அவசரமாக டெல்லி சென்ற ஆர். என். ரவி.. அமித் ஷாவுடன் சந்திப்பு!

Jul 08, 2023,03:06 PM IST

டெல்லி: தமிழ்நாட்டில் அடுத்தடுத்து பரபரப்பான செய்திகளில் சிக்கி வரும் ஆளுநர் ஆர். என். ரவி டெல்லி சென்று இன்று உள்துறை அமைச்சர் அமித் ஷாவைச் சந்தித்துப் பேசியுள்ளார்.

தமிழ்நாட்டுக்கு ஆளுநராக வந்தது முதலே ஆர் என். ரவிக்கும், திமுக அரசுக்கும் இடையே தொடர்ந்து மோதல்கள் வலுத்தபடியே உள்ளது. பல்வேறு மசோதாக்களுக்கு ஆளுநர் அனுமதி அளிக்காமல் இருப்பதாக திமுக அரசு தொடர்ந்து குறை கூறி வருகிறது. ஆளுநரின் பேச்சுக்கள் அரசியல் சார்ந்ததாக உள்ளதாகவும், ஆர்எஸ்எஸ் சித்தாந்தத்தை தூக்கிப் பிடிப்பதாகவும் உள்ளதாக திமுக உள்ளிட்ட கூட்டணிக் கட்சிகள் குற்றம் சாட்டி வருகின்றன.

நீட் மசோதாவுக்கு ஒப்புதல் அளிக்க ஆளுநர் தாமதம் செய்ததும் சர்ச்சையானது. சமீபத்தில் எல்லாவற்றுக்கும் உச்சமாக, அமைச்சர் செந்தில் பாலாஜியை டிஸ்மிஸ் செய்வதாக அறிவித்து பரபரப்பை கூட்டினார் ஆளுநர். இப்படி ஒரு சம்பவம் இந்தியாவில் எந்த மாநிலத்திலும் நடந்ததில்லை என்பதால் இது பெரும் பரபரப்பை ஏற்படுத்தியது. ஆனால் இந்த உத்தரவை சில மணி நேரங்களிலேயே நிறுத்தி வைப்பதாக அறிவித்தார் ரவி.

இப்படி அடுத்தடுத்து சர்ச்சைகள் வெடித்து வரும் நிலையில் அவசரமாக அவர் டெல்லி புறப்பட்டுச் சென்றார். இதுகுறித்து அமைச்சர் உதயநிதி ஸ்டாலினிடம் செய்தியாளர்கள் கேட்டபோது, அவருக்கு வேலை என்று எதுவும் இல்லை. எனவே அடிக்கடி டெல்லி செல்கிறார் என்று கிண்டலாக பதிலளித்திருந்தார்.

டெல்லி சென்ற ஆளுநர் ரவி அங்கு உள்துறை அமைச்சர் அமித் ஷாவைச் சந்தித்துப் பேசி��ுள்ளார்.இந்த பேச்சின்போது என்ன விவாதிக்கப்பட்டது என்று தெரியவில்லை. ஆனால் சமீபத்தில் செந்தில் பாலாஜியை டிஸ்மிஸ் செய்தது தொடர்பாக விவாதிக்கப்பட்டிருக்கலாம் என்று கூறப்படுகிறது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

Tamil Nadu Assembly elections: அனல் பறக்க முடிந்த சட்டசபைத் தேர்தல்.. வரலாறு காணாத வாக்குப் பதிவு!

தமிழ்நாடு முழுக்க வாக்குப் பதிவு விகிதம் அதிகரிக்க என்ன காரணம்.. சென்னையும் கலக்குதே!

வாக்குப்பதிவு நேரத்தை 2 மணி நேரம் அதிகரிங்க.. தேர்தல் ஆணையத்துக்கு விஜய் கோரிக்கை

முதல்வர் மு.க.ஸ்டாலின், எடப்பாடி பழனிச்சாமி, விஜய், ரஜினி, கமல், அஜீத் ஓட்டுப் போட்டாச்சு!

சட்டசபைத் தேர்தலுக்குப் பிறகு பெட்ரோல், டீசல் விலை உயர்வு? - வதந்தி என.. மத்திய அரசு விளக்கம்!

விதைக்குள் காடு விரும்பி அதை நாடு!

நெருங்குதலும் விலகலும்

Dr Latha poems: அமைதியே என் ஆயுதம்.. நான் என உறுதி கொள்!

English Language Day: வில்லியம் ஷேக்ஸ்பியரை நினைவு கூர்ந்து Thanks சொல்வோம்!