வெறி ஏத்தும் இந்தியன் 2 அப்டேட்... கமல்ஹாசனுக்கு இத்தனை வில்லன்களா ?

Feb 27, 2023,04:54 PM IST

சென்னை : கிட்டத்தட்ட 3 ஆண்டுகள் தாமதம், போராட்டத்திற்கு பிறகு தற்போது டைரக்டர் ஷங்கர் இயக்கத்தில் கமல் நடிக்கும் இந்தியன் 2 படத்தின் வேலைகள் விறுவிறுப்பாக நடந்து வருகிறது. ஷூட்டிங் ஸ்பாட் போட்டோக்களை டைரக்டர் ஷங்கரே அடிக்கடி வெளியிட்டு, ரசிகர்களின் ஆர்வத்தை தூண்டி வருகிறார்.

இந்தியன் 2 படத்திற்காக நடிகர் விவேக் நடித்த காட்சிகள் நீக்கப்பட உள்ளதாகவும், அவருக்கு பதில் வேறு ஒரு நடிகரை நடிக்க வைக்க உள்ளதாகவும் விவேக் மரணமடைந்த சமயங்களில் செய்திகள் உலா வந்தன. ஆனால் லேட்டஸ்ட் தகவலின் படி, விவேக் நடித்த கடைசி படம் என்பதால் அவரது காட்சிகளை அப்படியே பயன்படுத்த திட்டமிட்டுள்ளதாக சொல்லப்படுகிறது. தற்போது ஆக்ஷன் காட்சிகள் மும்முரமாக எடுக்கப்பட்டு வருகின்றன.

இந்த படத்தில் கமலுக்கு மொத்தம் 7 வில்லன்களாம். இவர்களில் சமுத்திரக்கனியும் ஒருவர். பனையூர் பகுதியில் ஒரு வாரம் இரவு நேர ஷூட்டிங் நடத்த இந்தியன் 2 டீம் முடிவு செய்திருப்பதாக சொல்லப்படுகிறது. இந்தியர்கள் - ஆங்கிலேயர்கள் இடையேயான மோதல், பிரம்மாண்ட சண்டை காட்சியாக படமாக்கப்பட்டு வருவதாக சொல்லப்படுகிறது. இதனால் அடுத்தடுத்த அப்டேட்கள் விரைவில் வெளியாகும் என எதிர்பார்க்கப்படுகிறது.

ஏற்கனவே படத்தில் பாதிக்கும் மேற்பட்ட வேலைகள் முடிவடைந்து விட்டதால், அடுத்த கட்டமாக ஆடியோ, டீசர், ஃபர்ஸ்ட் லுக் போன்ற அடுத்தடுத்த அப்டேட்கள் வெளிவர அதிக வாய்ப்புள்ளதாக சொல்லப்படுகிறது.