கர்நாடக தேர்தல் பிரச்சாரம்.. காங்கிரஸுக்குக் "கை" கொடுக்க செல்கிறார்.. கமல்ஹாசன்!

Apr 29, 2023,09:49 AM IST

சென்னை: கர்நாடக சட்டசபைத் தேர்தலில், காங்கிரஸ் கட்சிக்காக பிரச்சாரம் செய்ய மக்கள் நீதி மய்யம் கட்சித் தலைவர் நடிகர் கமல்ஹாசன் செல்லவுள்ளார்.

காங்கிரஸ் மற்றும் திமுகவுடன் சமீப காலமாக நெருக்கம் காட்டி வருகிறார் கமல்ஹாசன். ராகுல்காந்தி நடத்திய பாரத் ஜோடோ யாத்திரையின்போது டெல்லிக்குச் சென்று ராகுல் காந்தியுடன் நடந்தார். ஈரோடு கிழக்கு சட்டசபைத் தொகுதி இடைத் தேர்தலின்போது காங்கிரஸ் வேட்பாளர் ஈவிகேஎஸ் இளங்கோவனுக்காக பிரச்சாரம் செய்தார்.

அதேபோல திமுக தலைவரும், முதல்வருமான மு.க.ஸ்டாலின் பிறந்த நாளையொட்டி சென்னையில் நடந்த புகைப்படக் கண்காட்சியை கமல்ஹாசன்தான் தொடங்கி வைத்தார். சென்னையில் தொடங்கி பல்வேறு ஊர்களிலும் இந்த புகைப்படக் கண்காட்சி நடைபெற்றது.

இந்த நிலையில் தற்போது கர்நாடக சட்டசபைத் தேர்தலில் காங்கிரஸ் கட்சிக்காக பிரச்சாரம் செய்யப் போகிறார் கமல்ஹாசன். மே முதல் வாரத்தில் கமல்ஹாசன் கர்நாடக தேர்தல் பிரச்சாரத்தை மேற்கொள்வார் என்று தெரிகிறது. கமல்ஹாசன் பிரச்சாரம் செய்ய வேண்டும் என்று ராகுல் காந்தி அழைப்பு விடுத்திருந்தாராம். அதை ஏற்று கமல்ஹாசன் பிரச்சாரம் செய்யவுள்ளார்.

ஏற்கனவே பல்வேறு கன்னட நடிகர்கள் பாஜகவுக்காக பிரச்சாரத்தில் ஈடுபட்டுள்ளனர். கிச்சா சுதீப், தர்ஷன் போன்றோர் பிரச்சாரம் செய்து வருகின்றனர். இந்த நிலையில் தமிழ்நாட்டிலிருந்து கமல்ஹாசன் பிரச்சாரம் செய்யப் போகிறார்.

சமீபத்திய செய்திகள்

எதிர்ப்பேன்... ஆதரிப்பேன்... ஆலோசனை சொல்வேன்... எம்.பி., கமல்ஹாசனின் முதல் பதிவு!

கமல்ஹாசன்.. களத்தூர் கண்ணம்மா முதல் ராஜ்யசபா வரை!

இன்ஸ்டாகிராம் ரீல்ஸ் பிரபலம்... நடிகை இலக்கியாவுக்கு என்னாச்சு?

உஷார் மக்களே உஷார்... தமிழ்நாட்டில் இன்று எங்கெல்லாம் கனமழை பெய்யப்போகுது தெரியுமா?

விஜய் சீமானை நேரடியாக அழைக்கவில்லை... எங்களது விருப்பத்தை நாங்கள் சொல்கிறோம்...எடப்பாடி பழனிச்சாமி

கமல்ஹாசனின் புதிய அத்தியாயம்.. ராஜ்யசபா உறுப்பினராக தமிழில் பதவியேற்றார்

Friday Motivation: மனைவி ஸ்ரீதேவியின் ஆசையை.. 69 வயதில் நிறைவேற்றிய போனி கபூர்

ருத்ர தாண்டவம் (சிறுகதை)

உரிமை மீட்க தலைமுறை காக்க... திட்டமிட்ட படி இன்று நடைபயணம் தொடங்குகிறார் அன்புமணி ராமதாஸ்!

கர்நாடக தேர்தல் பிரச்சாரம்.. காங்கிரஸுக்குக் "கை" கொடுக்க செல்கிறார்.. கமல்ஹாசன்!

Comments

சமீபத்திய செய்திகள்

அதிகம் பார்க்கும் செய்திகள்