இஸ்மாயில் ஹனியேவுக்கு நெருக்கமான.. யாஹ்யா சின்வார்.. ஹமாஸ் புதிய தலைவராகிறார்
பெய்ரூட்: ஹமாஸ் அமைப்பின் புதிய தலைவராக யாஹ்யா சின்வார் தேர்வு செய்யப்பட்டுள்ளார்.
இஸ்ரேல் மீது கடந்தாண்டு தாக்குதல் நடத்தியதில் யாஹ்யா சின்வார் முக்கிய பங்குவகித்தவர். இவருடன் முகமது டேயிஃப், இஸ்மாயில் ஹனியே ஆகியோரும் முக்கிய பங்கு வகித்தவர்கள். இந்த 3 பேரும் இஸ்ரேல் மீது தாக்குதல் நடத்தியதில் மூளையாக செயல்பட்டனர் என்பது குறிப்பிடத்தக்கது.
கடந்த வாரம் ஈரானில் ஹமாஸ் அமைப்பின் அரசியல் பிரிவு தலைவராக இருந்த இஸ்மாயில் ஹனியே கொல்லப்பட்டார். இவரைத் தொடர்ந்து அந்த அமைப்பின் ராணுவப் பிரிவுத் தலைவர் முகமது டேபிஃபும் கொல்லப்பட்டதாக இஸ்ரேல் அறிவித்தது. 3 முக்கியத் தலைவர்களில் இருவர் கொல்லப்பட்ட நிலையில் தற்போது ஹமாஸ் அமைப்பின் ஒட்டுமொத்த தலைவராக சின்வார் தேர்ந்தெடுக்கப்பட்டுள்ளார்.
இஸ்ரேல் மீது ஹமாஸ் தாக்குதல் நடத்தியதில் இருந்து இவர் பொது இடங்களில் தோன்றாமல் இருந்து வந்துள்ளார். ஹமாஸ் அரசியல் பிரிவுக்கு மட்டுமல்லமல், மொத்த அமைப்புக்கும் புதிய தலைவராக யாஹ்யா சின்வர் தேர்ந்தெடுக்கப்பட்டுள்ளதாக அந்த அமைப்பின் சார்பில் அறிவிக்கப்பட்டுள்ளது.
யாஹ்யா சின்வார் பொது இடங்களில் அதிகம் தோன்றாவிட்டாலும் ஹமாஸ் அமைப்பின் நிர்வாகத்தின் மீது தொடர்ந்து ஆதிக்கம் செலுத்தி வருபவராக இருந்து வந்துள்ளார். முகமது டேயிஃப்பின் நெருங்கிய நண்பரான இவர் அமைப்பின் ராணுவப் பிரிவை வலுப்படுத்துவதில் முக்கியப் பங்காற்றியுள்ளார். இவரது தலைமையில் ஹமாஸ் எப்படி செயல்படப் போகிறது என்பது ஆர்வத்தைத் தூண்டுவதாக உள்ளது. இஸ்ரேல் அரசும் சின்வாரின் செயல்பாடுகள் குறித்து தீவிரமாக கண்காணிப்பை தொடங்கியுள்ளது.
சமீபத்திய செய்திகள்
SIR:முதலமைச்சர் மு.க.ஸ்டாலின் உடனடியாக அனைத்து கட்சி கூட்டத்தை கூட்ட வேண்டும்: திருமாவளவன்
ஆந்திராவில் பேருந்து விபத்தில் 20 பேர் பலி: விபத்திற்கான காரணமாக வெளிவந்த அதிர்ச்சி தகவல்
ஐஸ்லாந்தும் என் ஆளுகையில்.. ஒத்தக் கொசு.. மொத்த நாடும் அலறுதே.. க(ப)டிச்சுப் பாருங்க!
12 மாவட்டங்களுக்கு இன்றும், 6 மாவட்டங்களுக்கு நாளையும் கனமழைக்கு வாய்ப்பு: சென்னை வானிலை மையம் தகவல்
பாமக செயல் தலைவராக ஸ்ரீகாந்திமதி நியமனம்: பாமக நிறுவனர் டாக்டர் ராமதாஸ் அறிவிப்பு!
Cyclone Montha... அக்.,28ல் ஆந்திரா மாநிலம் காக்கிநாடா அருகே கரையை கடக்கிறது: வானிலை மையம் அறிவிப்பு
நெல்லின் ஈரப் பதம்.. தமிழ்நாட்டில் மத்தியக் குழு.. நாமக்கல் அரிசி ஆலையில் இன்று ஆய்வு
10 மற்றும் 12ம் வகுப்பு பொதுத்தேர்வு அட்டவணை நவ., 4ம் தேதி வெளியீடு: அமைச்சர் அன்பில் மகேஸ்!
காலையில் தினமும் கண் விழித்தால் கை தொழும் தேவதை... டீ.. ஆனால் வெறும் வயிற்றில் குடித்தால்??
{{comments.comment}}