கோலகலாமக நடந்தேறிய சேலம் செவ்வாய்ப்பேட்டை ஸ்ரீ இராமலிங்க செளடேஸ்வரி அம்மன் கோவில் விழா

Jan 20, 2025,11:18 AM IST

சேலம் செவ்வாய்பேட்டை ஸ்ரீ இராமலிங்க செளடேஸ்வரி அம்மன் கோவில் திருவிழா 6 நாட்கள் விழா சிறப்பாக நடைபெற்றது. தேவாங்கபுரத்தில் அமைந்திருக்கும் ஸ்ரீ இராமலிங்க செளடேஸ்வரி அம்மன் ஆலயத்தில் திருவிழா ஜனவரி 13ம் தேதி துவங்கி, ஜனவரி 18ம் தேதி வரை தொடர்ந்து வெகு சிறப்பாக நடைபெற்றது.

1 / 4
Share

Image Courtesy: Swarnalakshmi

தேவாங்கர் சமூகத்தினரின் குல தெய்வமாக போற்றப்படும் தெய்வம்தான் ஸ்ரீ செளடேஸ்வரி அம்மன். சேலம் செவ்வாய்பேட்டையில் ஆலயம் எழுப்பப்பட்டுள்ளது.

2 / 4
Share

Image Courtesy: swarnalakshmi

செளடேஸ்வரி அம்மனுக்கு வீரகுமாரர்கள் அலகு சேவையுடன் திருவிழா நடத்தி, வழிபட்டு வருவது செவ்வாய்பேட்டையில் உள்ள தெலுங்கு தேவாங்க குலத்தினரின் வழக்கமாக உள்ளது. இந்த திருவிழா 6 வருடங்களுக்கு ஒருமுறை நடத்தப்படுவது வழக்கம்.

3 / 4
Share

Image Courtesy: Swarnalakshmi

இந்த ஆண்டு ஜனவரி 13ம் தேதி துவங்கி, ஜனவரி 18 ம் தேதி வரை ஸ்ரீஇராமலிங்க செளடேஸ்வரி அம்மன் தேவஸ்தானத்தின் வடக்கு வாசல் முன் அமைந்துள்ள அலங்காரப் பந்தலில் திருவிழா வெகு விமர்சையாக நடைபெற்றது.

4 / 4
Share

Image Courtesy: Swarnalakshmi

ஜனவரி 13 காலை விநாயகர் வழிபாட்டுடன் துவங்கிய இவ்விழாவில், கத்தி போட்டபடி நடைபெறும் சக்தி அழைப்பு, சிறுமியர்கள், பெண்கள் ஆகியோரின் கோலாட்டம், பண்டாரி மெரமனை ஊர்வலம் வீரகுமாரர்களின் அலகு சேவை, திருமஞ்சன ஊர்வலம், திருவிளக்கு பூஜை, பானக மெரமனை, மஹாஜோதி, செளடேஸ்வரி அம்மன் திருவீதி உலா உள்ளிட்ட வைபவங்கள் நடைபெற்றன.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்