட்டுள்ளது. இது இந்தியாவிற்கும் பொருந்தும். கடந்த 2011 இல் 103 மில்லியனாக இருந்த வயதானவர்களின் எண்ணிக்கை, 2036 இல் 227 மில்லியனாக உயரும் என்று இந்திய அரசின் அறிக்கை ஒன்று கூறுகிறது.

வயதானவர்கள் தங்கள் ஆரோக்கியத்தில் கவனம் செலுத்துவது சவாலானது. இதய நோய், நீரிழிவு, மூட்டு வலி, மற்றும் நினைவாற்றல் குறைபாடு போன்ற பல உடல்நலப் பிரச்சனைகள் வயதாகும் போது வரலாம். இதைத் தவிர, மனச்சோர்வு, தனிமை மற்றும் சமூகத் தனிமைப்படுத்தல் போன்ற மனநலப் பிரச்சனைகளும் ஏற்படலாம்.

இருப்பினும், அனிதா ராஜ் போன்ற பிரபலங்கள் தங்கள் உடற்பயிற்சி வழக்கத்தை வெளிப்படுத்தி, வயதானவர்கள் மத்தியில் ஆரோக்கியமான வாழ்க்கை முறையை ஊக்குவிக்கிறார்கள். உடல்நலத்தைப் பராமரிப்பது என்பது மருத்துவ சிகிச்சையை மட்டும் சார்ந்திருக்காமல், ஊட்டச்சத்து, உடற்பயிற்சி, மனநலப் பராமரிப்பு, சமூகத் தொடர்பு மற்றும் நிதி பாதுகாப்பு போன்ற பல விஷயங்களை உள்ளடக்கியது.

தினமும் 30 நிமிடங்களாவது மிதமான உடற்பயிற்சிகளை மேற்கொள்ள வேண்டும். நடைபயிற்சி, யோகா, நீச்சல் அல்லது நடனம் போன்றவை இதில் அடங்கும்.  பழங்கள், காய்கறிகள், முழு தானியங்கள் மற்றும் புரதச்சத்து நிறைந்த உணவுகளை உணவில் சேர்த்துக் கொள்ள வேண்டும். தினமும் 7-8 மணிநேரம் ஆழ்ந்த தூக்கம் அவசியம். தியானம், யோகா அல்லது பொழுதுபோக்கு நடவடிக்கைகளில் ஈடுபடுவதன் மூலம் மன அழுத்தத்தைக் குறைக்கலாம்.

நண்பர்கள் மற்றும் குடும்பத்தினருடன் இணைந்திருப்பது அல்லது சமூக நடவடிக்கைகளில் பங்கேற்பது தனிமையைத் தவிர்க்க உதவும். வழக்கமான மருத்துவப் பரிசோதனைகள் மூலம் ஏதேனும் உடல்நலப் பிரச்சனைகளை ஆரம்பத்திலேயே கண்டறிந்து சிகிச்சை பெறலாம். வயதுக்கு ஏற்ற தடுப்பூசிகளைப் போட்டுக்கொள்வது தொற்று நோய்களில் இருந்து பாதுகாக்கும்.

ஒவ்வொருவரும் தங்கள் உடல்நிலை மற்றும் தேவைகளுக்கு ஏற்ப ஒரு வாழ்க்கை முறையைத் தேர்ந்தெடுக்க வேண்டும். அனிதா ராஜ் போன்ற பிரபலங்கள், வயதான இந்தியர்களுக்கு உடல்நலத்தைப் பேண ஒரு சிறந்த முன்மாதிரியாகத் திகழ்கின்றனர் என்று தாராளமாக சொல்லலாம்.