நாட்டு மக்களிடம் மன்னிப்பு கேளுங்கள்.. ஆதிபுருஷ் படத்துக்கு சிவசேனா கடும் எதிர்ப்பு!

Jun 17, 2023,03:53 PM IST

டெல்லி: ஆதிபுருஷ் படம் கடும் விமர்சனங்களைச் சந்தித்து வருகிறது. படம் சரியாக இல்லை என்பது ஒரு பக்கம் இருக்கும் நிலையில் அப்படத்தில் இடம் பெற்ற வசனங்களுக்காக நாட்டு மக்களிடம் ஆதிபுருஷ் படக் குழுவினர் மன்னிப்பு கேட்க வேண்டும் என்று உத்தவ் தாக்கரே சிவசேனா கட்சி வலியுறுத்தியள்ளது.

உத்தவ் தாக்கரே சிவசேனாவைச் சேர்ந்த எம்.பி. பிரியங்கா சதுர்வேதி இதுகுறித்துக் கூறுகையில், ஆதிபுருஷ் படத்தில் இடம் பெறும் வசனங்கள் மிகவும் கண்டனத்துக்குரியவை. இந்து மதத்தின் புராணமான ராமாயணத்துக்கு அவமரியாதை செய்வது போல இந்த வசனங்கள் உள்ளன. குறிப்பாக அனுமான் பேசும் வசனங்கள் கடும் கொதிப்பை ஏற்படுத்துவதாக உள்ளது.

இப்படத்தின் இயக்குநர் ஓம் ராவத், வசனகர்த்தா மனோஜ்முன்டாசிர் நாட்டு மக்களிடம் மன்னிப்பு கேட்க வேண்டும். நாம் காலம் காலமாக வழிபட்டு வரும் கடவுள்களை பொழுதுபோக்கு என்ற பெயரில் இப்படி அவமதித்திருப்பது வருத்தத்திற்குரியது, கண்டனத்துக்குரியது. படத்துக்காக கடவுளை அவமதிப்பதை ஏற்கவே முடியாது என்று அவர் கூறியுள்ளார்.

ஆதிபுருஷ் படத்தின் ஸ்டில்கள் வெளியானது முதலே அது சர்ச்சையைக் கிளப்பி வந்தது. படத்தின் ஹீரோவான பிரபாஸ் பார்க்க ராமர் போலவே இல்லை, காமெடியாக இருக்கிறது என்று பலரும் கிண்டலடித்து வந்தனர். அதேபோல பிற கேரக்டர்களும் விமர்சனத்துக்குள்ளாகின. இந்த நிலையில் நேற்று இப்படம் திரைக்கு வந்தது. ஆனால் இப்படத்திற்கு மிகப் பெரிய எதிர்ப்பும், அதிருப்தியும் தற்போது கிளம்பியுள்ளன. பெரும்பாலான தியேட்டர்களில் கூட்டமே இல்லை என்று தகவல்கள் கூறுகின்றன.

ரூ. 500 கோடியில் தயாரிக்கப்பட்டதாக கூறப்படும் இப்படத்தின் கிராபிக்ஸ் காட்சிகள் தரமற்றவையாக இருப்பதாகவும் குமுறல் வெடித்துள்ளது. வசனங்களும் கூட கடும் சர்ச்சைக்குள்ளாகியுள்ளன. ராமர் வேடத்தில் பிரபாஸ், சீதை வேடத்தில் கிருத்தி சனோனன், ராவணன் வேடத்தில் சைப் அலி கான் நடித்துள்ளனர்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

டிமார்ட் நிறுவனத்தின் பெயரில் போலி வெப்சைட் மோசடி.. மக்களே உஷாரா இருங்க

11 ஆண்டு பாஜக ஆட்சியில் இந்தியாவின் வளர்ச்சி அபரிமிதம்.. பிரதமர் மோடி பெருமிதம்

என்னை இப்படி தேவையில்லாமல் புகழாதீர்கள்.. செனாப் பாலம் புகழ் மாதவி லதா வேண்டுகோள்!

ராஜ்யசபா தேர்தல்: எம்பி., ஆகிறார் கமல்ஹாசன்...அதிமுக, திமுக வேட்பாளர்கள் மனு ஏற்பு

ஓடி விளையாடு பெண்ணே

என்னடா ஆண்டவருக்கு வந்த சோதனை...ஓடிடி.,யில் முன் கூட்டியே ரிலீசாகிறதா கமல்ஹாசனின் தக்லைஃப்?

செவ்வாய்க்கிழமையுடன் சேர்ந்து வரும் வைகாசி மாத பௌர்ணமி.. சிறப்பு!

தக்லைஃப் படத்தின் வழக்கு ஜூன் 13ம் தேதிக்கு ஒத்திவைப்பு

டி20 கிரிக்கெட்டின் சிறந்த வீரர்.. நிக்கோலஸ் பூரன் சர்வதேச கிரிக்கெட்டில் இருந்து ஓய்வு..!