எலன் மஸ்க்கின் புதிய திட்டம்.. தப்புமா டிவிட்டர்.. பரபர எதிர்பார்ப்பில் டிவீப்பிள்ஸ்!

Jul 17, 2023,03:48 PM IST

- சகாயதேவி

சென்னை: சிறு தொழில் முனைவோராக இருந்தாலும் சரி பெரும் தொழிலதிபர்கள் என்றாலும் சரி, வியாபாரம் என்றால் ஏற்ற இறக்கம் இருக்கும். நாம் தினம் தோறும் பெரும்பாலான நேரத்தை கழிக்கும், ட்விட்டரும் இதற்கு விதிவிலக்கில்லை .

அதிக கடன் சுமை காரணமாக ட்விட்டரின் பணப்புழக்கம் எதிர்மறையாகவே உள்ளது என்று எலன் மஸ்க் தெரிவித்துள்ளார். ஜூன் மாதத்திற்குள் ட்விட்டர் பணப்புழக்கத்தில் பாசிட்டிவ் அடையும் என்று எலோன் மஸ்க் கடந்த மார்ச் மாதம் கூறியிருந்தார். ஆனால் நிலைமை இன்னும் மோசமாகியுள்ளது.

செலவுக் குறைப்பு நடவடிக்கை:

கடந்த அக்டோபரில் எலோன் மஸ்க் ட்விட்டரை கையகப்படுத்தியதில் இருந்து ஆக்ரோஷமான செலவுக் குறைப்பு என அதிரடி நடவடிக்கைகள் நிகழ்த்தினார். ஆயிரக்கணக்கான ஊழியர்களை பணிநீக்கம் செய்து பரபரப்பு ஏற்படுத்தினார். ஆட்குறைப்புக்கு பின்னர் கிளவுட் சர்வீஸ் பில்களை குறைத்த பிறகு, நிறுவனம் தனது கடன் அல்லாத செலவினங்களை 2023ல் $4.5 பில்லியனில் இருந்து $1.5 பில்லியனாகக் குறைத்ததாக மஸ்க் கூறினார்.

விளம்பர வருவாயில் 50% வீழ்ச்சியால் ட்விட்டர் நிறுவனத்தின் வருவாய், 2021ல் 5.1 பில்லியன் டாலரில் இருந்து 2023ல் 3 பில்லியன் டாலராக குறைந்து போய் விட்டதாக மஸ்க் கூறியுள்ளார். இதை எப்படி முன்னேற்ற பாதையில் கொண்டு போவது என தீவிரமான யோசனையில் ஈடுபட்டுள்ள அவர் புதிய திட்டங்களை வகுக்க ஆரம்பித்துள்ளார்.

அடுத்தகட்ட நடவடிக்கை :

காம்காஸ்டின் என்பிசி யுனிவர்சலில் முன்னாள் விளம்பரத் தலைவரான லிண்டா யாக்காரினோவை சிஇஓவாக மஸ்க் பணியமர்த்தியது, சந்தா வருவாயை அதிகரிக்க ட்விட்டருக்கு விளம்பர விற்பனை முன்னுரிமை கிடைக்கும் என்பதை சமிக்ஞை செய்தது.

யக்காரினோ ஜூன் தொடக்கத்தில் ட்விட்டரில் பணியாற்றத் தொடங்கினார். மேலும் முதலீட்டாளர்களிடம் ட்விட்டர் வீடியோ, படைப்பாளர் மற்றும் வர்த்தக கூட்டாண்மைகளில் கவனம் செலுத்த திட்டமிட்டுள்ளதாகவும், அரசியல் மற்றும் பொழுதுபோக்கு நபர்கள், பணம் செலுத்துதல் சேவைகள் மற்றும் செய்தி மற்றும் ஊடக வெளியீட்டாளர்களுடன் ஆரம்ப பேச்சுவார்த்தையில் இருப்பதாகவும் கூறினார்.

எலன் மாஸ்க் தீட்டிய புது திட்டம் ட்விட்டரை எந்த அளவுக்கு காப்பாற்றும், அதை முன்னேற்றும் என்பதை பொறுத்திருந்து பார்க்கலாம்.

சமீபத்திய செய்திகள்

பகுதிநேர ஆசிரியர்கள் சிறப்பு மதிப்பெண் அடிப்படையில் பணி நிரந்தரம்: முதல்வர் மு.க.ஸ்டாலின் அறிவிப்பு

குற்றவாளிகளை காப்பாற்ற மட்டுமே திமுக ஆட்சி நடத்திக் கொண்டிருக்கிறது: அண்ணாமலை குற்றச்சாட்டு!

8% ஆரம்பித்து 0.17 சதவீதத்தில் வந்து நிற்கும் தேமுதிக.. எதிர்பார்க்கும் சீட்டுகள் எத்தனை?

எனக்கு போட்டியாக இந்தியாவில் எந்த கட்சியும் இல்லை..பூமிக்காக அரசியல் பேசும் ஒரே தலைவன் நான்: சீமான்

அமெரிக்காவை உலுக்கும் பெர்ன் பனிப்புயல்:. ஸ்தம்பித்த வாழ்க்கை.. காலியான சூப்பர் மார்க்கெட்டுகள்!

மக்களே தயாராக இருங்க... நாளை 9 மாவட்டங்களுக்கு மழைக்கு வாய்ப்பு..வானிலை மையம் அறிவிப்பு!

டி20 உலகக் கோப்பைத் தொடரிலிருந்து வங்கதேசம் அதிரடி நீக்கம்?.. ஸ்காட்லாந்துக்கு வாய்ப்பு!

ஓபிஎஸ் - அமைச்சர் சேகர்பாபு திடீர் சந்திப்பு: தமிழக அரசியலில் புதிய திருப்பம்?

என்னாது கேரள சட்டசபைத் தேர்தலில் நான் போட்டியிடப் போறேனா?.. பாவனா பதில்!

எலன் மஸ்க்கின் புதிய திட்டம்.. தப்புமா டிவிட்டர்.. பரபர எதிர்பார்ப்பில் டிவீப்பிள்ஸ்!

Comments

சமீபத்திய செய்திகள்

அதிகம் பார்க்கும் செய்திகள்