லண்டனில் படித்து வந்த இந்திய மாணவி தேஜஸ்வினி ரெட்டி.. குத்திக் கொலை.. 3 பேர் கைது

Jun 15, 2023,12:12 PM IST

லண்டன்: லண்டனில் படித்து வந்த இந்தியாவைச் சேர்ந்த மாணவி தேஜஸ்வினி ரெட்டி என்பவர் படுகொலை செய்யப்பட்டுள்ளார். இந்த வழக்கில் 3 பேர் கைது செய்யப்பட்டுள்ளனர்.

ஹைதராபாத்தைச் சேர்ந்தவர் தேஜஸ்வினி ரெட்டி. 27 வயதான இவர் உயர் படிப்புக்காக இங்கிலாந்து சென்றிருந்தார். லண்டன் வெம்ப்ளி பகுதியில் தங்கிப் படித்து வந்தார். இந்த நிலையில் கத்தியால் குத்திப் படுகொலை செய்யப்பட்ட நிலையில் அவரது உடல் அவரது வீட்டில் கண்டெடுக்கப்பட்டுள்ளது.

அவருடன் தங்கியிருந்த பிரேசில் நாட்டைச் சேர்ந்த 24 வயது நபர்தான் இந்தக் கொலையைச் செய்தது தெரிய வந்துள்ளது. அவருடன் மேலும் ஒருவருக்கும் இதில் தொடர்புள்ளது. இந்த கொலை வழக்கில் இதுவரை 3 பேர் கைது செய்யப்பட்டுள்ளதாக தெரிவிக்கப்பட்டுள்ளது. இந்தத் தாக்குதலில் தேஜஸ்வினியின் இன்னொரு ரூம் மேட் பெண்ணும் காயமடைந்துள்ளார்.

சமீபத்தில்தான் தனது மேல் படிப்பை முடித்திருந்தார் தேஜஸ்வினி. விரைவில் தாயகம் திரும்பத் திட்டமிட்டிருந்தார். ஊருக்கு வந்ததும் திருமணம் செய்து கொள்வதாகவும் கூட தனது பெற்றோரிடம் கூறியிருந்தார் தேஜஸ்வினி. அதற்குள் இந்தப் படுகொலை நடந்துள்ளது. எதற்காக இந்தக் கொலை நடந்தது என்று தெரியவில்லை.

தேஜஸ்வினியின் உடலை தெலங்கானாவுக்குக் கொண்டு வர நடவடிக்கை எடுக்க வேண்டும் என்று மத்திய அரசுக்கும், தெலங்கானா அரசுக்கும் அவரது குடும்பத்தினர் கோரிக்கை வைத்துள்ளனர்.

சமீபத்திய செய்திகள்

நான் என்னுடைய சுய கணக்கெடுப்பை முடித்து விட்டேன்.. வீடியோ வெளியிட்ட முதல்வர் விஜய்

Census: தமிழகத்தில் ஆகஸ்ட் 1 முதல் முதற்கட்ட மக்கள்தொகை கணக்கெடுப்பு.. ஆன்லைனிலும் சமர்ப்பிக்கலாம்!

ரோஹித் சர்மா ஓய்வு பெற நிர்ப்பந்தமா.. உண்மையில் என்னதான் நடக்கிறது?

ஜோர்டானில் இருந்த அமெரிக்க போர் விமானங்களை அழித்ததாக ஈரான் அதிரடி தகவல்

ரயில் டிக்கெட் முன்பதிவை எளிதாக்க ஐஆர்சிடிசி (IRCTC) புதிய பீட்டா பதிப்பு அறிமுகம்

சிந்தனைச் சிதறல்.. தனித்துவமும் தன் மதிப்பும் மிகுந்த தனிமையே உயர்வானது!

ரஷ்ய எண்ணெய் வாங்கும் இந்தியா, சீனா மீது 100% வரி? அமெரிக்க நாடாளுமன்றத்தில் புதிய மசோதா

ஓய்வறியா தமிழ்ச் சூரியன்.. தளராமல் தமிழ் வளர்க்கும் பாரதிச்சுடர் நா.வே.நீலகண்டத் தமிழன்!

மிஸ்..இந்த வாட்டியும் வந்ததா!.. அஞ்சாப்பு அட்டகாசங்கள்

லண்டனில் படித்து வந்த இந்திய மாணவி தேஜஸ்வினி ரெட்டி.. குத்திக் கொலை.. 3 பேர் கைது

Comments

சமீபத்திய செய்திகள்

அதிகம் பார்க்கும் செய்திகள்