உக்ரைனில் இருந்து ரஷ்யா வெளியேற ஐநாவில் தீர்மானம்.. இந்தியா நடுநிலை!

Feb 24, 2023,01:02 PM IST

ஜெனிவா : உக்ரைனில் இருந்து ரஷ்யா வெளியேறக் கோரி ஐநா பொதுச்சபையில் வாக்கெடுப்பு நடத்தி, தீர்மானம் நிறைவேற்றப்பட்டுள்ளது.

இதில் இந்தியா, சீனா உள்ளிட்ட நாடுகள் வாக்கெடுப்பில் கலந்து கொள்ளவில்லை. இதனால் இந்த நாடுகளின் நிலைப்பாடு என்ன என்பதை கணிக்க முடியாமல் உலக நாடுகள் குழம்பி உள்ளன.

2014 ம் ஆண்டு முதல் ரஷ்யா - உக்ரைன் இடையே போர் நடைபெற்று வருகிறது. ரஷ்ய படைகள் அவ்வப் போது உக்ரைன் பகுதியில் தாக்குதல்களை நடத்தி வந்தது. 2022 ம் ஆண்டு முதல் உக்ரைன் மீதான போரை ரஷ்யா தீவிரப்படுத்தி வருகிறது. அதிக அளவிலான படைகளை குவித்து வருகிறது. இந்த போரில் இதுவரை ஆயிரக்கணக்கான அப்பாவி மக்கள் உயிரிழந்துள்ளனர். இந்த நிலை இனியும் தொடர வேண்டாம் என்பதால் போரை முடிவுக்கு கொண்டு வர ஐநா பொதுசபை மற்றும் உலக நாடுகள் பலவும் முன்னெடுத்த முயற்சிகள் அனைத்தும் தோல்வியில் முடிந்துள்ளன.

சமீபத்தில் அமெரிக்கா உடனான அணுஆயுத கட்டுப்பாட்டு ஒப்பந்தத்தில் இருந்தும் ரஷ்யா வெளியேறியது. அப்போது உரையாற்றிய ரஷ்ய அதிபர் விளாமிர் புடின், உக்ரைன் உடனான போரை ஒரு போதும் நிறுத்த போவதில்லை என திட்டவட்டமாக தெரிவித்திருந்தார். இந்நிலையில் உக்ரைனில் இருந்து ரஷ்ய படைகள் உடனடியாக வெளியேற வேண்டும். எந்த விதமான நிபந்தனையும் இல்லாமல் உடனடியாக இதை செய்ய வேண்டும் என வலியுறுத்தி ஐநா கொண்டு வந்த தீர்மானத்தின் மீது சமீபத்தில் வாக்கெடுப்பு நடத்தப்பட்டது.

இதில் ரஷ்யா, வடகொரியா, சிரியா உள்ளிட்ட 7 நாடுகள் ஐநாவின் தீர்மானத்திற்கு எதிராக வாக்களித்தன. அதே சமயம் இந்தியா, சீனா உள்ளிட்ட 32 நாடுகள் இந்த வாக்கெடுப்பில் பங்கேற்கவில்லை. இருப்பினும் அதிகப்படியான நாடுகள் ஐநாவின் தீர்மானத்திற்கு ஆதரவாக ஓட்டளித்ததால், உக்ரைன் மீது ரஷ்யா நடத்தி வரும் போருக்கு எதிரான தீர்மானம் நிறைவேற்றப்பட்டது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

ராஜ்யசபா தேர்தல்: எம்பி., ஆகிறார் கமல்ஹாசன்...அதிமுக, திமுக வேட்பாளர்கள் மனு ஏற்பு

ஓடி விளையாடு பெண்ணே

என்னடா ஆண்டவருக்கு வந்த சோதனை...ஓடிடி.,யில் முன் கூட்டியே ரிலீசாகிறதா கமல்ஹாசனின் தக்லைஃப்?

செவ்வாய்க்கிழமையுடன் சேர்ந்து வரும் வைகாசி மாத பௌர்ணமி.. சிறப்பு!

தக்லைஃப் படத்தின் வழக்கு ஜூன் 13ம் தேதிக்கு ஒத்திவைப்பு

டி20 கிரிக்கெட்டின் சிறந்த வீரர்.. நிக்கோலஸ் பூரன் சர்வதேச கிரிக்கெட்டில் இருந்து ஓய்வு..!

இந்திய மாணவருக்கு கைவிலங்கிட்டு.. தரையில் கிடத்தி.. அமெரிக்க விமான நிலையத்தில் அராஜகம்

தமிழ்நாட்டில் 2026ல் ஆட்சி மாற்றம் வரும்.. பாஜக கூட்டணி குறித்து சொல்ல முடியாது: டாக்டர் ராமதாஸ்!

35 புதிய கல்லூரிகள் புதிதாக திறந்தும் ஒரு ஆசிரியர் கூட புதிதாக நியமிக்கவில்லை: அன்புமணி ராமதாஸ்