வெள்ளத்தில் மிதக்கும் நெல்லை.. களத்தில் குதித்த இருட்டுக்கடை.. அட்டகாசமான உதவி!
திருநெல்வேலி: திருநெல்வேலியை அதிர வைத்துள்ள மழை வெள்ளத்தால் பாதிக்கப்பட்ட மக்களுக்கு மக்கள் பலரும் உதவிக் கரம் நீட்டி வருகின்றனர். அந்த வகையில் நெல்லையின் மிக முக்கிய அடையாளமான இருட்டுக்கடை அல்வா நிறுவனம் மக்களுக்கு அருமையான உதவியைச் செய்து வருகிறது.
எதிர்பாராத வெள்ளத்திலும், இதுவரை இல்லாத அளவுக்கு பெய்த மழையிலும் ஸ்தம்பித்துப் போய் விட்டது நெல்லை. கம்பீரமான நெல்லை இன்று தண்ணீரில் மிதப்பது பலரையும் கண்ணீர் விட வைத்துள்ளது.
மக்களே ஒருவருக்கொருவர் அங்கு உதவி வருகின்றனர். வெள்ளம் பாதித்த பகுதிகளில் மக்களே திரண்டு சென்று உதவிகளைச் செய்து வருகின்றனர். கட்சிகள், ரசிகர் மன்றங்கள், பல்வேறு அமைப்புகள், நிறுவனங்கள் உதவி செய்து வருகின்றன.
இந்த வகையில் நெல்லையின் அடையாளமான இருட்டுக்கடையும் களத்தில் இறங்கியுள்ளது. நெல்லை என்றாலே அல்வாதான்.. அல்வா என்றால் முதலில் அனைவரும் போய் நிற்கும் இடம் இருட்டுக்கடைதான். அத்தகையக பிரபலமான இருட்டுக்கடை தற்போது வாகனம் மூலம் மக்களுக்கு உதவி செய்து வருகிறது.
வெள்ள பாதிப்பு இருக்கும் மக்களுக்கு தேவையான பிஸ்கட், தண்ணீர் பாட்டில் ஆகியவற்றை கொடுத்து உதவுகிறது இருட்டுக்கடை. இதுதொடர்பான தேவை உள்ளோர் தொடர்பு கொள்ள உதவி எண்களையும் இருட்டுக்கடை நிர்வாகம் அறிவித்துள்ளது. அதன்படி தேவைப்படும் நபர்கள் உடனடியாக தொடர்பு கொள்ள வேண்டிய எண்கள் - 6369899807 / ஹரி சிங் 9994368894. இக்கடின காலத்தை நம் அன்பால் மீட்டெடுப்போம் என்று அந்த நிறுவனம் தெரிவித்துள்ளது.
மிகப் பெரிய விஷயம்.. எல்லோரும் இதுபோல ஒருங்கிணைந்து பாதிக்கப்பட்ட மக்களுக்கு கை கொடுப்போம்.. நெல்லையை மீட்போம்.
சமீபத்திய செய்திகள்
சென்னை வாக்குப்பதிவில் சுவாரஸ்யம்.. சதவீதம் உயர்வு.. ஆனால் ஓட்டுப் போட்டவர்கள் குறைவுதான்!
Tamil Nadu Assembly elections: தமிழ்நாட்டில் 84.29% வாக்குப் பதிவு.. கரூர் மாவட்டத்தில்தான் உச்சம்!
தமிழ்நாடு முழுக்க வாக்குப் பதிவு விகிதம் அதிகரிக்க என்ன காரணம்.. சென்னையும் கலக்குதே!
வாக்குப்பதிவு நேரத்தை 2 மணி நேரம் அதிகரிங்க.. தேர்தல் ஆணையத்துக்கு விஜய் கோரிக்கை
முதல்வர் மு.க.ஸ்டாலின், எடப்பாடி பழனிச்சாமி, விஜய், ரஜினி, கமல், அஜீத் ஓட்டுப் போட்டாச்சு!
சட்டசபைத் தேர்தலுக்குப் பிறகு பெட்ரோல், டீசல் விலை உயர்வு? - வதந்தி என.. மத்திய அரசு விளக்கம்!
விதைக்குள் காடு விரும்பி அதை நாடு!
நெருங்குதலும் விலகலும்
Dr Latha poems: அமைதியே என் ஆயுதம்.. நான் என உறுதி கொள்!
{{comments.comment}}