நாங்களும் கூட்டம் போடுவோம்.. எதிர்க்கட்சிகளுக்கு எதிராக பாஜக.,வின் செம மூவ்

Jul 17, 2023,11:39 AM IST

டெல்லி : எதிர்க்கட்சிகள் இன்று பெங்களூரில் கூட்டம் போடும் நிலையில் நாளை டெல்லியில் தேசிய ஜனநாயகக் கூட்டணி கூட்டம் கூடவுள்ளது.

இந்த வாரம் முழுவதும் நாடே பரபரப்பான அரசியல் சூழலை எதிர்நோக்கி உள்ளது. பாஜக.,வை வீழ்த்துவதற்காக நாடு முழுவதிலும் உள்ள எதிர்க்கட்சிகள் ஒரு அணியாக திரள ஆலோசனை கூட்டம் நடத்தி வருகின்றன. முதல் கூட்டம் பாட்னாவில் நடத்தப்பட்ட நிலையில், எதிர்க்கட்சிகளின் 2வது ஆலோசனைக் கூட்டம் இன்று பெங்களுருவில் நடக்கிறது.

இன்று எதிர்க்கட்சிகள் நடத்தும் கூட்டத்தில் 26 கட்சிகள் கலந்து கொள்ள உள்ளன. எதிர்க்கட்சிகள் நடத்தும் ஆலோசனை கூட்டம் இன்றும், நாளையும் நடைபெற உள்ளது. இந்நிலையில் எதிர்க்கட்சிகளின் கூட்டணிக்கு எதிராக தங்கள் பலத்தை நிரூபிக்க பாஜக.,வும் முடிவு செய்துள்ளது. தேசிய ஜனநாயக கூட்டணியில் உள்ள 30 கட்சிகளையும் அழைத்து, ஜே.பி.நட்டா தலைமையில் ஜூலை 18 ம் தேதி ஆலோசனை கூட்டம் நடத்த பாஜக முடிவு செய்துள்ளது.

ஜூலை 20 ம் தேதி பார்லிமென்ட் மழைக்கால கூட்டத்தொடர் துவங்க உள்ளது. இதற்கு முன் தங்களுக்குள் இருக்கும் வேறுபாடுகளை நீக்கி, ஒரே அணியில் ஒன்று பட எதிர்க்கட்சிகள் தீரவிம் காட்டி வருகின்றன். ஆனால் எதிர்க்கட்சிகளை மிரள வைப்பதற்காக பிரம்மாண்ட கூட்டத்தை நடத்த பாஜக திட்டமிட்டுள்ளது. பிரதமர் மோடி மற்றும் நட்டா தலைமையில் நடக்கும் இந்த கூட்டம் டெல்லி அசோக் ஓட்டலில் செவ்வாய்கிழமை மாலை நடக்கிறது.

பாஜக நடத்தும் இந்த கூட்டத்தில் லோக் ஜனசக்தி, இந்துஸ்தான் ஆவாமி மோர்சா, ராஷ்டிரிய லோக் சம்த கட்சி உள்ளிட்ட கட்சிகள் கலந்து கொள்ள உள்ளன. பாஜக கூட்டணியில் தற்போது அதிமுக, சிவசேனா, தேசிய மக்கள் கட்சி உள்ளிட்ட கட்சிகள் உள்ளன. தேசியவாத காங்கிரஸ் கட்சியும் இரண்டாக உடைந்துள்ளதால் அவர்களும் பாஜக.,வில் இணைந்துள்ளனர்.

இக்கூட்டத்தில் பங்கேற்க அதிமுக சார்பில் எடப்பாடி பழனிச்சாமி டெல்லி செல்கிறார். அதேபோல இன்றைய பெங்களூர் கூட்டத்தில் முதல்வர் மு.க.ஸ்டாலின் கலந்து கொள்கிறார் என்பது குறிப்பிடத்தக்கது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

ஆந்திராவில் பேருந்து விபத்தில் 20 பேர் பலி: விபத்திற்கான காரணமாக வெளிவந்த அதிர்ச்சி தகவல்

ஐஸ்லாந்தும் என் ஆளுகையில்.. ஒத்தக் கொசு.. மொத்த நாடும் அலறுதே.. க(ப)டிச்சுப் பாருங்க!

12 மாவட்டங்களுக்கு இன்றும், 6 மாவட்டங்களுக்கு நாளையும் கனமழைக்கு வாய்ப்பு: சென்னை வானிலை மையம் தகவல்

பாமக செயல் தலைவராக ஸ்ரீகாந்திமதி நியமனம்: பாமக நிறுவனர் டாக்டர் ராமதாஸ் அறிவிப்பு!

Cyclone Montha... அக்.,28ல் ஆந்திரா மாநிலம் காக்கிநாடா அருகே கரையை கடக்கிறது: வானிலை மையம் அறிவிப்பு

நெல்லின் ஈரப் பதம்.. தமிழ்நாட்டில் மத்தியக் குழு.. நாமக்கல் அரிசி ஆலையில் இன்று ஆய்வு

10 மற்றும் 12ம் வகுப்பு பொதுத்தேர்வு அட்டவணை நவ., 4ம் தேதி வெளியீடு: அமைச்சர் அன்பில் மகேஸ்!

காலையில் தினமும் கண் விழித்தால் கை தொழும் தேவதை... டீ.. ஆனால் வெறும் வயிற்றில் குடித்தால்??

மிரட்ட வரும் மோன்தா புயல்... யாருக்கு ஆபத்து... யாருக்கு மழை... தமிழ்நாட்டு நிலவரம் என்ன தெரியுமா?