பெசன்ட் நகர் கடற்கரைக்கும் வந்தது மாற்றுத் திறனாளிகளுக்கான பிரத்யேக நடை பாதை

Feb 12, 2025,11:43 AM IST

சென்னை மெரீனா கடற்கரையில் உள்ளது போலவே பெசன்ட் நகர் கடற்கரையிலும் மாற்றுத் திறனாளிகளுக்கான பிரத்யேக நடை பாதை அமைக்கப்பட்டுள்ளது. இதை துணை முதல்வர் உதயநிதி ஸ்டாலின் தொடங்கி வைத்தார்.

1 / 6
Share

Image Courtesy: X

சென்னை மெரீனா கடற்கரையில் மாற்றுத் திறனாளிகளுக்காக பிரத்யேக நடை பாதை அமைக்கப்ப்பட்டுள்ளது. முற்றிலும் மரத்தால் ஆன இந்த நடைபாதையானது, கடற்கரையிலிருந்து கடல் வரைக்கும் செல்லும் வகையில் அமைக்கப்பட்டுள்ளது. இதன் வழியாக சக்கர நாற்காலி மூலமாக மாற்றுத் திறனாளிகள் கடல் அருகே வரை போகும் வாய்ப்பு கிடைத்து பெரும் மகிழ்ச்சி அடைந்து கடலை அருகே சென்று கால் நனைத்து மகிழ்ந்து வருகின்றனர்.

2 / 6
Share

Image Courtesy: X

தற்போது அதேபோன்ற நடைபாதை பெசன்ட் நகர் எலியாட்ஸ் பீச்சிலும் அமைக்கப்பட்டுள்ளது. இந்த பிரத்யேக நடைபாதையை துணை முதல்வர் உதயநிதி ஸ்டாலின் திறந்து வைத்தார். விழாவில் அமைச்சர் கே.என். நேரு, சென்னை மாநகராட்சி மேயர் பிரியா உள்ளிட்டோர் கலந்து கொண்டனர்.

3 / 6
Share

Image Courtesy: X

ரூ.1.61 கோடி மதிப்பில் பெசன்ட் நகர் கடற்கரையில், அமைக்கப்பட்டுள்ள மாற்றுத்திறனாளிகளுக்கான நடைபாதையை சென்னை மாநகராட்சி உருவாக்கியுள்ளது.

4 / 6
Share

Image Courtesy: X

சென்னை மாகாண ஆளுநராக இருந்தவர் எட்வர்ட் எலியாட். அவரது பெயரில்தான் இந்த கடற்கரை எலியாட்ஸ் பீச் என்று அழைக்கப்படுகிறது. மெரீனா கடற்கரைக்குப் பிறகு அதிக அளவில் மக்கள் குழுமும் ஒரு கடற்கரையாக பெசன்ட் நகர் கடற்கரை திகழ்ந்து வருவது குறிப்பிடத்தக்கது.

5 / 6
Share

Image Courtesy: X

மாற்றுத் திறனாளிகளுக்கான இந்த மர நடை பாதை அமைக்கப்படுவதற்கு முன்பு வரை கடற்கரை மணலில் நடந்து போயோ அல்லது அதைக் கடந்து போயோ மாற்றுத் திறனாளிகள் கடலில் கால் நனைப்பது கனவாக இருந்து வந்தது. முந்தைய அதிமுக ஆட்சியில் இது பரீட்சார்த்தமாக செய்து பார்க்கப்பட்டபோது அது வெற்றி பெற்றது.

6 / 6
Share

Image Courtesy: X

இதையடுத்து திமுக ஆட்சி அமைந்த பின்னர் இந்த நடை பாதையை நிரந்தரமாக அமைக்க முதல்வர் மு.க.ஸ்டாலின் உத்தரவிட்டார். அதன் பேரில் முதலில் மெரீனா கடற்கரையில் இந்த பாதை அமைக்கப்பட்டு வெற்றிகரமாக நடைமுறையில் உள்ளது. இந்த நிலையில் தற்போது பெசன்ட் நகருக்கும் இது வந்துள்ளது.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்