திமுக-விடுதலைச் சிறுத்தைகள் கூட்டணி வலுவாக உள்ளது.. திருமாவளவன் திட்டவட்டம்

Jun 19, 2025,06:15 PM IST

மதுரை: திமுக தலைமையிலான இந்தியா கூட்டணியை உருவாக்கியதில் வீசிக்காவுக்கு ஒரு பங்கு உண்டு. திமுக-விசிக கூட்டணி வலுவாக உள்ளது என்று விசிக தலைவர் திருமாவளவன் தெரிவித்துள்ளார்.

மதுரை திருப்பரங்குன்றம் முருகர் கோயிலுக்கு வந்த விசிக கட்சி தலைவர் திருமாவளவன் சாமி தரிசனம் செய்தார். அதன்பின்னர் பேசுகையில், திமுக தலைமையிலான இந்தியா கூட்டணியை உருவாக்கியதில் வீசிக்காவுக்கு ஒரு பங்கு உண்டு. எனவே கூட்டணியின் வலிமையை பாதுகாக்கும் பொறுப்பு எங்களுக்கு உள்ளது. தொகுதி பங்கீட்டில் கூடுதலான இடங்களை கேட்போம். பேச்சுவார்த்தை முடிவில் தான் தொகுதி எண்ணிக்கை முடிவாகும்.

கொள்கை அடிப்படையில் எதிரிகள் யார் என்பதை முடிவெடுப்பதில் துணிவு தேவை. இந்திய தேசிய எதிர்ப்பில் தான் தமிழ் தேசியம் அடங்கியுள்ளது. இந்திய தேசியம் எது என்று தெளிவுபடத்தாமல், இந்திய தேசத்திற்கும் தமிழ் தேசியத்திற்கும் எதிராக இருக்கிறது என்பதைப் பற்றி சொல்லாமலேயே திராவிட கட்சிகளை எதிர்ப்பது, பெரியாரை எதிர்ப்பது என்பது ஒரு சதி முயற்சியாகும். அது எந்த வகையிலும் தமிழ் தேசியத்திற்கு உதவாது.

பாஜக, பாமக ஆகிய இரண்டு கட்சிகள் இடம் பெற்றுள்ள கூட்டணிக்கு விடுதலை சிறுத்தைகள் கட்சி ஒருபோதும் செல்லாது. அதிமுகவோடு பாஜக கூட்டணியில் இருப்பதால் விடுதலை சிறுத்தைகள் கட்சி அதிமுகவில் ஒரு போதும் கூட்டணிக்கு செல்ல முடியாது. கூட்டணியில் இருக்கும் போது கூட்டணிக்கு தலைமை வைக்கும் கட்சியை மிரட்டி அரசியல் செய்ய வேண்டிய அவசியம் விடுதலை சிறுத்தை கட்சிக்கு கிடையாது என்றார்.