புடினைக் கொல்ல.. கிரம்ளின் மாளிகையை குறி வைத்த டிரோன்கள்.. சுட்டு வீழ்த்தியது ராணுவம்
மாஸ்கோ: ரஷ்ய அதிபர் விலாடிமிர் புடினை கொல்லும் நோக்குடன் ஏவப்பட்ட 2 டிரோன்களை ரஷ்ய ராணுவம் சுட்டு வீழ்த்தியது. புடினைக் கொல்ல உக்ரைன் முயற்சித்ததாக ரஷ்யா குற்றம் சாட்டியுள்ளது.
இந்த சம்பவத்தில் புடினுக்கும் எந்த ஆபத்தும் ஏற்படவில்லை. அதேபோல கிரம்ளின் கட்டடத்துக்கும் எந்த சேதமும் ஏற்படவில்லை என்று தெரிவிக்கப்பட்டுள்ளது.
முன்னதாக கிரம்ளின் மாளிகையை நோக்கி 2 டிரோன்கள் பறந்து வந்தன. இதையடுத்து அந்த இரண்டு டிரோன்களையும் ரஷ்ய ஏவுகணைகள் வழிமறித்துத் தாக்கி அழித்து விட்டன. இதுதொடர்பான வீடியோ வெளியாகி பரபரப்பை ஏற்படுத்தியுள்ளது.
புடினைக் கொல்ல உக்ரைன் முயற்சித்ததாகவும், இதற்கு சரியான பதிலடி கொடுக்கப்படும் என்றும் ரஷ்யா எச்சரித்துள்ளது. இதனால் கடந்த ஒரு வருடத்திற்கும் மேலாக நடந்து வரும் ரஷ்யா - உக்ரைன் இடையிலான போர் மேலும் மோசமடையும் அபாயம் எழுந்துள்ளது.
டிரோன் தாக்குதலின்போது கிரம்ளின் மாளிகையில் புடின் இல்லை என்று தகவல்கள் கூறுகின்றன. ஆனால் இந்தத் தாக்குதலுக்கும் தங்களுக்கும் எந்தத் தொடர்பும் இல்லை என்று உக்ரைன் மறுத்துள்ளது. இதுகுறித்து உக்ரைன் அதிபரின் செய்தித் தொடர்பாளர் மிக்கைலோ போடோலியாக் கூறுகையில், இதற்கும் உக்ரைனுக்கும் எந்தத் தொடர்பும் இல்லை. கிரம்ளின் மாளிகையை உக்ரைன் ஒருபோதும் தாக்காது. இப்படிப்பட்ட தாக்குதல்கள் எந்த வகையிலும் உதவாது என்று உக்ரைன் நம்புகிறது என்றார் அவர்..
கிரம்ளின் மாளிகையை நோக்கி வந்த இரண்டு டிரோன்களில் ஒன்று அதிபர் மாளிகை கோபுரம் மீது பறந்து வந்தது குறிப்பிடத்தக்கது.
சமீபத்திய செய்திகள்
வங்கக்கடலில் உருவானது தீவிர காற்றழுத்தத் தாழ்வுப் பகுதி: அக்டோபர் 26-ல் உருவாகிறது ‘அர்னாப்’ புயல்!
தலைமை தேர்தல் அதிகாரி நடத்திய கூட்டம்: அதிமுக தவிர அனைத்து கட்சிகளும் வெளிநடப்பு
தென்தமிழ் தலையங்கம்: அதிகரிக்கும் விலைவாசி உயர்வு - அயர்ச்சியில் மக்கள் - காரணங்கள், தீர்வுகள்!
கோடை எப்எம் மட்டும்தான் - அதுவும் 2 மணி நேரம்தான் - மறக்க முடியாத ஸ்கூல் டேஸ்!
இரவுக்குப் பின்னால் ஒரு விடியல் - ரம்யாவின் கவிதைத் தோட்டம் (7)
"அப்படீன்னா சாரதா இங்கேதான் இருக்காளா".. கடைசி பெஞ்சில் இருந்த பெண் (2)
சமையல் With ஸ்வர்ணா: ஸ்ப்ரவுடட் சன்னா வெஜிடபிள் சாலட் -வெள்ளிக்கிழமை ஸ்பெஷல்!
துலா ஸ்நானம் என்றால் என்ன?- ஐப்பசி மாதம் தோன்றிய விதம் இதுதான்!
ஈரோடு வந்திருக்கீங்களா- கோணப் புளியங்கா சாப்பிட்டிருக்கீங்களா? - சொல்றேன் கேளுங்!
{{comments.comment}}