தகுதி நீக்கமா? ராஜினாமா செய்த 4 எம்எல்ஏ.,க்களுக்கு சபாநாயகர் நோட்டீஸ்!

Jun 12, 2026,05:17 PM IST

சென்னை: தமிழக அரசியலில் பெரும் பரபரப்பை ஏற்படுத்திய கட்சித் தாவல் விவகாரத்தில், அதிமுகவிலிருந்து விலகி தமிழக வெற்றிக் கழகத்தில் (தவெக) இணைந்த முன்னாள் சட்டமன்ற உறுப்பினர்கள் 4 பேருக்கு சபாநாயகர் பிரபாகர் முறைப்படி நோட்டீஸ் அனுப்பியுள்ளார். "உங்கள் மீது ஏன் தகுதி நீக்க நடவடிக்கை எடுக்கக் கூடாது?" என்று கேள்வி எழுப்பியுள்ள சபாநாயகர், இதற்கு 7 நாட்களுக்குள் விளக்கமளிக்க வேண்டும் என உத்தரவிட்டுள்ளார்.

பின்னணி என்ன?

சமீபத்தில் நடைபெற்ற தமிழக சட்டப்பேரவை கூட்டத்தொடரில், தவெக அரசுக்கு ஆதரவாக அதிமுகவைச் சேர்ந்த 25 சட்டமன்ற உறுப்பினர்கள் (MLA-க்கள்) வாக்களித்ததாகக் கூறி, அவர்கள் மீது கட்சித் தாவல் தடைச் சட்டத்தின் கீழ் நடவடிக்கை எடுக்க வேண்டும் என அதிமுக தலைமை, சபாநாயகரிடம் புகார் அளித்திருந்தது. இருப்பினும், சில அரசியல் நகர்வுகளுக்குப் பிறகு, அந்த 25 பேரில் 21 பேர் மீதான புகாரை அதிமுக திரும்பப் பெற்றுக் கொண்டதாக சபாநாயகர் அதிகாரப்பூர்வமாக அறிவித்திருந்தார். இதனால் அந்த 21 பேரின் பதவிகளுக்கு எவ்வித ஆபத்தும் இல்லாமல் தப்பியது. அவர்கள் தகுதிநீக்கம் செய்யப்பட மாட்டார்கள் என சபாநாயகர் ஏற்கனவே அறிவித்து விட்டார்.

நோட்டீஸ் அனுப்பப்பட்டதன் காரணம் :

ஆனால், எஞ்சிய 4 சட்டமன்ற உறுப்பினர்களான ஜெயக்குமார், இசக்கி சுப்பையா, மரகதம் குமரவேல் மற்றும் சத்யபாமா ஆகியோர் தங்களது பதவிகளை ஏற்கனவே ராஜினாமா செய்துவிட்டு, முறைப்படி தமிழக வெற்றிக் கழகத்தில் (தவெக) தங்களை இணைத்துக் கொண்டனர். இவர்கள் பதவியை ராஜினாமா செய்திருந்தாலும், அவர்கள் மீதான கட்சித் தாவல் தடைச் சட்டப் புகார் சபாநாயகரின் பரிசீலனையில் இன்னமும் நிலுவையிலேயே உள்ளது. இதன் காரணமாகவே, சபாநாயகர் இந்த அதிரடி நோட்டீஸை அனுப்பியுள்ளார்.

சபாநாயகரின் உத்தரவு:

"அதிமுக சின்னத்தில் போட்டியிட்டு வென்றுவிட்டு, கட்சித் தாவல் நடவடிக்கைகளில் ஈடுபட்டதாக எழுந்துள்ள புகார் குறித்து, சம்பந்தப்பட்ட 4 முன்னாள் எம்.எல்.ஏ-க்களும் 7 நாட்களுக்குள் உரிய விளக்கம் அளிக்க வேண்டும்." என கூறி சபாநாயகர் நோட்டீஸ் அனுப்பி உள்ளார்.

அரசியல் வட்டாரத்தில் பரபரப்பு :

பதவியை ராஜினாமா செய்த பிறகும் இந்த நோட்டீஸ் அனுப்பப்பட்டிருப்பது அரசியல் வட்டாரத்தில் விவாதப் பொருளாக மாறியுள்ளது. ராஜினாமா ஏற்பதற்கு முந்தைய காலகட்டத்தில் நடந்த விதிமீறல்களுக்கு சட்டப்பூர்வ நடவடிக்கை எடுக்க சபாநாயகருக்கு அதிகாரம் உள்ளதா என்ற கோணத்தில் சட்ட வல்லுநர்கள் இதனை உற்று நோக்குகின்றனர். தவெக தரப்பில் இந்த நோட்டீஸை சட்டப்படி எதிர்கொள்ள திட்டமிட்டுள்ளதாகத் தெரிகிறது. இந்த 4 பேரின் விளக்கம் மற்றும் சபாநாயகரின் அடுத்தகட்ட நடவடிக்கை என்னவாக இருக்கும் என்பதைப் பொறுத்தே தமிழக அரசியலின் அடுத்தகட்ட நகர்வுகள் அமையும் என்பதால், இப்போதே எதிர்பார்ப்பு அதிகரித்துள்ளது.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

தண்ணீர் திறந்தது கர்நாடகா : காவிரி கரையோர மக்களுக்கு வெள்ள அபாய எச்சரிக்கை

"தனிமைப்பட்டு நிற்கிறார் CM" – காவிரி விவகாரத்தில் மு.க.ஸ்டாலின் கடும் விமர்சனம்

கொளத்தூர் தொகுதியில் தேர்தல் முறைகேடு? - திமுக என்.ஆர்.இளங்கோ பரபரப்பு பேட்டி!

ஒற்றுமையின்றி செயல்படுபவர்களுக்கு கட்சியில் இடமில்லை : ராகுல் காந்தி எச்சரிக்கை

கபிணி அணையிலிருந்து தண்ணீர் திறப்பு.. போராட்டக்காரர்களுக்கு டி.கே.சிவக்குமார் எச்சரிக்கை

வணிக பயன்பாட்டு எல்பிஜி சிலிண்டர் விலை ரூ.200 குறைவு: ஓட்டல் உரிமையாளர்கள் நிம்மதி!

வேளாண் பட்ஜெட் 2026: திருப்பதி ஏழுமலையான் கோயிலில் வைத்து சிறப்பு பூஜை செய்த அமைச்சர் வினோத்!

கட்டணச்சலுகை இல்லாவிட்டாலும் UDID அட்டை இருந்தால் சிறப்பு பெட்டிகளில் பயணிக்கலாம்!

தோப்பு வெங்கடாசலம் கட்சிப் பொறுப்பிலிருந்து விடுவிப்பு: திமுக தலைமை அதிரடி அறிவிப்பு!

தகுதி நீக்கமா? ராஜினாமா செய்த 4 எம்எல்ஏ.,க்களுக்கு சபாநாயகர் நோட்டீஸ்!

Comments

சமீபத்திய செய்திகள்

அதிகம் பார்க்கும் செய்திகள்