"மோடிதான் பாஸ்".. ஆஸ்திரேலிய பிரதமர் புகழாரம்.. சிட்னியைக் கலக்கிய நரேந்திர மோடி!

May 23, 2023,03:14 PM IST

சிட்னி: சிட்னியில் நடைபெற்ற மிகப் பிரமாண்டமான கூட்டத்தில் கலந்து கொண்ட ஆஸ்திரேலிய பிரதமர் அந்தோணி ஆல்பனீஸ், பிரதமர் நரேந்திர மோடியை பாஸ் என்று புகழ்ந்து பேசியுள்ளார்.

சிட்னி சென்றுள்ள பிரதமர் மோடி இன்று அங்கு நடைபெற்ற இந்தியர்களுடனான சந்திப்பில் கலந்து கொண்டார். அங்குள்ளகுடோஸ் பாங்க் ஏரினா அரங்கில் 20,000க்கும் மேற்பட்டோர் கூடியிருந்த கூட்டத்தில் மோடி பேசினார். அவருடன் ஆஸ்திரேலிய பிரதமர் ஆல்பனீஸும் கலந்து கொண்டார்.

தொடக்க உரையாற்றிய ஆல்பனீஸ் கூறுகையில், இதே அரங்கில் கடைசியாக ப்ரூஸ் ஸ்பிரிங்ஸ்டீன் கலந்து கொண்ட நிகழ்ச்சி நடைபெற்றது. அவரை எல்லோரும் பாஸ் என்றுதான் அழைப்பார்கள். ஆனால் அவருக்குக் கூட இப்படி ஒரு கூட்டம் கூடவில்லை. அப்போது கூடியதை விட இப்போது மிகப் பெரிய உற்சாகத்துடன் நீங்கள் கூடியுள்ளீர்கள். மோடிதான் இங்கு பாஸ்! என்றார் ஆல்பனீஸ்.

முன்னதாக மோடியும், ஆல்பனீஸும் கூட்ட அரங்குக்கு வந்தபோது இந்தியர்கள் பெரும் உற்சாகத்துடன் இருவரையும் வரவேற்றனர். இந்திய கலாச்சார நடன நிகழ்ச்சிகளும் நடைபெற்றன. பாரம்பரியமான முறையில் இரு பிரதமர்களும் வரவேற்கப்பட்டனர்.

முன்னதாக இரு பிரதமர்களும் தனியாக சந்தித்து ஆலோசனை நடத்தினர். அப்போது ஆல்பனீஸ் கூறுகையில், நான் பிரதமராக பதவியேற்ற பின்னர் நாம் 6வது முறையாக சந்திக்கிறோம். இது நமது நாடுகள் குறித்த உறவில் நாம் காட்டும் அக்கறையை வெளிப்படுத்துகிறது. இந்தியா உலகின் 3வது பெரும் பொருளாதார வல்லரசாக உயரும். உலகிலேயே அதிக மக்கள் தொகை கொண்ட நாடாக ஏற்கனவே இந்தியா திகழ்கிறது. இந்தியப் பெருங்கடலில் உள்ள முக்கியமான நாடு இந்தியா. இந்தியாவுடன் உறவை வலுப்படுத்திக் கொள்வதில் ஆஸ்திரேலியா ஆர்வமாக உள்ளது என்றார் ஆல்பனீஸ்.

சமீபத்திய செய்திகள்

பால் முதல் மின்சாரம் வரை...110 விதியின் கீழ் முதல்வர் விஜய் இன்று வெளியிட்ட 6 அறிவிப்புக்கள்

ஒரே நாளில் மதுவிலக்கு கொண்டு வர முடியும்...அமைச்சர் ஆதவ் அர்ஜூனா பேச்சால் அதிர்ந்த சட்டசபை

மாற்றுத்திறனாளிகளுக்கு புதிய அறிவிப்புகள்: இலவச ஸ்கூட்டர், பஸ்களில் இலவச பயணத் திட்டம்

கொளத்தூர் தேர்தல் வழக்கு: தீர்ப்பை தள்ளிவைத்து சென்னை உயர்நீதிமன்றம் உத்தரவு

டாஸ்மாக் ஊழியர்களுக்கு குட் நியூஸ்...சம்பள உயர்வு, தீபாவளி முன்பணம் அறிவிப்பு

சட்டசபையில் காங்கிரஸ் எம்எல்ஏ.,க்கள் இருக்கை மாற்றம்...மாணிக்க தாகூர் சொன்ன பதில்

நேபாள பெருவெள்ளம்: 903 பேர் பலி; 4,247 பேர் மாயம்...அதிகாரப்பூர்வ அறிவிப்பு

தி.மு.க-வில் இருந்து முன்னாள் அமைச்சர் தோப்பு வெங்கடாசலம் விலகல்

அரசு ஊழியர்கள் கையில் வைத்திருக்கும் ரொக்கப் பணம்: கன்னியாகுமரி கலெக்டர் அதிரடி உத்தரவு

"மோடிதான் பாஸ்".. ஆஸ்திரேலிய பிரதமர் புகழாரம்.. சிட்னியைக் கலக்கிய நரேந்திர மோடி!

Comments

சமீபத்திய செய்திகள்

அதிகம் பார்க்கும் செய்திகள்