சென்னை: தமிழக வெற்றிக் கழக மாநாட்டு மேடைக்கு வந்த அதன் தலைவர் விஜய், ரேம்ப் வாக் போய் தொண்டர்களைச் சந்தித்து உற்சாகமூட்டினார். அப்போது அவரை நோக்கி கட்சிக் கொடிகளை தொண்டர்கள் வீச, ஒன்று விடாமல் கேட்ச் செய்து அசத்தி விட்டார் விஜய்.

இதுவரை சினிமாவில் மட்டுமே உற்சாகமாக பார்த்து ரசித்த விஜய்யை இன்று பிரமாண்ட மாநாட்டில் வைத்து தொண்டர்கள் படு உற்சாகமாக பார்த்து மகிழ்ந்தனர். அதை விட மிகப் பெரிய விஷயம், விஜய் காட்டிய சூப்பர்ப் ஹேப்பினஸ். மேடைக்கு வந்த விஜய், படு துள்ளலோடு ரேம்ப்பை நோக்கி ஓடினார். 

சட்டையை முறுக்கி விட்டபடி அவர் ரேம்ப்பில் படு ஜாலியாக நடக்க ஆரம்பித்தார்.  அவரை வெகு அருகில் பார்த்த ரசிகர்கள் படு உற்சாகமாகி கொடிகளைத் தூக்கி அவர் மேல் போட்டனர். அதை விடாமல் கேட்ச் பிடித்தார் சச்சின் நாயகன் விஜய். ஒவ்வொரு கொடியையும் விடாமல் பிடித்தபடியே நடந்து வந்த விஜய் அத்தனை ரசிகர்களையும் நோக்கி வணக்கம் வைத்தபடி வேகமாக நடந்து சென்றார்.

ஆரம்பத்தில் நடந்து வந்த விஜய், பின்னர் படு உற்சாகமாகி ஓட ஆரம்பித்தார். மெல்லோட்டோமாக அவர் ஓட ஓட தொண்டர்களின் ஆரவாரமும் விண்ணைப் பிளந்தது. கொடிகளை தொண்டர்களிடமும் வீசி மகிழ்ந்தார் விஜய்.

காலை முதல் கடும் வெயிலில் வாடிக் கிடந்த அத்தனை தொண்டர்களின் முகமும் அன்றலர்ந்த மலர் போல மொத்தமாக பிரகாசமாகி விட்டது விஜய் நடத்திய இந்த ரேம்ப் வாக்.

ரேம்ப் வாக் முடிந்த பின்னர் மேடைக்குத் திரும்பிய விஜய், மொழிப் போர் தியாகிகள், சுதந்திரப் போராட்ட தலைவர்கள் ஆகியோரின் புகைப்படங்களுக்கு மலர் தூவி அஞ்சலி செலுத்தினார்.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்