அதிமுகவுடன் எந்தப் பிரச்சினையும் இல்லைண்ணே.. அண்ணாமலை அதிரடி!

Sep 21, 2023,08:14 PM IST

கோவை: அதிமுகவுக்கும் அண்ணாமலைக்கும் எந்தப் பிரச்சினையும் இல்லை. அதிமுகவுக்கும் பாஜகவுக்கும் எந்தப் பிரச்சினையும் இல்லை என்று தமிழ்நாடு பாஜக தலைவர் அண்ணாமலை கூறியுள்ளார்.

கோவை வந்த அண்ணாமலை அங்கு செய்தியாளர்களிடம் பேசியபோது, அதிமுக - பாஜக இடையிலான திடீர் பூசல் குறித்து செய்தியாளர்கள் கேள்வி கேட்டனர். அப்போது அண்ணாமலை பேசியதாவது:

அதிமுக பாஜக இடையே எந்த பிரச்னையும் இல்லை. அதேபோல அதிமுக அண்ணாமலை இடையேயும் பிரச்சினை இல்லை. ஒரு பிரச்சினையும் இல்லண்ணே. நான் யாரையும் தவறாக பேசவில்லை. எனது கருத்தில் எந்த மாறுதலும் இல்லை.

அதிமுக, பாஜக இடையிலே அடிப்படையிலேயே வேறுபாடுகள் இருக்கின்றன. கட்சிகளுக்கிடையே மோதல்கள் வரத்தான் செய்யும். அதற்காக அதிமுக தலைவர்களுடன் எந்த பிரச்சனையும் இருப்பதாக நான் நினைக்கவில்லை .

எனக்கும் அதிமுக தலைவருக்கும் தனிப்பட்ட எந்த பிரச்சினையும் இல்லை. கூட்டணி பற்றி அதிமுக கூறிய கருத்துக்கு நான் பதில் அளிக்க முடியாது. எனது அரசியலில் தெளிவாக இருக்கிறேன். எனக்கு தன்மானம் முக்கியம். ஒவ்வொரு கட்சிக்கும் ஒவ்வொரு கருத்து உண்டு. இரு கட்சிகளின் கருத்துக்களை ஒன்றிணைக்க முடியாது.

மகளிருகான 33 சதவீதம் இட ஒதுக்கீடு மசோதா மக்களவையில் நிறைவேற்றி இருப்பது மகிழ்ச்சி அளிக்கிறது. இரண்டு நாட்களாக விநாயகர் ஊர்வலம் நடப்பதால் இடையூறு விளைவிக்காமல் நான் நடைபயணம் மேற்கொள்ளவில்லை. இனி மீண்டும் அது தொடரவுள்ளது என்றார் அண்ணாமலை

செல்லூர் ராஜுவும் பல்டி

இதேபோல அண்ணாமலைக்கு எதிராக நாக்கை துண்டிப்போம், நாக்கு அழுகி விடும் என்று ஆவேசம் காட்டிய அதிமுக முன்னாள் அமைச்சர் செல்லூர் ராஜுவும் இரு கட்சிகளிடையேயும் எந்தப் பிரச்சினையும் இல்லை. அண்ணாமலை தெரிவித்த கருத்துக்கு நாங்க பதிலளித்தோம்.. அவ்வளவுதான் என்று கூறி பல்டி அடித்துள்ளார்.

அத்தோடு நில்லாமல் மீண்டும் நரேந்திர மோடியே பிரதமராக வேண்டும். அதுதான் எங்களது எண்ணமும். அதேபோல தமிழ்நாட்டில் எடப்பாடி பழனிச்சாமி மீண்டும் முதல்வராக வேண்டும். அதை பாஜக ஏற்க வேண்டும் என்று கூறினார்.

ஆக, மொத்தம் இந்த சண்டையும் புஸ்வானம்தான் போல!

சமீபத்திய செய்திகள்

பகுதிநேர ஆசிரியர்கள் சிறப்பு மதிப்பெண் அடிப்படையில் பணி நிரந்தரம்: முதல்வர் மு.க.ஸ்டாலின் அறிவிப்பு

குற்றவாளிகளை காப்பாற்ற மட்டுமே திமுக ஆட்சி நடத்திக் கொண்டிருக்கிறது: அண்ணாமலை குற்றச்சாட்டு!

8% ஆரம்பித்து 0.17 சதவீதத்தில் வந்து நிற்கும் தேமுதிக.. எதிர்பார்க்கும் சீட்டுகள் எத்தனை?

எனக்கு போட்டியாக இந்தியாவில் எந்த கட்சியும் இல்லை..பூமிக்காக அரசியல் பேசும் ஒரே தலைவன் நான்: சீமான்

அமெரிக்காவை உலுக்கும் பெர்ன் பனிப்புயல்:. ஸ்தம்பித்த வாழ்க்கை.. காலியான சூப்பர் மார்க்கெட்டுகள்!

மக்களே தயாராக இருங்க... நாளை 9 மாவட்டங்களுக்கு மழைக்கு வாய்ப்பு..வானிலை மையம் அறிவிப்பு!

டி20 உலகக் கோப்பைத் தொடரிலிருந்து வங்கதேசம் அதிரடி நீக்கம்?.. ஸ்காட்லாந்துக்கு வாய்ப்பு!

ஓபிஎஸ் - அமைச்சர் சேகர்பாபு திடீர் சந்திப்பு: தமிழக அரசியலில் புதிய திருப்பம்?

என்னாது கேரள சட்டசபைத் தேர்தலில் நான் போட்டியிடப் போறேனா?.. பாவனா பதில்!

அதிமுகவுடன் எந்தப் பிரச்சினையும் இல்லைண்ணே.. அண்ணாமலை அதிரடி!

Comments

சமீபத்திய செய்திகள்

அதிகம் பார்க்கும் செய்திகள்