பொங்கலுக்கு விருந்து வைக்க வரும் 5 முக்கியப் படங்கள்.. சுவைக்க நீங்க ரெடியா?

Jan 05, 2025,11:37 AM IST

பொங்கல் விழா இந்த ஆண்டு சூப்பரான திரைப்படங்களுடன் திரை ரசிகர்களையும் மகிழ்விக்க காத்திருக்கிறது. மொத்தம் 7 படங்கள் அடுத்தடுத்து வெளியாகவுள்ளன. இதில் ஐந்து படங்கள் ரசிகர்களிடையே பெரும் எதிர்பார்ப்புகளை ஏற்படுத்தியுள்ளன. என்னெல்லாம் படங்கள் வருகின்றன. அவற்றின் மீதான எதிர்பார்ப்பு என்ன.. வாங்க பார்க்கலாம்.

1 / 5
Share

Image Courtesy: X

ஜனவரி 10ம் தேதி மொத்தம் 3 படங்கள் திரைக்கு வருகின்றன. இயக்குநர் ஷங்கரின் தெலுங்கு - தமிழ் படைப்பான கேம்சேஞ்சர் அதில் முக்கியமான படம். இப்படத்தில் ராம் சரண் நாயகனாக நடித்துள்ளார். தமன் இசையைத்துள்ளார். முக்கிய கதாபாத்திரத்தில் அதிரடியான ரோலில் எஸ்.ஜே. சூர்யா நடித்துள்ளார். சமுத்திரக்கனியும் படத்தில் இருக்கிறார்.

2 / 5
Share

Image Courtesy: X

ஜனவரி 10ம் தேதி வெளியாகும் இன்னொரு படம் வணங்கான். பெரும் எதிர்பார்ப்பை ஏற்படுத்தியுள்ள இப்படத்தை இயக்கியிருப்பவர் பாலா. அருண் விஜய் நாயகனாக நடித்துள்ளார். சூர்யா நடிக்கவிருந்து பின்னர் அவர் விலகியதால் அருண் விஜய் நடித்த படம் இது என்பது கூடுதல் எதிர்பார்ப்பை ஏற்படுத்தியுள்ளது. ஜி.வி. பிரகாஷ் இசையமைத்துள்ளார்.

3 / 5
Share

Image Courtesy: X

மெட்ராஸ்காரன். இது ஜனவரி 10ம் தேதி வெளியாகும் 3வது படமாகும். வாலி மோகன்தாஸ் இயக்கத்தில், உருவாகியுள்ள இப்படம் இருவருக்கு இடையே ஏற்படும் மோதல் எப்படி அவர்களின் வாழ்க்கையைப் பாதிக்கிறது என்பது குறித்த கதையாகும். மலையாள நடிகர் ஷேன் நிகாம், ஐஸ்வர்யா தத்தா, நிஹராகி கொனிடேலா உள்ளிட்டோர் இப்படத்தில் நடித்துள்ளனர்.

4 / 5
Share

Image Courtesy: X

ஜனவரி 12ம் தேதி ஒரு சூப்பர் படம் சோலோவாக ரிலீஸாகிறது. அதுதான் மதகஜராஜா. கிட்டத்தட்ட 12 வருடங்களுக்கு முன்பு உருவான படம் இது. ஒரு தலைமுறை ரசனையே மாறிப் போய் விட்ட நிலையில் மிக மிக தாமதமாக இப்படம் வெளியாகிறது. ஆனாலும் எதிர்பார்ப்புகள் பலமாக உள்ளன. காரணம், சந்தானத்தின் காமெடியை இப்படத்தில் ரசிகர்கள் மீண்டும் ரசிக்கப் போகிறார்கள். சுந்தர் சி இயக்கிய இப்படத்தில் நாயகனாக நடித்திருப்பவர் விஷால். நாயகிகளாக அஞ்சலி மற்றும் வரலட்சுமி ஆகிய இருவரும் நடித்துள்ளனர்.

5 / 5
Share

Image Courtesy: X

ஜனவரி 14ம் தேதி ஜெயம் ரவியின் காதலிக்க நேரமில்லை, இயக்குநர் விஷ்ணுவர்தனின் நேசிப்பாயா ஆகியவை வெளியாகின்றன. கூடவே தருணம் படமும் ரிலீஸாகிறது. பொங்கல் ரேஸில் இந்த முறை மிகப் பெரிய நடிகர்களின் படங்கள் எதுவும் வரவில்லை. அஜீத்தின் விடாமுயற்சி வருவதாக இருந்து விலகி விட��டது என்பது குறிப்பிடத்தக்கது.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

அக்., 11-ல் சென்னை வரும் பிரதமர் மோடி: பூந்தமல்லி - வடபழனி மெட்ரோ ரயில் சேவை தொடக்கம்

செவிலியர்கள் கைது மற்றும் போலீஸ் நடவடிக்கை: தவெக அரசுக்கு அரசியல் தலைவர்கள் கடும் கண்டனம்!

தென்தமிழ் தலையங்கம்: டேட்டிங் ஆப் முதல் குழந்தைப் பேறு வரை.. சிங்கப்பூருக்கு வந்த சோதனை!

மதுராந்தகம், தாராபுரம் இடைத்தேர்தல் 2026: வாக்குப்பதிவு நிறுத்தம்...போலீசுடன் திமுக வாக்குவாதம்!

கதையல்ல நிஜம்: "சாண்ட்விச்" ஜெனரேஷன்.. அந்தப் பக்கமும் போகாமல்.. இங்குட்டும் நகர முடியாமல்!

Good afternoon Recipe: மென்மையான குலாப் ஜாமுன் செய்வது எப்படி?

உறுதியாய் நின்ற வேர்.. இறுதியில் கிடைத்த நீரை நம்பி ஏமாந்தது!

Sudha Thirunarayanan Cute Story: கோலம்!

தலைமை தேர்தல் ஆணையர் ஞானேஷ் குமாருக்கு எதிராக எதிர்க்கட்சிகள் பிரம்மாண்ட பேரணி

பொங்கலுக்கு விருந்து வைக்க வரும் 5 முக்கியப் படங்கள்.. சுவைக்க நீங்க ரெடியா?

சமீபத்திய செய்திகள்

அதிகம் பார்க்கும் செய்திகள்