திருப்பதி ஏழுமலையான் கோவிலில் வருடாந்திர தெப்போற்சவம் கோலாகலமாக தொடக்கம்!

Mar 10, 2025,02:07 PM IST

ஆண்டுதோறும் மாசி மாதம் திருப்பதி ஏழுமலையான் கோவிலில் வருடாந்திர தெப்போற்சவம் நடைபெறுவது வழக்கம். அதன்படி இந்த ஆண்டிற்கான தெப்போற்சவம் நேற்று கோலாகலமாக தொடங்கி நடைபெற்று வருகிறது.

1 / 7
Share

Image Courtesy: TTD

இந்த ஆண்டிற்கான தெப்போற்சவம் மார்ச் 9ம் (நேற்று) தேதி தொடங்கி மார்ச் 13ம் தேதி வரை நடைபெற உள்ளது. இந்த தெப்போற்சவத்தில் கலந்து கொள்ள திரளாக பக்தர்கள் திருப்பதிக்கு படையெடுத்து வருகின்றனர்.

2 / 7
Share

Image Courtesy: TTD

தெப்போற்சவத்தின் முதல் நாளான நேற்று மாலை ஸ்ரீசீதா லட்சுமண ஆஞ்சநேய சமேதராக ஸ்ரீராமச்சந்திர மூர்த்தி அலங்காரத்தில் திருமலையப்பன் வண்ண மலர்களால் அலங்கரிக்கப்பட்ட தெப்பத்தில் உலா வந்து பக்தர்களுக்கு அருள்பாலித்தார்.

3 / 7
Share

Image Courtesy: TTD

தெப்போற்சவத்தின் முதல் நாளில் சீதா லட்சுமண ஆஞ்சநேயர சமேத ஸ்ரீ ராமச்சந்திர மூர்த்தி மூன்று முறை புனித புஷ்கரணியில் வலம் வந்து அருள்பாலித்தனர். இந்த உற்சவத்தை காண பக்தர்கள் கூட்டம் திருப்பதியில் அலைமோதி வருகின்றனர்.

4 / 7
Share

Image Courtesy: TTD

தெப்போற்சவத்தை முன்னிட்டு திருக்குளம் மற்றும் தெப்பம் மலர்களாலும், மின் விளக்குகளாலும் அழகுற அலங்கரிக்கப்பட்டுள்ளது. இந்த நிகழ்ச்சியின் போது மங்கள வாத்தியங்கள், ஸ்ரீராம சங்கீர்த்தனங்கள் குரல் மற்றும் வாத்தியக் கலைஞர்களால் பாடப்பட்டன.

5 / 7
Share

Image Courtesy: TTD

திருப்பதியில் கூட்டம் அதிகமாக உள்ளதால் மார்ச் 14ம் தேதி காலை 5 மணி முதல் பகல் 12 மணி வரை மட்டுமே பக்தர்கள் புனித நீராட அனுமதிக்கப்படுவார்கள் என்று திருப்பதி தேவஸ்தானம் அறிவித்துள்ளது.

6 / 7
Share

Image Courtesy: TTD

மேலும், உடல் எடை அதிகம் கொண்டவர்கள், இதயம் தொடர்பான பிரச்சனை உள்ளவர்கள், நீண்ட கால நோயால் பாதிக்கப்பட்டவர்கள், குழந்தைகள், வயது முதிர்ந்தவர்கள் தீர்த்தத்திற்கு செல்லும் வனப்பகுதியில் அனுமதிக்கப்பட மாட்டார்கள் என திருப்பதி தேவஸ்தானம் தெரிவித்துள்ளது.

7 / 7
Share

Image Courtesy: TTD

டோக்கன் இல்லாமல் செல்லும் சர்வதரிசன வரிசையில் செல்பவர்கள் 12 முதல் 14 மணி நேரம் சாமி தரிசனத்திற்காக காத்திருக்க வேண்டிய நிலை ஏற்பட்டுள்ளது. பக்தர்கள் காத்திருக்கும் அறைகளில் 10 முதல் 28 அறைகள் நிரம்பி உள்ளதாக சொல்லப்படுகிறது.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

Good Morning America..Happy halloween day.. ஹாலோவீன் புதிர் பிரமை!

வங்கக்கடலில் தீவிரமடைந்த காற்றழுத்த தாழ்வுப் பகுதி: வட தமிழகம், தெற்கு ஆந்திராவை நோக்கி நகர்கிறது!

39 வயதிலேயே சங்கீத கலாநிதி: கர்நாடக இசையின் அசைக்க முடியாத மேதை - செம்மங்குடி!

தென்தமிழ் தலையங்கம்: திராவிட எதிர்ப்பு நிலையிலிருந்து முழுமையாக விலகுகிறாரா சீமான்?

முதல்வர் விஜய்யின் மெகா டூர் பிளான்: 5 தொகுதி இடைத்தேர்தலில் தெறிக்க விட தவெக ரெடி!

சென்னை, தேனியை தொடர்ந்து கோவையில் இருந்தும் கைதி தப்பியோட்டம் - 4 போலீஸார் சஸ்பெண்ட்

சோர்வால் வளர்ச்சி கெடும் சுயமில்லா வேலை கெடும் - ஔவையின் பொன்மொழி 60 (8)

வெயிலோ மழையோ.. எதுவா இருந்தா என்ன.. சுரைக்காய் பஜ்ஜிதான் துணைக்கு இருக்கே!

யாருக்கும் தெரியாத அம்மாவின் வலி - கடைசி பெஞ்சில் இருந்த பெண்(4)

திருப்பதி ஏழுமலையான் கோவிலில் வருடாந்திர தெப்போற்சவம் கோலாகலமாக தொடக்கம்!

சமீபத்திய செய்திகள்

அதிகம் பார்க்கும் செய்திகள்