டில்லிக்கு கடிதம் எழுதுவீங்களா?...கவர்னரை கேள்வி கேட்டு போஸ்டர் ஒட்டிய திமுக.,வினர்

Jun 30, 2023,11:07 AM IST

சென்னை : அமலாக்கத்துறையின் கைது நடவடிக்கை மற்றும் குற்றச்சாட்டுக்களை காரணம் காட்டி தமிழக அமைச்சரவையில் இருந்து செந்தில் பாலாஜியை நீக்கி தமிழக கவர்னர் ரவி நேற்று உத்தரவு பிறப்பித்தருந்தார். இதற்கு திமுக.,வினர் கடும் எதிர்ப்பும், கண்டனமும் தெரிவித்து வருகின்றனர்.

அமைச்சரை நீக்குவதற்கு கவர்னருக்கு அதிகாரம் கிடையாது. இதை நாங்கள் சட்டப்படி சந்திப்போம் என தமிழக முதல்வரும் திமுக தலைவருமான மு.க.ஸ்டாலின் கூறி இருந்தார். இந்நிலையில் செந்தில் பாலாஜியை நீக்கியதாக கவர்னரின் உத்தரவு வெளியான சில மணி நேரங்களிலேயே சென்னையில் அண்ணாசாலை உள்ளிட்ட முக்கிய பகுதிகளில் கவர்னரை கேள்வி கேட்டு திமுக., சார்பில் பல இடங்களில் போஸ்டர் ஒட்டப்பட்டிருந்தது.

அதில், மத்திய அமைச்சரவையில் இடம்பெற்றுள்ள 41 பேரின் போட்டோக்கள், அவர்கள் வகிக்கும் பதவி, அவர்கள் மீதுள்ள வழக்குகளின் எண்ணிக்கை ஆகியவற்றை குறிப்பிட்டு, குற்றப் பின்னணியுடன் மத்திய அமைச்சரவையில் இடம்பெற்றுள்ள இவர்களை அமைச்சரவையில் இருந்து நீக்கும் படி டில்லிக்கு கடிதம் எழுதுவீர்களா? என கேட்டு போஸ்டர் ஒட்டப்பட்டுள்ளது. திமுக.,வை சேர்ந்த வழக்கறிஞர் ஹேமந்த் அண்ணாதுரை என்பவர் சார்பில் இந்த போஸ்டர் ஒட்டப்பட்டுள்ளது. இது பாஜக மற்றும் திமுக இடையேயான மோதலை அதிகப்படுத்தி, தமிழக அரசியலில் புதிய பரபரப்பை கிளப்பு உள்ளது.

கவர்னருக்கு எதிராக ஒட்டப்பட்டுள்ள இந்த போஸ்டர்கள் பரபரப்பை கிளப்பி வரும் நிலையில் இன்று காலை, செந்தில் பாலாஜியை தமிழக அமைச்சரவையில் இருந்து நீக்கிய உத்தரவை திரும்பப் பெறுவதாக கவர்னர் மாளிகை அறிவிப்பு வெளியிட்டுள்ளது. போட்ட உத்தரவை உடனடியாக திரும்பப் பெறும் அளவிற்கு இரவோடு இரவாக அப்படி என்ன நடந்தது என்ன கேள்வியும் அரசியல் வட்டாரத்திலும், பொது மக்களிடமும் நிலவி வருகிறது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

பகுதிநேர ஆசிரியர்கள் சிறப்பு மதிப்பெண் அடிப்படையில் பணி நிரந்தரம்: முதல்வர் மு.க.ஸ்டாலின் அறிவிப்பு

குற்றவாளிகளை காப்பாற்ற மட்டுமே திமுக ஆட்சி நடத்திக் கொண்டிருக்கிறது: அண்ணாமலை குற்றச்சாட்டு!

8% ஆரம்பித்து 0.17 சதவீதத்தில் வந்து நிற்கும் தேமுதிக.. எதிர்பார்க்கும் சீட்டுகள் எத்தனை?

எனக்கு போட்டியாக இந்தியாவில் எந்த கட்சியும் இல்லை..பூமிக்காக அரசியல் பேசும் ஒரே தலைவன் நான்: சீமான்

அமெரிக்காவை உலுக்கும் பெர்ன் பனிப்புயல்:. ஸ்தம்பித்த வாழ்க்கை.. காலியான சூப்பர் மார்க்கெட்டுகள்!

மக்களே தயாராக இருங்க... நாளை 9 மாவட்டங்களுக்கு மழைக்கு வாய்ப்பு..வானிலை மையம் அறிவிப்பு!

டி20 உலகக் கோப்பைத் தொடரிலிருந்து வங்கதேசம் அதிரடி நீக்கம்?.. ஸ்காட்லாந்துக்கு வாய்ப்பு!

ஓபிஎஸ் - அமைச்சர் சேகர்பாபு திடீர் சந்திப்பு: தமிழக அரசியலில் புதிய திருப்பம்?

என்னாது கேரள சட்டசபைத் தேர்தலில் நான் போட்டியிடப் போறேனா?.. பாவனா பதில்!