12 வயசுப் பொண்ணை கல்யாணம் செய்த பூசாரி.. கொந்தளித்த மக்கள்.. ஆனாலும் மனுசன் அசரலையே!
அக்ரா, கானா: கானா நாட்டில் 63 வயசான பூசாரி ஒருவர், 12 வயதேயான சிறுமியை கல்யாணம் செய்து கொண்டுள்ளார். இது அந்த ஊர் மக்களை கொந்தளிப்பில் ஆழ்த்தியுள்ளது. ஆனாலும் அந்த மதத் தலைவர் அதைக் கண்டு கொள்ளவில்லை. இவர் தலைமை பூசாரியாகவும் இருக்கிறார்.
கானா தலைநகர் அக்ராவுக்கு அருகே உள்ளது நுங்குவா பிராந்தியம். இந்தப் பகுதியில் உள்ள ஒரு இனக் குழுவின் தலைவராக இருந்து வருபவர் நுமோ பார்க்கெட்டி லாவே சுரு. இவருக்கு தற்போது 63 வயதாகிறது. இவர் 12 வயது சிறுமியைக் கல்யாணம் செய்து கொண்டுள்ளார். இது பெரும் பரபரப்பை ஏற்படுத்தியுள்ளது.
இவரை எல்லோரும் கோபோர்பு வுலோமோ என்று அழைப்பார்கள்.. நம்ம ஊர் குலதெய்வம் கோவில்களில் பூசாரிகள் இருப்பார்கள் இல்லையா.. அது போலத்தான் இவரும். நுங்கா பகுதியில் பழங்குடியினர் வசித்து வருகின்றனர். அவர்களுக்கு இவர்தான் தலைமை பூசாரி ஆவார்.
கானாவில் பெண்களுக்கான திருமண வயது 18 ஆகும். ஆனால் இந்த பூசாரி, 12 வயதுப் பெண்ணை கல்யாணம் செய்து அனைவரையும் அதிர வைத்துள்ளார். கிராமத்தைச் சேர்ந்த அந்த பூசாரியின் கல்யாணத்தில் ஊர் மக்கள் பலரும் கலந்து கொண்டுள்ளனர். வெள்ளை நிற உடையில் அந்த சிறுமி உள்ளார். அவரைச் சுற்றிலும் உள்ள பெண்கள், அச்சிறுமியை கேலி செய்தபடி உள்ளனர். புருஷனை மனம் கோணாமல் பார்த்துக்க என்றும் அட்வைஸ் செய்கின்றனர். பார்க்கவே படு மோசமாக இருக்கிறது இந்தக் காட்சிகள்.
சென்ட் அடிச்சுக்கோ.. அப்பத்தான் உன் புருஷனுக்கு உன்னைப் பிடிக்கும் என்றும் ஒரு பெண் கூறுவது வீடியோவில் கேட்கிறது. இந்தத் திருமணம் கானாவில் பெரும் சலசலப்பை ஏற்படுத்தியுள்ளது. இந்தத் திருமணம் செல்லாது என்று அறிவிக்க வேண்டும் என்று பலரும் கோரிக்கை விடுத்து வருகின்றனர். ஆனாலும் இந்த பூசாரி கலங்கவில்லை, பயப்படவில்லை. மாறாக இவருக்கு ஏகப்பட்ட மதப் பிரிவுகளின் மதத் தலைவர்கள் ஆதரவு தெரிவித்துள்ளனர்.
சமீபத்திய செய்திகள்
சஞ்சய் தத்துக்கு இன்னொரு படம் பண்ணுவேன்.. அதுல மிஸ்டேக்கை சரி பண்ணிடுவேன் - லோகேஷ் கனகராஜ்
வெற்றிகரமாக பூமிக்குத் திரும்பினார் சுபான்ஷு சுக்லா.. ஆக்ஸியம் 4 குழுவினரும் பத்திரமாக திரும்பினர்!
கோவை, நீலகிரிக்கு நாளை மறுநாள் மிக கனமழைக்கான ஆரஞ்ச் எச்சரிக்கை: வானிலை ஆய்வு மையம்
இந்திய இஸ்லாமிய மத குருக்களின் முயற்சியால்.. நிமிஷா பிரியாவின் மரண தண்டனை நிறுத்தி வைப்பு
அஜித்குமார் கொலை வழக்கு... காத்திருப்போர் பட்டியலுக்கு மாற்றப்பட்ட ஆஷிஷ் ராவத்திற்கு மீண்டும் பதவி
ஆசிரியர்கள், மாணவர்கள், பத்திரிகையாளர்களை வஞ்சிப்பது தான் திராவிட மாடல் அரசா?: நயினார் நாகேந்திரன்
Brain Health: இந்த 3 உணவுகள் சாப்பிட்டால் மூளை பாதிப்பு ஏற்படும்...எச்சரிக்கும் டாக்டர்கள்
இந்தியாவுக்கு வந்த டெஸ்லா.. மும்பையில் முதல் ஷோரூம் திறப்பு.. நீங் புக் பண்ணிட்டீங்களா?
உங்களுடன் ஸ்டாலின் திட்டம்.. சிதம்பரத்தில் தொடங்கி வைத்தார் முதல்வர் மு.க.ஸ்டாலின்!
{{comments.comment}}