விடாமுயற்சி... அசத்தல் போட்டோவுடன் வந்த லேட்டஸ்ட் அப்டேட்!

Jun 04, 2023,11:03 AM IST

சென்னை : நடிகர் அஜித்குமார் நடிக்கும் அவரின் 61 வது படத்தை டைரக்டர் மகிழ்திருமேஜி இயக்க போவதாக ஏற்கனவே அறிவித்து விட்டார்கள். இந்த படத்தை லைகா ப்ரொடக்ஷன்ஸ் பேனரில் சுபாஷ்கரன் தயாரிக்க உள்ளார். அதிகம் எதிர்பார்க்கப்படும் இந்த படத்தின் டைட்டில், ஸ்பெஷல் போஸ்டருடன் அஜித்தின் பிறந்தநாளன்று வெளியிடப்பட்டது.

இதன் லேட்டஸ்ட் அப்டேட்டாக, விடாமுயற்சி படத்தின் ப்ரீ ப்ரொடக்ஷன் வேலைகளுக்காக அஜித்தும், மகிழ்திருமேனியும் வெளிநாடு புறப்பட்டு சென்றுள்ளனர். இவர்கள் ஏர்போர்டில் எடுத்துக் கொண்ட போட்டோக்கள் தற்போது வெளியாகி உள்ளன.இந்த பிரம்மாண்ட படத்தின் பெரும்பாலான காட்சிகள் வெளிநாடுகளில் படமாக்கப்பட உள்ளதாம்.

விடாமுயற்சி படத்தில் ஹீரோயினாக நடிக்க த்ரிஷா ஒப்பந்தமாகி இருக்கிறாராம். இந்த படத்தின் ஷூட்டிங் இன்னும் சில வாரங்களில் துவங்கப்பட உள்ளதாம். அனிருத் இந்த படத்திற்கு இசையமைக்க உள்ளார்.

இந்த ஆண்டு இறுதியில் அஜித் உலகம் முழுவதும் பைக் டூர் கிளம்ப போகிறார். அதற்கு முன் இந்த படத்தை முடிக்க திட்டமிட்டுள்ளார்கள். விடாமுயற்சி படத்தை முடித்த கையோடு அஜித் துவங்க உள்ள பைட் டூரும் படமாக்கப்பட உள்ளதாம். இந்த பைக் டூர் டாக்குமென்ட்ரியாக தயாரிக்கப்பட்டு, நெட்ஃபிளிக்சில் தொடராக வெளியிடப்பட உள்ளதாம்.